سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11571. جازىلعاندار — 5757. قايتىس بولعاندار — 41
46 - ءسوز 2779 7 پىكىر 19 تامىز, 2019 ساعات 15:25

"قازاقشا جاقسى بىلەدى ەكەنسىڭ" دەدى ءبىر قازاق...

"قازاقشا جاقسى بىلەدى ەكەنسىڭ" دەدى ءبىر قازاق. قۋانۋ كەرەك پە، جىلاۋ كەرەك پە؟
"مەن قازاقپىن عوي ەندى" دەدىم.
تاۋدا بۇلاقتىڭ بولاتىندىعى سياقتى، ول بۇلاقتىڭ بويىندا جايقالىپ اعاش، قۇلپىرىپ گۇل ءوسىپ، سىلدىراپ سۋ اعاتىنى قانشالىقتى زاڭدىلىق بولسا، ءار ۇلتتىڭ وزىنە ءتان ءتىلى مەن ءدىلى بولۋى دا سونشالىقتى زاڭدىلىق قوي.

اعىلشىنعا بارىپ اعىلشىنشا بىلگەنىنە، فرانتسۋزعا بارىپ فرانتسۋزشا بىلگەنىنە، ورىسقا بارىپ ورىسشا بىلگەنىنە تاڭدانۋ ءبىزدىڭ سانامىزدا قانشالىقتى ابسۋرد سانالسا، قازاق ءتىلءىن بىلەتىن قازاققا تاڭدانۋ دا سونشالىقتى ابسۋرد سانالاتىن كۇن تۋسا عوي شىركىن.

ارينە جەتپىس جىل مىلتىق توسەپ، تاماققا قانجار تاقاپ مي شايۋ پروتسەسى ءجۇردى. ونىڭ سالدارىن كەتىرۋ دە وڭاي ەمەس. بىراق تەرەزەنى ءبىر اش. دالادا XXI عاسىر، "حالىقتار تۇرمەسى" قۇلاعان. ول تۇرمە تەك كەي جانداردىڭ باسىندا عانا جاساپ جاتىر.

قازىر ساعان ءتىل ۇيرەنۋگە كەدەرگى جوق. مۇمكىندىك كوپ. كۇنىنە 10 ءسوز جاتتاساڭ، جىلىنا انا تىلىڭدە 3650 ءسوز ءبىلىپ شىعاسىڭ. بىلايشا ايتقاندا ءتىلدى تولىق ۇيرەنەسىڭ.

ميىمىزدا ءبىر سىلتاۋ بار. ول بيلىك ورىس تىلىندە، قوعام ورىس ءتىلدى دەگەن. بىراق كۇنىنە ون ءسوز جاتتاۋعا بيلىك قولىڭدى بايلاپ قويمايتىنىن مويىنداۋ كەرەك.

قازاق ءتىلىنىڭ ماسەلەسى بيلىكتىڭ قۇزىرىمەن شەشىلمەۋ كەرەك. حالىقتىڭ ىشكى ىنتاسىمەن رەتتەلۋى ءتيىس. شىنداپ كەلگەندە حالىقتىڭ 80% قازاق تىلىندە سويلەپ كەتسە، پارلامەنتتە شۇلدىرلەپ، ورىس تىلىندە زاڭ قابىلداپ وتىرعان دەپۋتاتتار ەرتەڭ-اق مەملەكەتتىك تىلدە زاڭ قاراي باستايدى.

سايىپ كەلگەندە "قازاق ءتىلى ءۇشىن نە ىستەدىڭ؟" دەسە، "انا ءتىلىمدى جاقسى بىلەمىن" دەپ جاۋاپ قاتساڭ ول سەنىڭ ءوز ۇلتىڭا قوسقان ۇلەسىڭ. ال قالعانىن بيلىكتىڭ ارى مەن ۇجدانى شەشسىن. مىڭ جىل بۇرىن ءولىپ قالعان ءتىلىن تىرىلتكەن ەۆرەيدەن كەم ەمەس شىعارمىز.

پىسى: وزگە ءتىلدى دە ۇيرەنۋ كەرەك.

اسحات قاسەنعاليدىڭ facebook پاراقشاسىنان

Abai.kz

7 پىكىر