سارسەنبى, 28 قازان 2020
COVID-19 قازاقستاندا. جۇقتىرعاندار — 110832. جازىلعاندار — 105883. قايتىس بولعاندار — 1825
2225 0 پىكىر 26 تامىز, 2019 ساعات 12:52

قازاقستان ۇلتتىق (ەتنيكالىق) تەاترلارى فەستيۆالىنىڭ جابىلۋ كەشى ءوتتى

2019 جىلعى 23 تامىزدا قوستاناي قالاسىنىڭ «جاستار سارايى» كونتسەرتتىك زالىندا قازاقستان ۇلتتىق (ەتنيكالىق) تەاترلارىنىڭ V رەسپۋبليكالىق فەستيۆالىنىڭ سالتاناتتى جابىلۋ كەشى ءوتتى.

وزدەرىڭىزگە بەلگىلى بولعانداي اتالعان فەستيۆال ەكى جىلدا ءبىر رەت وتەدى. وسىعان دەيىن فەستيۆال نۇر-سۇلتان، قاراعاندى، شىمكەنت قالالارىندا وتكەن. وسى جىلى فەستيۆال قوستاناي قالاسىندا اعىمداعى جىلدىڭ 20-23 تامىز ارالىعىندا ءوتتى. فەستيۆالعا بەس تەاتر، اتاپ ايتقاندا شىمكەنت قالالىق وزبەك دراما تەاترى (س.دوسانوۆ «قاسقىر ۇلىعان ءتۇن» /دراما/ وزبەك تىلىندە، رەجيسسەر: س.مەليەۆ),  مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترى (ع.مۇسرەپوۆ «پوەما و ليۋبۆي» (قوزى كورپەش – بايان سۇلۋ) /سپەكتاكل ەپوس/ كارىس تىلىندە، رەجيسسەر: د.جۋماباەۆا), ق.قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترى («اپات» /مۋزىكالىق-پلاستيكالىق سپەكتاكل/ رەجيسسەر: يا.شاميەۆ), ءى.وماروۆ اتىنداعى قوستاناي وبلىستىق قازاق دراما تەاترى (ن.گوگول «ۇيلەنۋ» /كومەديا/ قازاق تىلىندە، رەجيسسەر: ا.بايماحان), قوستاناي وبلىستىق ورىس دراما تەاترلارى قاتىستى (ن.سادۋر «پاننوچكا» /ميستيكالىق مەلودراما/ ورىس تىلىندە، رەجيسسەر: ا.ليوپا).

قازىلار القاسىنىڭ قۇرامى:

  • قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قازاقستان حالقى اسسامبلەياسىنىڭ مۇشەسى جۋماديلداەۆا ناتاليا ۆاسيلەۆنا;
  • قازىلار القاسىنىڭ توراعاسى، تەاتر سىنشىسى، ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ كوركەمدىك جەتەكشىسى، ونەرتانۋ عىلىمدارىنىڭ كانديداتى ەركىن جۋاسبەك;
  • كينو جانە تەاتر اكتەرى، قازاقستاننىڭ ەڭبەك سىڭىرگەن ءارتىسى، م.يۋ. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى ميحايل توكارەۆ;
  • تەاترتانۋشى، ونەرتانۋ كانديداتى، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ دوتسەنتى، حالىقارالىق تەاتر سىنشىلارى اسسوتسياتسياسىنىڭ مۇشەسى انار ەركەباي;
  • اكتەر، قازاقستاننىڭ ەڭبەك سىڭىرگەن قايراتكەرى، «Nomad City Hall» تەاترىنىڭ باس رەجيسسەرى سايلاۋ قاميەۆ.

وسى ۋاقىتتىڭ ىشىندە قوستاناي قالاسىنىڭ قوناقتارى مەن تۇرعىندارى فەستيۆال قاتىسۋشىلارىنىڭ قويىلىمدارىن كورىپ، ريزاشىلىقتارىن ءبىلدىردى.

سالتاناتتى جابىلۋ كەشىنە قازاقستان حالقى اسسامبلەياسىنىڭ، قر مادەنيەت جانە سپورت مينيسترلىگىنىڭ وكىلدەرى، قوستاناي وبلىسىنىڭ باسشىلىعى، وبلىستىڭ ونەر قايراتكەرلەرى، قر ەتنوتەاترلارىنىڭ ۇجىمدارى، باق، تەاتر سۇيەر قاۋىم، قالا تۇرعىندارى مەن قوناقتارى قاتىستى.

ءىس-شارانى قۇتتىقتاۋ سوزىمەن قازاقستان رەسپۋبليكاسى پرەزيدەنت اكىمشىلىگىنىڭ قازاقستان حالقى اسسسامبلەياسى حاتشىلىعى مەڭگەرۋشىسىنىڭ ورىنباسارى ن.م. نارجانوۆ اشتى.

وسىدان كەيىن كەشتىڭ جۇرگىزۋشىلەرى فەستيۆالدىڭ قورىتىندىلارىن جاريالاۋ جانە ديپلومداردى تابىستاۋ ءۇشىن ءسوز كەزەگىن قازىلار القاسىنىڭ توراعاسى مەن مۇشەلەرىنە بەردى.

