سەيسەنبى, 21 مامىر 2024
قاينايدى قانىڭ... 10729 27 پىكىر 15 تامىز, 2019 ساعات 14:18

ارىس. كوزبوياۋشىلىقتىڭ 90 پايىزى

12 تامىز. 2019 جىل. «ارىستاعى 6924 ءۇيدىڭ قۇرىلىسى تولىق اياقتالدى. بۇل - 90,7 پايىز!» بۇل اقپاردىڭ اۆتورى – باياعى ءبىزدىڭ قايرەكەڭ، قر يندۋستريا جانە ينفراقۇرىلىمدىق دامۋ ۆيتسە-ءمينيسترى قايىربەك وسكەنباەۆ. قايرەكەڭمەن ءبىز بۇرىننان تانىسبىز. «قازاقتىڭ جەرى اۋكتسيون ارقىلى ساتىلاتىن بولدى» دەگەن اڭگىمە العاش ايتىلعاندا، ءدال وسى قايىربەك وسكەنباەۆپەن تۇندەلەتىپ، كەشتەتىپ ءجۇرىپ سۇحبات قىلعان ەدىك. سول سۇحباتتان تۇپ-تۋرا ءبىر اپتا وتكەندە قايرەكەڭ قىزمەتىنەن الىنعان. پرەزيدەنتتىڭ، كەشىرەرسىز، ەكس-پرەزيدەنتتىڭ ءوزى پارمەن بەرگەن. ايتپاقشى، قايرەكەڭ ول كەزدە ۇلتتىق ەكونوميكا ۆيتسە-ءمينيسترى بولعان. قىزمەتىنەن كەتىپ بارا جاتىپ، «سەنىمدى اقتاماعانىم ءۇشىن ەلباسىنان كەشىرىم سۇرايمىن» دەپ ەدى. ەسىمىزدە. سول كەتكەننەن ول ەكى جىلداي «بايتەرەك» دەيتىن باتپانقۇيرىق حولدينگتە جۇمىس جاساپ ءجۇرىپ، 18-جىلى قازىرگى قىزمەتىنە تاعايىندالعان. بۇرىن دا كىشى مينيستر ەدى، قازىر دە كىشى مينيستر.

رەسمي اقپارات

سول قايرەكەڭ، ەندى ارىستاعى قۇرىلىستىڭ جاي-جاپسارىن ايتىپ، اعايىن-جۇرتقا اقپار تاراتىپتى.

Картинки по запросу қайырбек өскенбаев

«ارىستا جالپى تۇرعىن ءۇي سانى - 8634. توتەنشە جاعدايدان كەيىن جوندەۋ جۇمىستارىن قاجەت ەتەتىنى ءۇيدىڭ سانى 7197 قۇرايدى. ال 433 باسپانا تولىق قالپىنا كەلتىرىلەتىن بولادى. جالپى وسى ۋاقىتقا دەيىن 6924 ۇيدە جوندەۋ جۇمىسى تولىق بىتكەن. بۇل - 90,7 پايىز» - ، دەپتى.

وسكەنباەۆتىڭ سوزىنە سەنسەك، قازىر 101 تۇرعىن ءۇيدىڭ قۇرىلىسى باستالماعان ەكەن. ونىڭ 53-ىندە ءۇي يەلەرى ءۇزىلدى-كەسىلدى قارسى بولىپ، كەلىسىم بەرمەي وتىر-مىس.

ال ارىستىڭ اكىمى مۇرات قادىربەكتىڭ ايتۋىنشا، جاڭادان 420 جەكە تۇرعىن ءۇي مەن 3 كوپقاباتتى ءۇيدى قايتا سوعۋ جۇمىستارى جۇرگىزىلىپ جاتقان كورىنەدى. جالپى قۇرىلىس جۇمىستارىن جۇرگىزۋ ءۇشىن وبلىس پەن قالالاردان 7579, اۋدانداردان 315 جۇمىسشى تارتىلعان ەكەن.

ايتپاقشى، ارىستاعى قۇرىلىستىڭ 90 پايىزى اياقتالدى دەگەندى، ءبىزدىڭ قايرەكەڭنەن بۇرىن ۇكىمەتباسى اسقار ءماميننىڭ ءوزى ايتقان. 2 تامىز كۇنى.

АСҚАР МАМИН: АРЫС ҚАЛАСЫНДАҒЫ ҚҰРЫЛЫС ЖҰМЫСТАРЫНЫҢ 90% АСТАМЫ АЯҚТАЛДЫ

«قالانىڭ 90%، سونىڭ ىشىندە، تىرشىلىكتى قامتاماسىز ەتەتىن نىساندار مەن ينفراقۇرىلىمدار قالپىنا كەلتىرىلدى. 6,5 مىڭنان استام تۇرعىن ءۇي قالپىنا كەلتىرىلىپ، 6,5 مىڭ وتباسى جوندەلگەن ۇيلەرىنە كىردى. بارلىق ينجەنەرلىك ينفراقۇرىلىم تولىق جوندەۋدەن وتكىزىلدى. كوشەلەر اۋقىمدى تۇردە رەكونسترۋكتسيالاندى. 62 الەۋمەتتىك نىسان، سونىڭ ىشىندە – اۋرۋحانالار، مەكتەپتەر، بالاباقشالار، سپورت وبەكتىلەرى 20 تامىزعا دەيىن دايىن بولادى»، دەپ سويلەگەن ەدى پرەمەر-مينيستر.

باستىعىنىڭ باستىعى ايتقان اقپارعا باقانداي 0,7 پايىزدى قوسىپ، ءبىزدىڭ قايرەكەڭ دە ەسەپ قىلدى.

