بەيسەنبى, 28 ناۋرىز 2024
ايماق 3237 0 پىكىر 8 تامىز, 2019 ساعات 19:00

قازالىدا اۋقىمدى جۇمىستار اتقارىلۋدا

قازالى اۋدانىنداعى باستى جاڭالىقتىڭ ءبىرى قازالى قالاسى مەن ايتەكە بي كەنتىنىڭ اراسىن قوسۋ جۇمىستارى قارقىندى جۇرۋدە، - دەپ حابارلايدى اباي-اقپارات.

بيىل ەكى ارالىقتاعى جۇمىستاردى جالعاستىرۋعا 2,5 ملرد تەڭگە كولەمىندە قارجى قارالعان. جىل سوڭىنا تامان سول ماڭنان 1500 ادامعا تۇرعىن ءۇي سالۋ ءۇشىن جەر ۋچاسكەسىن بەرىلمەك.

– بىرنەشە الەۋمەتتىك نىساندار سالۋ دا باس جوسپارعا ەنگىزىلگەن. اتاپ ايتقاندا، بالاباقشا مەن بىرنەشە مەكەمەنىڭ اكىمشىلىك عيماراتتارىن (ەمحانا، كنب، پروكۋراتۋرا، لەسحوز) سالۋ ءۇشىن جەرلەرى بەلگىلەنىپ، جوبالارى ازىرلەنۋدە. ەكى ارالىقتى قوسىپ، 50 مىڭ حالىق تۇراتىن – ۇلكەن قالاعا اينالدىرۋ باستى جوباسى جاسالعان. سونداي-اق، 2 قاباتتى 12 تۇرعىن ءۇي قۇرىلىسىن سالۋ ءۇشىن قۇجاتتارىن ازىرلەپ، قارجىلاندىرۋعا رەسپۋبليكالىق بيۋدجەتكە ۇسىنىلدى، - دەيدى قازالى اۋدانى اكىمىنىڭ ءباسپاسوز حاتشىسى جەڭىسبەك سوتۆەتۇلى.

بۇدان بولەك، اۋدان كولەمىندە ايتەكە بي كەنتىنەن 600 ورىندىق مادەنيەت ءۇيى مەن اقسۋات اۋىلىندا 90 ورىندىق بالاباقشانىڭ قۇرىلىسى قارقىندى ءجۇرىپ جاتىر.

ايتا كەتەيىك، 2019 جىلعا اۋداندا 11 نىساننىڭ قۇرىلىسىن جۇرگىزۋگە رەسپۋبليكالىق بيۋدجەتتەن 2524,2 ملن تەڭگە، وبلىستىق بيۋدجەتتەن 1133,3 ملن تەڭگە، اۋداندىق بيۋدجەتتەن 41,1 ملن تەڭگە، بارلىعى 3698,6 ملن تەڭگە قارجى ءبولىنىپ، ءتيىستى قۇرىلىس-مونتاج جۇمىستارى جۇرگىزىلىپ جاتىر

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532