بەيسەنبى, 22 قازان 2020
COVID-19 قازاقستاندا. جۇقتىرعاندار — 109766. جازىلعاندار — 105301. قايتىس بولعاندار — 1796
2836 1 پىكىر 27 تامىز, 2019 ساعات 17:04

ءابۋ ناسىر ءال-ءفارابيدىڭ 1150 جىلدىق مەرەيتويىن وتكىزۋ جونىندەگى مەملەكەتتىك كوميسسيا قۇرىلدى

مەملەكەت باسشىسى ءابۋ ناسىر ءال-ءفارابيدىڭ 1150 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا قۇرۋ تۋرالى قاۋلىعا قول قويدى.بۇل تۋرالى اقوردا سايتى جازدى.

2020 جىلى  ءابۋ ناسىر ءال-ءفارابيدىڭ  1150 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قاۋلى ەتەمىن:

1. ءابۋ ناسىر ءال-ءفارابيدىڭ 1150 جىلدىق مەرەيتويىن دايىنداۋ  جانە وتكىزۋ جونىندەگى مەملەكەتتىك كوميسسيا (بۇدان ءارى – مەملەكەتتىك كوميسسيا) قوسىمشاعا سايكەس قۇرىلسىن.

2. قازاقستان رەسپۋبليكاسىنىڭ ءبىلىم جانە عىلىم مينيسترلىگى مەملەكەتتىك كوميسسيانىڭ جۇمىس ورگانى بولىپ بەلگىلەنسىن.

3. قازاقستان رەسپۋبليكاسىنىڭ ۇكىمەتى ءابۋ  ناسىر ءال-ءفارابيدىڭ    1150 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردىڭ جوباسىن مەملەكەتتىك  كوميسسيانىڭ   قاراۋىنا 2019 جىلعى 1 قازانعا دەيىن ەنگىزۋدى قامتاماسىز ەتسىن.

4. مەملەكەتتىك كوميسسيا:

1) ءابۋ ناسىر ءال-ءفارابيدىڭ 1150 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردى 2019 جىلعى 1 قاراشاعا دەيىن بەكىتسىن;

2)  وسى جارلىقتى ىسكە اسىرۋ جونىندە وزگە دە شارالاردى قابىلداسىن.

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى                                                   ق.توقاەۆ

Abai.kz

1 پىكىر