ءسويتىپ، ارىستاعى احۋال ەندى، كەرەمەت. 7 مىڭعا جۋىق ءۇيدىڭ قۇرىلىسى اياقتالىپتى. جىلاپ-سىقتاعان ەشكىم جوق. جۇرت جاڭا ۇيلەرىنە كىرىپ، مامىراجاي تىرلىگىمەن قاۋىشىپتى.

ءجا، وسى ايتىلعاندارعا قۇداي-اقى، سەنەر ەدىك. سەنبەسكە بولا ما؟ ارىستا ادامي فاكتوردان، جاۋاپتى مينيسترلىك پەن ونىڭ قۇرامىنداعى جاۋاپتى تۇلعالاردىڭ ورەسكەل سالعىرتتىعىنان بولعان اپاتتان سوڭ، بۇكىل ەل بولىپ جىلۋ جيناپ، ماتەريالدىق ءھام مورالدىق جاردەم بەرىلدى. جۇرت 100 ميلليونداپ قاراجات اۋداردى. توننالاعان ازىق-تۇلىك پەن كيىم-كەشەكتەر، ءدارى-دارمەكتەر لەك-لەگىمەن جەتكىزىلدى. بۇگىندە سول ەسەپسىز گۋمانيتارلىق كومەكتىڭ ەسەبىنەن جاڭىلدىق. ايتەۋىر ەل ىشىنەن جينالعان جىلۋدىڭ قارجىسى مەن ۇكىمەتتەن ارنايى بولىنگەن قارجى ميللياردتاپ ەسەپتەلەتىنى راس. وسىدان كەيىن جاڭاعى ءداۋ مينيستر اسقار مامين مەن كىشى مينيستر قايىربەك وسكەنباەۆتىڭ  كوبىكتى سوزىنە كىم سەنبەيدى؟  ءبىز دە سەنەر ەك.

بىراق، ءبىز ارىسقا ءوزىمىز باردىق قوي. ونداعى احۋالدى ءوز كوزىمىزبەن كوردىك قوي. كورگەندىكتەن دە سەنبەيمىز. سەنە سالايىق دەسەك، قۇدايشىلىققا جات!

الماتى مەن استانادان جۋرناليستەر: ساۋلە ابىلداحانقىزى، ومىرزاق اقجىگىت جانە مەن (ياعني، وسى جولداردىڭ اۆتورى نۇرگەلدى ابدىعانيۇلى) ارىسقا باردىق. ماقسات جالعىز – ۇكىمەتباسى ايتقان 90 پايىزدى كوزبەن كورىپ قايتۋ. الماتىعا ارنايى كەلىپ، بىزگە ارىز-شاعىم ايتىپ، ءبىزدى ارىسقا شاقىرعان سول جاقتاعى ۇبايدوللا، ومىرزاق اقساقالدار ەدى. «اينالايىندار، كەلىڭدەرشى، كەلىپ كورىڭدەرشى، جانايقايىمىزدى ەستىر قۇلاققا جەتكىزىڭدەرشى» دەگەن ارىستىقتاردىڭ جالعىز تىلەگىن جەردە قالدىرا المادىق. باردىق. كوردىك. ەلدەن ەستىگەنىمىزدى ەمەس، ءبىز كوزبەن كورگەنىمىزدى جازامىز...

;fbclid=IwAR3be4fCeTvxvuUW7x2qqMdBhruYZugnGJUjMDpQG9cUYo4VTYchSXvI92o

استاڭ-كەستەڭى شىققان ارىس

ءيا. ارىس استاڭ-كەستەڭى شىعىپ جاتىر. ءجا، جويقىن جارىلىستان كەيىن جوندەۋ جۇمىستارى باستالىپ جاتقان قالا سولاي بولادى دا! الگىندەگى رەسمي ورگانداردىڭ «جارىلىستان قالانىڭ 80 پايىز ءۇيى قيراعان» دەگەنى تەگى راس. قاي ۇيگە باس سۇعىپ كىرمەڭىز، كورەتىنىڭىز - جارىلعان قابىرعا، شاعىلعان ەسىك-تەرەزە. «90 پايىز قۇرىلىس اياقتالدى» دەپ ەسەپ بەرگەن باسشىلارعا نارازى حالىق!

سونىمەن ارىسقا باردىق. 2 كۇن ءجۇرىپ ارىستى ارالادىق. ارالاعاندا دا، اسقار ۇزاقبايۆيچتەر كەلگەندە ءجۇرىپ وتەتىن «وبزوروچنىي»، «پوكوزاتەلنىي» كوشە مەن باسشىلارعا ەسەپ ءۇشىن كورسەتەتىن ءبىر-ەكى ءۇيدى ەمەس (ولاردى ونسىز دا تەلە-ناسيحاتشىلاردان ەستىپ-كورىپ جۇرسىزدەر), قۇرىلىسى شالا-شارپى باستالىپ، اياقتالماي قالعان، ءتىپتى مۇلدە باستالماعان، كەيبىر جەرلەردە مەردىگەرلەر اشىق ساۋداعا بارعان ۇيلەردى كوشە  كوشەنى كەزىپ ءجۇرىپ (شاما-شاقىمىزشا) ارالادىق. ەل-جۇرتپەن سويلەستىك. ۇيلەرىن كوردىك. ەندى ەسەپتەپ قاراساق، 2 كۇندە 70 ۇيگە بارعان ەكەنبىز. ول ۇيلەردىڭ، تۇرعىنداردىڭ جانايقايىن، ءۇيدى كورسەتۋ پروتسەسسىن تۇگەل دەرلىك ساۋلە ابىلداحانقىزى بەيجازباعا ءتۇسىرىپ، تىكەلەي ەفيردە كورسەتىپ وتىردى.

