بەيسەنبى, 22 قازان 2020
COVID-19 قازاقستاندا. جۇقتىرعاندار — 109907. جازىلعاندار — 105385. قايتىس بولعاندار — 1796
2244 0 پىكىر 27 تامىز, 2019 ساعات 17:06

قىزىلوردادا مەتاللۋرگيا كەشەنى قۇرىلماق

شيەلى اۋدانىنداعى تامپوناجدى تسەمەنت زاۋىتى قازىرگى تاڭدا 5 ءتۇرلى ءونىم شىعارىپ، 100 مىڭ توننادان استام تسەمەنتتى كورشى ءۇش وڭىرگە – تۇركىستان، اقتوبە، الماتى وبلىستارىنا ساتىپ ۇلگەرگەن. ال شىلدە ايىنان باستاپ وزبەكستانعا 7,5 مىڭ توننا ءونىم ەكسپورتتاعان،- دەپ حابارلايدى اباي-اقپارات.

بۇل تۋرالى قىزىلوردا وبلىسى يندۋستريالدىق-يننوۆاتسيالىق دامۋ باسقارماسىنىڭ باسشىسى رينات سۇلتانگەرەەۆ حابارلادى. ونىڭ ايتۋىنشا، بيىل يندۋستريالاندىرۋدىڭ ەكىنشى بەسجىلدىعى تامامدالىپ، 28 جوبانىڭ 11-ءى ىسكە قوسىلماق.

– وبلىس ەكونوميكاسىن ءارتاراپتاندىرۋ ماقساتىندا وڭىردە مەتاللۋرگيا كەشەنىن قۇرۋ بويىنشا جۇمىستار جۇرگىزىلۋدە. بۇل باعىتتا ەكى جوبا جۇزەگە اسىرىلۋدا. ونىڭ ءبىرى – «شالقيا» قورعاسىن-مىرىش كەن ورنى جانە «بالاساۋىسقاندىق» ۆانادي كەن ورنىن يگەرۋ جوباسى، - دەدى باسقارما باسشىسى.

سونداي-اق، ول مامىر ايىنان باستاپ قۇرىلىسى جۇرگىزىلىپ جاتقان ەت كومبيناتىنىڭ كەلەشەگى جونىندە دە ايتتى. قۋاتتىلىعى جىلىنا 5 مىڭ توننا ەتتى تەرەڭىنەن وڭدەيتىن كومبيناتىنىڭ نەگىزگى ءونىمى ەكسپورتقا باعىتتالاتىنىن جانە ءونىمى ۆاكۋمدى قاپتامادا شىعارىلاتىندىعىن جەتكىزدى.

سوڭعى جىلدارى ايماقتا وندىرىلەتىن تۇزعا سۇرانىس ارتقان. بۇعان بايلانىستى ر.سۇلتانگەرەەۆ:

– «ارالتۇز» اكتسيونەرلىك قوعامى بيىل ونىمگە سۇرانىستىڭ جوعارى بولۋىنا بايلانىستى 3-ءشى يسپان تسەحىن سالۋ ماسەلەسىن قاراستىرۋدا. بيىلعى جىلى كاسىپورىن ءوندىرىس كولەمىن وتكەن جىلمەن سالىستىرعاندا 25 پروتسەنتكە ارتتىرۋدا، – دەپ اتاپ ءوتتى.

ايتا كەتەيىك، 6 ايدىڭ قورىتىندىسىمەن وڭىرگە تارتىلعان جالپى ينۆەستيتسيا كولەمى 180 ملرد تەڭگەنى قۇراپ، وتكەن جىلمەن سالىستىرعاندا 2 ەسەگە وسكەن. ال، ءوسۋ ديناميكاسى بويىنشا قىزىلوردا وبلىسى ايماقتار قاتارىندا العاشقى ورىندا.

Abai.kz

0 پىكىر