تەاترتانۋشى، ونەرتانۋ كانديداتى، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ دوتسەنتى، حالىقارالىق تەاتر سىنشىلارى اسسوتسياتسياسىنىڭ مۇشەسى انار ەركەباي «فەستيۆالدىڭ ەكىنشى پلانداعى ۇزدىك ەر ادام بەينەسى» نوميناتسياسى بويىنشا ديپلوممەن ن.سادۋردىڭ «پاننوچكا» سپەكتاكلىندەگى ياۆتۋح ءرولى ءۇشىن قوستاناي وبلىستىق ورىس دراما تەاترىنىڭ اكتەرى ولەگ سميرنوۆتى ماراپاتتادى.

تەاتر اكتەرى ءارى رەجيسسەرى، قازاقستاننىڭ ەڭبەك سىڭىرگەن قايراتكەرى، «Nomad City Hall» تەاترىنىڭ باس رەجيسسەرى سايلاۋ قاميەۆ «فەستيۆالدىڭ ەكىنشى پلانداعى ۇزدىك ايەل بەينەسى» نوميناتسياسى بويىنشا ديپلوممەن ن.گوگولدىڭ «ۇيلەنۋ» سپەكتاكلىندەگى دۋنياشا ءرولى ءۇشىن ءى.وماروۆ اتىنداعى قوستاناي وبلىستىق قازاق دراما تەاترىنىڭ اكتريساسى نازيرا يماندى ماراپاتتادى.

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قازاقستان حالقى اسسامبلەياسىنىڭ مۇشەسى ناتاليا جۇمادىلداەۆا «فەستيۆالدىڭ كورەرمەن كوزايىمى جۇلدەسى» نوميناتسياسى بويىنشا ديپلوممەن «قاسقىر ۇلىعان ءتۇن» سپەكتاكلى ءۇشىن شىمكەنت قالالىق وزبەك دراما تەاترىن ماراپاتتادى.

كينو جانە تەاتر اكتەرى، قازاقستاننىڭ ەڭبەك سىڭىرگەن ءارتىسى، م.يۋ. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى ميحايل توكارەۆ «فەستيۆالدىڭ ۇزدىك ستسەنوگرافيالىق جۇمىسى» نوميناتسياسى بويىنشا ديپلوممەن ن.سادۋردىڭ «پاننوچكا» سپەكتاكلى ءۇشىن قوستاناي وبلىستىق ورىس دراما تەاترىن ماراپاتتادى.

تەاتر سىنشىسى، ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ كوركەمدىك جەتەكشىسى، ونەرتانۋ عىلىمدارىنىڭ كانديداتى ەركىن جۋاسبەك «فەستيۆالدىڭ ۇزدىك ايەل بەينەسى» نوميناتسياسى بويىنشا ديپلوممەن ن.گوگولدىڭ «ۇيلەنۋ» سپەكتاكلىندەگى اگافيا تيحونوۆنا ءرولى ءۇشىن ءى.وماروۆ اتىنداعى قوستاناي وبلىستىق قازاق دراما تەاترىنىڭ اكتريساسى ديانا تۇرسىنوۆانى ماراپاتتادى.

قازاقستان رەسپۋبليكاسى مادەنيەت جانە سپورت مينيسترلىگى كينەماتوگرافيا جانە تەاتر ونەرى باسقارماسىنىڭ باس ساراپشىسى گۇلنافيس مىرزاشەۆا «فەستيۆالدىڭ ۇزدىك ەر ادام بەينەسى» نوميناتسياسى بويىنشا ديپلوممەن ن.گوگولدىڭ «ۇيلەنۋ» سپەكتاكلىندەگى پودكولەسين ءرولى ءۇشىن ءى.وماروۆ اتىنداعى قوستاناي وبلىستىق قازاق دراما تەاترىنىڭ اكتەرى قونىسبەك بەگايداروۆتى ماراپاتتادى.

قوستاناي وبلىسى اكىمدىگىنىڭ مادەنيەت باسقارماسىنىڭ باسشىسى ەرلان قالماقوۆ «فەستيۆالدىڭ ۇزدىك رەجيسسەرلىك جۇمىسى» نوميناتسياسى بويىنشا ديپلوممەن «اپات» سپەكتاكلى ءۇشىن قۇدىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترىنىڭ رەجيسسەرى يالكۋنجان شاميەۆتى ماراپاتتادى.

«فەستيۆالدىڭ ۇزدىك سپەكتاكلى» نوميناتسياسى بويىنشا باس جۇلدەنى قازاقستان رەسپۋبليكاسى پرەزيدەنت اكىمشىلىگىنىڭ قازاقستان حالقى اسسسامبلەياسى حاتشىلىعى مەڭگەرۋشىسىنىڭ ورىنباسارى ن.م. نارجانوۆ «پوەما و ليۋبۆي» سپەكتاكلى ءۇشىن رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترىن ماراپاتتادى.

نوميناتسيالار بويىنشا جۇلدەلەر تابىستالعاننان كەيىن جەرگىلىكتى شىعارماشىلىق ۇجىمدارىنىڭ قاتىسۋىمەن كونتسەرتتىك باعدارلاما ۇسىنىلدى، سونىمەن قاتار جابىلۋ سالتاناتىنىڭ ارنايى قوناعى نۇر-سۇلتان قالاسىنىڭ «VoiceKZ» توبى ءوز ونەرلەرىمەن كورەرمەندەردى قۋانتتى.

Abai.kz

0 پىكىر