«ءبىزدىڭ ۇيگە ءجۇرىڭىزشى، ءبىزدىڭ ءۇيدى ءتۇسىرىپ كورسەتىڭىزشى» دەپ، سوڭىمىزدان «قۋىپ» كەلىپ، «جەتەكتەگەندەي» بوپ ءوز ۇيلەرىنە ەرتىپ بارعاندار قانشاما. ءبىز ۇيلەرىنە بارا الماعان (ۇلگەرمەگەن) ازاماتتار ءوز ۇيلەرىن ۆيدەوعا ءتۇسىرىپ، «ۋاتساپ» ارقىلى جولداپ تا جاتىر.

كوپتەگەن ارىز يەلەرىنىڭ ايتار شاعىمى دا، مۇڭ-زارى دا، ۇيلەرىنىڭ جاعدايى دا ءبىر-بىرىنە ۇقساس، بىردەي كارتينا دەسەك، قاتەلەسپەيمىز. شاتىرى، ەسىك-تەرەزەلەرى، ەدەنى، ءۇيدىڭ توبەسى مەن قابىرعالارى قيراعان. كەيبىر ۇيگە سنارياد تۇسكەن. ال كەيبىرى جارىلىس تولقىنىنان قيراعان. ايتپاقشى، جارىلىس كەزىندە جارىلعان ءھام جارىلماعان سنارياد تۇسكەن كەيبىر ۇيلەر سۇرىلمەگەن دە ەكەن. الگىندەي ءۇيدىڭ يەلەرىنىڭ قولۆنا جوندەۋ جۇمىستارى جەتكىلىكتى دەگەن كوميسسيانىڭ شەشىمىن ۇستاتىپ كەتكەن. وندايدى دا  كوردىك.

ال، كەي سەكتورلاردا ءتىپتى، مەردىگەر كومپانيالار «مىنانى جاسايمىز، ال مىنانى ءوزىڭ جاساپ ال» دەپ اشىق ساۋداگەرلىك جاساپ جاتقانىن دا ەستىدىك.

;fbclid=IwAR0tHAEsi6qZCJSzD8jUkOx56u5mDzgQrAbhEewPFj5R43Woc9KJ8bfvy24

قۇرىلىس

سونىمەن قۇرىلىس... جو-جوق، ارىستا تۇك ىستەلمەي جاتىر دەۋدەن جانە اۋلاقپىز. قۇرىلىس بار. جاڭاعى ارىستىڭ اكىمى ايتقان 8 مىڭعا جۋىق قۇرىلىسشىنى كورمەسەك تە، 5-6-دان بىرىگىپ، قۇرىلىس جاساپ جاتقانداردى كوردىك. ەڭبەك كۇشى جەتىسپەيتىنى وتىرىك ەمەس. ءتىپتى، بۇل شىندىقتى الماتىلىق مەردىگەر كومپانيا باسشىسىنىڭ ءوزى ايتتى. ەڭبەك كۇشى جەتىسپەگەندىكتەن ولار ارىستىقتاردىڭ ءوزىن دە قۇرىلىسقا تارتىپ جاتىر ەكەن. الايدا، ەڭبەكاقى ماسەلەسىندە پروبلەما بار. ناقتىلاپ ايتساق، كەلىسىلگەن اقى تولەنبەگەن جايتتار دا جوق ەمەس.

سۇرىلمەگەن بارلىق ءۇيدىڭ شاتىرى اۋىستىرىلعان ەكەن. قىزىل جانە جاسىل «پروفناستيلدەرمەن» جابىلعان. جاڭاعى ۇكىمەتباسىنىڭ 90 پايىز دەگەنى وسى جابىلعان شاتىرلارعا قاتىستى ايتىلسا كەرەك-ءتى. ءتىپتى، 100 پايىز دەسە دە، بۇل شىندىققا سايكەسەدى.

ال ءبىز سول ادەمىلەپ جابىلعان قىزىلدى-جاسىلدى شاتىرلاردىڭ ىشىنە كىرىپ كوردىك. شاتىرى بار ءۇيدىڭ، توبەسى (پوتولوگى) جوق.

ارينە، جارىلىستان اسا زارداپ شەكپەگەن، ونشا قاتتى زالال كەلمەگەن، تەك ەسىك-تەرەزەلەرى، شاتىرى قيراعان ۇيلەر دە جەتكىلىكتى ەدى. نەگىزىنەن، اسا كۇردەلى جوندەۋدى قاجەت ەتپەيتىن، اسىرەسە، ورتالىق كوشەلەردەگى ۇيلەرگە جوندەۋ جۇمىستارىمەن شەكتەلۋگە بولادى، ابدەن.

ال ەندى، قابىرعالارى اربيىپ، قيسايىپ، قۇلاعالى تۇرعان ۇيلەردى «سكوبىمەن» ۇستاتىپ، تور تارتىپ، سىلاپ-سيپاپ قويعانى، سىنعان سالداۋىرلاردى (بالكالاردى) سىم تەمىرمەن بايلاپ قويعانى بارىپ تۇرعان كوزبوياۋشىلىق ەكەنىن قۇرىلىسشى مامان بولماساق تا، بىلەمىز!

