جۇما, 29 ناۋرىز 2024
4274 0 پىكىر 24 تامىز, 2019 ساعات 23:19

قىزىلوردا وبلىسىندا تۇرماعامبەت اۋىلىنىڭ 60 جىلدىعى اتالىپ ءوتتى

قارماقشى اۋدانى تۇرماعامبەت اۋىلىنىڭ 60 جىلدىعى مەن جيەنباي جىراۋدىڭ تۋعانىنا 155 جىل تولۋىنا وراي قارماقشى اۋدانى داۋىلكول اۋىلدىق وكرۋگىندە اقىن-جىراۋلار فەستيۆالى مەن سپورتتىق ويىندار ۇيىمداستىرىلدى.

اۋدانعا جۇمىس ساپارىمەن بارعان وبلىس اكىمى قۋانىشبەك ىسقاقوۆ اۋىل تۇرعىندارىن مەرەكەمەن قۇتتىقتادى.

"قىزىلوردا وبلىسىن ەجەلدەن باستاپ "جىر ەلى" دەپ اتايدى،ونىڭ ءبىر سەبەبى - ء"جۇز جىراۋدىڭ مەكەنى", اقىن تۇرماعامبەت ىزتىلەۋوۆتىڭ قۇرمەتىنە اتالعان تۇرماعامبەت اۋىلى. كىشكەنە عانا اۋىلدان ءبىر عانا ءساليما جۇمابەكوۆا اپامىزداي سوتسياليستىك ەڭبەك ەرى، باتىر انا شىعۋىنىڭ ءوزىن ماقتان ەتۋگە بولادى. سىر سۇلەيلەرىنىڭ ءىزىن جالعاعان اقىندار قۇلانباي كوپىشوۆ، ابدىكارىم احمەتوۆ، ماعيراش سارىكوۆا، جازۋشىلار ناسرەددين سەراليەۆ، ادام مەكەباەۆ، راۋشانبەك بەكتىباەۆتار، جۋرناليستەر مىرحى يساۇلى، ءابىلاحات ءجانادىلوۆ، شاكيزادا قۇتتاياقوۆتار ءبىرى قازاق ادەبيەتىنە، ءبىرى جۋرناليستيكاعا ەڭبەگى سىڭگەن تۇلعا، وڭىرگە عانا ەمەس، ەلگە تانىمال قالامگەر رەتىندە ەستە قالدى. قازىرگى تاڭدا اۋىلدىق وكرۋگتىڭ الەۋمەتتىك-ەكونوميكالىق دامۋىندا يگى ۇردىستەر جالعاسىن تاۋىپ كەلەدى، كوپتەگەن الەۋمەتتىك جانە بيزنەس نىساندارى سالىنۋدا",-دەپ اتاپ ءوتتى ايماق باسشىسى.

مەرەكەلىك شارا اياسىندا اۋىلدا الماتى، تاراز جانە وبلىستىڭ بارلىق اۋداندارىنان ارنايى كەلگەن اقىنداردىڭ قاتىسۋىمەن رەسپۋبليكالىق ءمۇشايرا ۇيىمداستىرىلدى. جارىس قورىتىندىسى بويىنشا ءبىرىنشى ورىندى شيەلى اۋدانىنان كەلگەن ەرجىگىت بەكجان، ەكىنشى ورىندى قىزىلوردالىق تۇرار بەكمۇرزاەۆ، ءۇشىنشى ورىندى تۇرماعامبەت اۋىلىنىڭ تۇرعىنى گۇلجانات قادىربەكوۆا يەلەندى.

سونداي – اق، "جىر جامپوزى-جيەنباي" جىر فەستيۆالى، ۆولەيبولدان تۋرنير، ۇلتتىق سپورت تۇرلەرىنەن جارىستار جانە مەرەكەلىك گالا-كونتسەرت ۇيىمداستىرىلدى.

وسى كۇنى تۇرماعامبەت اۋىلىندا تاۋلىگىنە 1 توننا ءسۇت وڭدەيتىن شاعىن زاۋىت اشىلدى. كاسىپورىندا ايران، بالمۇزداق، سۇزبە، قايماق جانە پاكەتتەلگەن ءسۇت وندىرەدى. زاۋىتتا 5 ادام تۇراقتى جۇمىسپەن قامتىلعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594