جالپى ارىس 17 سەكتورعا بولىنگەن. ءار سەكتوردىڭ قۇرىلىسىنا سول وبلىس، قالا مەن اۋداندار جاۋاپتى. ءبىز سول 2 كۇندە 4-5 سەكتوردىڭ قۇرىلىسىن ارالاپ كوردىك. قۇرىلىس قىزۋ ءجۇرىپ جاتقان، جوعارىداعىداي كوزبوياۋشىلىققا سالىنباي، اجەپتاۋىر جۇمىس جاساپ جاتقان، جۇرتتىڭ دا، ءبىزدىڭ دە كوڭىلىمىز تولعانى - 1 سەكتور بولدى. 1 سەكتور الگى اسكەري بولىمشەنىڭ تاپ قاسىندا ورنالاسقان ەكەن. جارىلىستىڭ ەڭ اۋىر سوققىسىن اۋەلى كورگەندەر دە وسى سەكتوردىڭ تۇرعىندارى. سوندىقتان بولار، مۇندا تۇگەلىمەن ءسۇرىلىپ، قايتا تۇرعىزىلىپ جاتقان ۇيلەر دە، تەك جوندەۋ جۇمىستارى جاسالىپ جاتقان ۇيلەردە ەداۋىر كوپ. بۇل سەكتوردىڭ قۇرىلىسىنا اتىراۋ وبلىسى مەن جەتىساي اۋدانى جاۋاپتى ەكەن. مۇنداعى جۇمىسقا تۇرعىنداردىڭ دا كوڭىلى تولعانداي... باردى بار دەپ ايتۋ – پارىز! «1 سەكتورداعىلار ەسەپ ءۇشىن ەمەس، ەل ءۇشىن جاساپ جاتىر ەكەن» دەپ قايتتىق.

ءدال وسى ءسوزدى وزگە سەكتورلارعا قاراتىپ ايتا المادىق. اسىرەسە، الماتى قالاسى جاۋاپتى دەگەن 14 سەكتوردىڭ، نۇر-سۇلتان قالاسى مەن پاۆلودار وبلىسى جاۋاپتى 4-9 سەكتوردىڭ تۇرعىندارى ونداعى جۇمىستارعا وتە-موتە نارازى.

;t=76s&fbclid=IwAR0-K_3FYL45uo-ilEGDQ61j692iXWdDlSjn_TH2zAQ08GoynvuU_TlyDRI

ءجا، ءارى قاراي ارىس تۇرعىندارىنىڭ ايتار ءۋاجىن وزدەرىڭىز كورىڭىزدەر:

وماراليەۆا مەيرامگۇل، ارىس تۇرعىنى (4 سەكتور):

-كورشىمنىڭ قابىرعاسى قيسايىپ تۇر. 5 جىلعا گارانتيا بەرىپتى. سوندا مەنىڭ بالالارىم مەن بۇل كىسىلەردىڭ بالالارىنىڭ ءومىرى بەس-اق جىل ەكەن... مەنىڭ ءۇيىمنىڭ شاتىرىن ءبىرىنشى بولىپ جاۋىپ بەردى. ءىشى-سىرتىن تولىق سىلاپ بەرەمىز دەدى. ال سىلاعىن ءوزىمىز تۇسىردىك. بىزگە تۇسىرە بەرىڭدەر دەدى. ءۇيىمىز تۇرۋعا جارامدى دەدى. شىلدەنىڭ جيىرمالارىندا تەرەزەسىن ورناتىپ كەتتى. قىشتارىنىڭ ءبارى بوساپ كەتكەن، قابىرعا جارىلعان. ار جاعىنان دالا كورىنىپ تۇر. وسى ءۇيدى «سنوسقا» جىبەرمەي وتىر. ۇيدە 6 ادام تۇرامىز. ءۇش بالام بار. اپامىزدىڭ پسيحيكالىق اۋرۋى بار. مۇگەدەكتىگى تاعى بار.

پرەمەر-مينيستر كەلىپ جينالىس اشقاندا، بارىپ جاعدايىمدى ايتقان ەدىم. ول كىسى «قاداعالاڭدار» دەپ تاپسىرما بەرگەن. كەيىن ساراپشى كەلىپ، كوزبەن كوردى دە، «بولادى، اپكە» دەپ كەتتى.

ماقسات جولداسبەكوۆ، 1 سەكتورعا جاۋاپتى جەتىساي اۋدانى اكىمىنىڭ ورىنباسارى:

-العاشقى كەزدە وبلىس بولىپ، 17 سەكتورعا بولگەن. وسى 1 سەكتورعا جەتىساي اۋدانى مەن اتىراۋ وبلىسى بەكىتىلگەن. ءبىز ازاماتتاردى كەلگەن كۇننەن باستاپ قارسى الىپ، سول ازاماتتاردىڭ ۇيلەرىنە قونىستانۋىنا جاردەم بەردىك. سۋ بولماۋى مۇمكىن، جارىق ءسونىپ قالۋى مۇمكىن، وزدەرىڭىز بىلەسىزدەر، قانداي جاعدايدا كەلگەندەرىن، سونداي كەزدە كىمدەرگە حابارلاسۋى كەرەكتىگىن، توتەنشە جاعدايدا قانداي ارەكەتتەر جاساۋ كەرەكتىگىن ايتىپ، تۇسىندىردىك. قيراعان ۇيگە ەشكىمدى كۇشتەپ كىرگىزگەن جوقپىز. قۇرىلىسشىلار كەلگەندە ءۇيدىڭ يەلەرى بولۋى كەرەك. ۇيدە جەكە مۇلىك بار دەگەندەي...

جالپى ءبىزدىڭ وسى ىقشاماۋدان بويىنشا (كوكتەم ى/ا) 466 ءۇي بار. وسى 466 ءۇي تۇگەلدەي زارداپ شەككەندەر قاتارىنا جاتادى. بارلىعىندا قۇرىلىس جۇمىستارى جۇرگىزىلىپ جاتىر. نەگىزى بۇل اۋداندا الەۋمەتتىك جاعدايى ورتا دەڭگەيلى ازاماتتار تۇرادى ەكەن. ۇيلەردىڭ بارلىعى دەرلىك لايدان سوعىلعان، شاتىرى شيفرمەن جابىلعان ۇيلەر ەدى. بارلىق ۇيگە تەكسەرۋلەر جاسالدى. قاي ۇيگە قانداي جۇمىس جاساۋ كەرەكتىگىن اتىراۋ وبلىسى اكىمدىگى انىقتاپ، قايتا قالپىنا كەلتىرۋ جۇمىستارى جاسالىپ جاتىر.  ارىس قالاسىندا 8 مىڭنان استام ءۇي بولسا، اناۋ ورتالىق اۋدانداردا ورنالاسقان ۇيلەردىڭ 100 پايىزى زاقىمدانعان دەپ ايتا المايمىز. ال ءبىزدىڭ اۋدان اسكەري بولىمشەنىڭ تاپ قاسىندا ورنالاسقاندىقتان، مۇنداعى 100 پايىز ءۇي زاقىمدانعان.

مىسالى ءبىزدىڭ سەكتور بويىنشا 56 ءۇي تولىعىمەن ءسۇرىلدى. وسى 56 ءۇيدىڭ ىشىندە قۇرىلىسى تولىق اياقتالىپ، ۇيگە كىرگەندەرى جوق. بىراق، وسى 1 اپتانىڭ ىشىندە كىرەتىندەرى بار. ولاردىڭ ىشىندە قابىرعاسى كوتەرىلىپ جاتقاندارى بار، شاتىرى جابىلىپ قويعاندارى بار، ءار ءتۇرلى جاعدايداعى ۇيلەر بار. جۇمىس تولىق اياقتالعان جوق، قازىر قۇرىلىس ءجۇرىپ جاتىر. ەندى وسىلاي بوپ كەتەتىنىن بىلمەدىك قوي. العاشىندا تۇرعىندارمەن ارادا ازدى-كەم تۇسىنىسپەۋشىلكتەر بولعان. قازىر ونىڭ بارلىعى ارتتا قالىپ، قۇرىلىس قارقىن الدى. ەل بولىپ كوتەرىپ جاتىرمىز عوي. جۇمىستىڭ كوبى كەتىپ، ازى قالدى.

نۇرلان، 14 سەكتورعا جاۋاپتى الماتىلىق مەردىگەر كومپانيانىڭ باسشىسى:

-مەن شىمكەنت قالاسىنىڭ تۇرعىنىمىن. قۇرىلىس كومپانياسىنىڭ باسشىسىمىن. بۇل سەكتورعا، 14 سەكتورعا الماتى قالاسى جاۋاپتى. ءبىز سول الماتى قالاسىنىڭ قۇرىلىس كومپانياسىمەن كەلىسىمشارتقا (سۋبپودريادقا) وتىرىپ، وسىندا جۇمىس جاساپ جاتىرمىز.

65 ءۇيدىڭ 62-ءسىنىڭ شاتىرى جابىلىپ بولدى. ارنايى ساراپشىلاردىڭ شەشىمى بىزگە بەرىلەدى. قۇلايىن دەپ تۇرعان ۇيلەر سول بويىنشا سۇرۋگە جىبەرىلەدى. ال كوميسسيا سۇرۋگە جاتپايدى دەگەن ۇيلەرگە جوندەۋ جۇمىستارى جاسالادى.

بىزگە تۇركىستان وبلىسىنان بەكىتىلىپ بەرگەن جوباسى بار. ول جەردە ىرگەتاسىنىڭ بيىكتىگى، قالىڭدىعى، قابىرعالارىنىڭ قالىڭدىعى، قانداي كىرپىشپەن قالاناتىنى، شاتىردىڭ قانداي اعاشپەن تۇرعىزىلاتىنى ت.ب. بارلىعى ەسەپتەلىپ، سىزىلىپ كورسەتىلگەن. ول ۇلگى رەتىندە جاسالعان جوبا. ءبىز سول جوبا بويىنشا جۇمىس جاسايمىز.

مۇسا شوقانوۆ، ارىس قالاسى تۋرا جول كوشەسىنىڭ تۇرعىنى، 1 توپتاعى مۇگەدەك:

-11ح12 ءۇيىم بولعان. 2007-دە تۇرعىزعانمىن. جارىلىستان قابىرعالارى 6 سم اشىلىپ كەتتى. ارنايى كوميسسيا كەلىپ، قابىرعالاردى كۇشەيتەمىز (تەمىرمەن قۇرساۋلايمىز) دەدى. كەيىن اكىم مارات قادىرباەۆ، ساراپشى كوميسسيانىڭ شەشىمىمەن ءۇيدى قيراتۋعا شەشىم قابىلداپ، ءۇي بۇزىلدى. سودان بەرى ءالى قۇرىلىس باستالمادى. الماتىدان كەلىپ، تەكسەرگەن ءتورت بەس رەت. ساراپشى ماماننىڭ ەشقايسىسى قورىتىندى قاعاز بەرمەي وتىر. ءۇيدىڭ جوباسىن سىزىپ بەرەتىن ادام جوق، ونى ءوزىڭ سىزىپ اكەل دەيدى. ءۇيدىڭ بۇزىلعانىن راستايتىن قۇجاتتى بەرمەي وتىر. اۋلامنان ەكى سنارياد شىقتى. دالادا جاتقان دۇنيە-مۇلكىم جارامسىز بولىپ قالدى، ونىڭ وتەماقىسىن بەرە مە، جوق پا بىلمەيمىن.

اكەم دە ءبىرىنشى توپتاعى مۇگەدەك. قازىر شىمكەنتتە پاتەر جالداپ تۇرامىز. ارىستاعى جارىلىسقا بايلانىستى مورالدىق شىعىن رەتىندە ءار تۇرعىنعا 100 مىڭ تەڭگەدەن بەرىلەدى دەگەن. وسى ۇيدە ون ادام تىركەلگەنبىز. بىراق قالاي ەكەنى بەلگىسىز، ۇيدەگى 5 ادامدى باسقا اۋدانداردا تۇرادى دەپ تىركەتىپ جىبەرىپتى. اقشا بەرمەۋدىڭ امالى. بىلايشا ايتقاندا، ادامنىڭ سىرتىنان جالعان قۇجات جاساعان. جارىلىس كەزىندە قاراۋسىز قالعان 3 قوي مەن 2 ەشكىم ءولىپ قالدى. ولاردىڭ دا قۇنىن كىمنەن سۇرارىمدى بىلمەيمىن. قورا-جايلاردى قالپىنا كەلتىرمەيمىز، ءۇيىڭدى ىستەگەنىمىزگە ريزا بول دەيدى. بىراق ءالى ءۇيدىڭ ىرگەتاسى دا قۇيىلعان جوق. ماعان سول ءۇيدى سالۋعا كەتەتىن شىعىندى اقشالاي بەرسە، ءوزىم-اق ءۇيىمدى سالىپ الار ەدىم...

اۋەلحان نازارقاسىمۇلى, ارىس قالاسىنىڭ تۇرعىنى:

-جوعارىدان قاراعاندا بىركەلكى، ادەمى بوپ كورىنۋى ءۇشىن ۇيلەردىڭ تەك شاتىرىن جوندەپ جاتىر. پرەمەر-مينيستر اسقار ءمامين كەلەدى، ەشكىممەن جولىقپايدى، مۇعالىمدەرمەن عانا كەزدەسەدى. مۇعالىمدەر ءبارى جاقسى، ادەمى، ۇكىمەتكە راحمەت دەگەننەن باسقا نە ايتادى؟ پرەمەر كەلگەندە كولىكتەردى توقتاتىپ باسقا جاققا جاسىرادى، كەزدەسەم دەگەن ادامداردى ۇيلەرىنە قاماپ، شىعارمايدى. باسشىلار قالاي كەلدى، سولاي كەتىپ جاتىر. وسىنى كورىپ وتىرعان حالىق كوتەرىلۋگە شاق قالىپ تۇر. ءۇيى قيراعان، كۇيەۋى جوق، التى بالانىڭ اناسى دالادا ءجۇر. ماعان سەن كوپ شۋلاي بەرمە، ءۇيىڭدى ىستەمەي قويامىز دەيدى.

ۋبايدۋللا ءسۇيىنباي, ارىس قالاسىنىڭ تۇرعىنى:

-ارىس حالقىنىڭ جاعدايى ءماز ەمەس. مەملەكەتتىك اقپارات قۇرالدارى بەرىپ جاتقان اقپاراتتار وتىرىك. اسقار ءمامين ارىسقا ءۇش رەت كەلدى. حالىقپەن ءبىر دە ءبىر رەت كەزدەسكەن جوق. ۆيتسە پرەمەر جەڭىس قاسىمبەك تە كەلدى. ولار حالىققا جاقىندامايدى، ەشتەڭە تۇسىندىرمەيدى. شوكەەۆ 4 ماۋسىمدا ەرگوبەك مادەنيەت ۇيىندە حالىقپەن كەزدەسىپ، ءبىر ايدا ءبارىن ءبىتىرىپ بەرەمىز دەگەن. قازىر 14-ءشى سەكتورداعى 527 ۇيدەن 100-ءى عانا بىتكەن. تىنىش جاتقان ەل ەدىك. مەن ەكى قاباتتى ءۇي سالىپ بەر دەپ جاتقان جوقپىن. مەنىڭ ءۇيىمدى ءالى باستاعان جوق. ال باستاعان ۇيلەردىڭ شاتىرىن اشىپ تاستاپ، ءالى كىرىسپەي وتىر. ءبىزدىڭ سەكتورعا جاۋاپتى الماتى اكىمدىگى، قۇرىلىس ءبولىمىنىڭ باستىعى نۇربول نۇرساعاتوۆ كەلىپ وزدەرىڭ جوندەي بەرىڭدەر دەپ ايتقان. كۇن بىزدە قاتتى ىستىق بولىپ جاتىر. ەسىك تەرەزەمىز اشىق، ءۇيدىڭ شاتىرى جوق بولسا دا سول ىستىققا شىداپ وتىرمىز. قۇرىلىسشى ماماندار 14 سەكتوردان جۇمىسى جاقسى ۇيىمداستىرىلعان باسقا سەكتورلارعا كەتىپ قالىپ جاتىر. جۇمىس كۇشى جەتىسپەيدى. مەنىڭ الماتى مەن استانادا ءۇيىم بار، بۇزىلعان ءۇيىمدى ءوزىم ىستەتىپ الام، بىراق ماسەلە جاعدايى جوق حالىقتا. قوستاناي وبلىسى جاۋاپتى سەكتوردا دا جۇمىس دۇرىس ءجۇرىپ جاتقان جوق. شوكەەۆ 4 شىلدەدەن بەرى حالىقپەن كەزدەسپەدى. قالادا جارىلعىش زاتتار كوپ، ءالى زالالسىزداندىرىپ جاتىر، سوندا دا ەلدى قاۋىپسىز دەپ ارىسقا الىپ كەلدى.

;feature=youtu.be&fbclid=IwAR2alAkjdBtb9wINcMkyZplruKKZo9znVd5W7sMEPzTXcJe1fiI3ebWOCIo

جولتاەۆا ازيا، ارىس قالاسىنىڭ تۇرعىنى:

-ەشنارسە ىستەلىنىپ جاتقان جوق. شاتىرىمىزدى جاۋىپ بەردى. بولدى. ءىشى-سىرتىنا سىلىق جاسالعان جوق. تەرەزەمىز اناۋ، قيراپ تۇر. ۇيىمىزدە 20 كۇندىك نارەستەمىز بار. روددومنان شىعىپ كەلدى. ءبىر اپتادان سوڭ اۋىرىپ بولنيتساعا ءتۇستى. ەڭ قۇرىعاندا تەرەزە قويىپ بەرىڭدەرشى، دەپ قانشا رەت باردىم. «سكۆازنياكتا» جاتىر انە. قىزىمنىڭ ءۇيى سۇرىلۋگە جىبەرىلگەن. ول جاقتا دا ەشنارسە جاسالىپ جاتقان جوق. شتابقا بارساڭ، ماتەريال جوق دەپ قايتارادى.

ومىرزاق امىرەەۆ، ارىس قالاسىنىڭ تۇرعىنى:

-ءۇيىمنىڭ قابىرعاسى 4-6 سم اجىراپ كەتكەندىكتەن بۇزىپ، قايتا سالامىز دەگەن. كەيىن جاماپ-جاسقاۋعا بولادى دەپ شەشىم شىعاردى. نۇربول نۇرساعاتوۆ كەلىپ، رەمونتتاي سالايىق، كەلىسسەڭىزشى دەپ كوندىرىپ ءجۇر.

ەرالى بايگەليەۆ، ارىس قالاسىنىڭ تۇرعىنى:

-اقشاسىن قولدارىڭىزعا بەرەمىز دەگەسىن ءوز ءۇيىمىزدىڭ شاتىرىن ءوزىمىز جاپتىق. 160 مىڭ تەڭگە بەرۋ كەرەك ەدى، سونىڭ 50 مىڭىن عانا الدىق. باسقا كورشىلەر دە كەلىسىلگەن اقشالارىن الا الماي ءجۇر.

حالىق سوتقا بەرسە بيلىك حالىقارالىق قاۋىمداستىق الدىندا ۇلكەن ماسقاراعا ۇشىرايدى

Картинки по запросу абзал құспан

ابزال قۇسپان، زاڭگەر:

-كوزبوياۋشىلىق - مەملەكەتتىك ماسشتابتا بولىپ وتىر. بۇزىلىپ، ءسۇرىلىپ، قايتادان سالىنۋى كەرەك ۇيلەرگە، جەڭىل جوندەۋ جۇمىستارى جەتكىلىكتى دەپ قايتادان شەشىم قابىلداعان. بۇل ۇيلەر و باستا دۇرىس سالىنباعان دەگەن ارنايى كوميسسيانىڭ شەشىمىن باسشىلىققا الىپ وتىر. بۇل كىنانى تۇرعىنداردىڭ وزىنە ارتۋ ءۇشىن جاسالعان ايلا. جارىلعان قابىرعالاردان دالا كورىنىپ تۇر. ال كوميسسيا ۇلكەن تەسىكتەردى جاسىرىپ، شاعىن عانا جارقىنشاقتاردى كورسەتكەن. ارىس قالاسىنداعى 66 الەۋمەتتىك نىساننىڭ 62-ءسى قيراعان. مۇنداي الەۋمەتتىك نىساندار قۇرىلىس نورمالارى مەن ستاندارتتارىنا ساي سالىنادى. سونىڭ وزىندە تالاپقا ساي دەگەن عيماراتتاردىڭ 95% قيراپ تۇر. مىقتى عيماراتتىڭ وزىنە ۇلكەن زاقىم كەلگەندە، ساماننان سالىنعان قاراپايىم ۇيلەر تۋرالى نە ايتۋعا بولادى؟

بۇل ۇيلەرگە جەڭىل-جەلپى جوندەۋدىڭ كەرەگى جوق. زاقىم كەلگەن ۇيلەر ءسۇرىلىپ، قايتادان سالىنۋى كەرەك. ازاماتتىق زاڭناما تالاپتارىنا سايكەس، اتاپ ايتقاندا، ازاماتتىق كودەكستىڭ 3 ءبولىمى (مىندەتتەمەلىك قۇقىق), 271 بابىنىڭ تالاپتارىنا سايكەس، زيان كەلتىرۋشى زياننىڭ ورنىن تولتىرۋى ءتيىس. بۇل جەردە مەملەكەت كىنالى. زيان كەلتىرگەنىن وزدەرى مويىندادى جانە قيراعان دۇنيەلەردى قالپىنا كەلتىرۋگە، زياننىڭ ورنىن تولتىرۋعا مىنەتتەمە الدى. سويتە تۇرا، تۇركىستان وبلىسىنىڭ اكىمى شوكەەۆ «قورا، جاي، ساراي دەگەندەردى ءبىز سالمايمىز، جوندەمەيمىز، ول ءبىزدىڭ مىندەتىمىزگە كىرمەيدى»، - دەپ ايتىپتى.

كىنانىڭ قاساقانا نەمەسە ادەيى جاسالعان دەگەن ەكى فورماسى بولادى. بۇل ابايسىزدا جاسالعان، سالعىرتتىق، ونىڭ ىشىندە قىزمەتتىك سالعىرتتىق سالدارىنان كەلتىرىلگەن زالال، زيان. بۇل زالالدىڭ ورنىن مەملەكەت تولتىرۋعا مىندەتتى. وسىلاي جالعاسا بەرسە زاڭگەرلەردىڭ باسىن قوسىپ، ۇكىمەتتى سوتقا بەرۋدەن باسقا امال قالمايدى. وندا بيلىك حالىقارالىق قاۋىمداستىق الدىندا ۇلكەن ماسقاراعا ۇشىرايدى.

ستاتيستيكالىق ءتىزىم

14 سەكتور. تۋرا جول كوشەسى

1.شوقانوۆ مۇسا ەركىنبەكۇلى (46/1 ءۇي)

زاقىم: قابىرعالار جارىلعان. توبەسى قۇلاعان. شاتىرى قيراعان. ەسىك-تەرەزەلەر سىنعان.

سەبەبى: اۋلاعا سنارياد تۇسكەن.

ءسۇرۋ: تولىق سۇرىلگەن.

اتقارىلعان جۇمىستار: قۇرىلىس ءالى باستالعان جوق.

اتقارىلماعان جۇمىستار: تۇرعىن ءۇيدى قايتا سالۋ كەرەك.

2.ەسيموۆ نۇرلان (46 ءۇي)

زاقىم: قابىرعالار جارىلعان. توبەسى قۇلاعان. شاتىرى قيراعان. ەسىك-تەرەزەلەر سىنعان.

سەبەبى: كورشىنىڭ اۋلاسىنا سنارياد تۇسكەن.

ءسۇرۋ: تولىق سۇرىلگەن.

اتقارىلعان جۇمىستار: ءوز فۋندامەنتىنە كىرپىش قالاۋ جۇمىستارى ەندى باستالعان

اتقارىلماعان جۇمىستار: تۇرعىن ءۇيدى قايتا سالۋ كەرەك.

3.مادياروۆا الىقىز (10 ءۇي)

زاقىم: قابىرعالار جارىلعان. توبەسى قۇلاعان. شاتىرى قيراعان. ەسىك-تەرەزەلەر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى سالىنعان.

اتقارىلماعان جۇمىستار: قابىرعالارعا سىلاق جۇمىستارىن جۇرگىزىلمەگەن. ەسىك-تەرەزەلەر ورناتىلماعان. توبەسى (پوتولوك) جابىلماعان. قۇرىلىس اياقتالماي توقتاعان.

4.جولتاەۆا ازيا تويتەنقىزى (11 ءۇي)

زاقىم: قابىرعالار قۇلاعان، جارىلعان. شاتىرى قيراعان. ەسىك-تەرەزەلەر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى سالىنعان.

اتقارىلماعان جۇمىستار: تەرەزە جوق. قابىرعالار سىلانباعان. توبەسى (پوتولوك) جابىلماعان.

5.دوسمىرزاەۆ جالعاسبەك ساعىندىقۇلى (51 ءۇي)

زاقىم: قابىرعالار قۇلاعان، جارىلعان. شاتىرى قيراعان. ەسىك-تەرەزەلەر سىنعان. توبەسى قۇلاعان.

سەبەبى: قوراعا سنارياد تۇسكەن.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى سالىنعان.

اتقارىلماعان جۇمىستار: تەرەزە جوق. قابىرعالار سىلانباعان. توبەسى (پوتولوك) جابىلماعان.

وركەندەۋ كوشەسى

6.شوقانوۆ سامات ەركىنبەكۇلى (34 ءۇي)

زاقىم: قابىرعالار قۇلاعان، جارىلعان. شاتىرى قيراعان. ەسىك-تەرەزەلەر سىنعان. توبەسى قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى جابىلىپ جاتىر.

اتقارىلماعان جۇمىستار: تەرەزە جوق. قابىرعالار سىلانباعان. توبەسى (پوتولوك) جابىلماعان.

وتباسىلىق جاعدايى: كوپ بالالى وتباسى. 6 بالاسى بار. جەتىنشى بالاسىنا جۇكتى.

7.شوقانوۆ مۇرات ەركىنبەكۇلى (31-34 ءۇي)

زاقىم: ءۇي تولىق قيراعان. قابىرعالار قۇلاعان، جارىلعان. شاتىرى قيراعان. ەسىك-تەرەزەلەر سىنعان. توبەسى قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى جابىلعان.

اتقارىلماعان جۇمىستار: تەرەزە جوق. قابىرعالار سىلانباعان. توبەسى (پوتولوك) جابىلماعان.

وتباسىلىق جاعدايى: الەۋمەتتىك از قامتىلعان وتباسى. ااك الادى. قورادا تۇرىپ جاتىر.

8.بەركىمباەۆ باۋىرجان ومارۇلى (37 ءۇي)

زاقىم: قابىرعالار جارىلعان. شاتىرى قيراعان. ەسىك-تەرەزەلەر سىنعان. توبەسى قۇلاعان.

سەبەبى: سنارياد تۇسكەن.

ءسۇرۋ: سۇرىلمەگەن (سۇرۋگە جاتپايدى دەگەن شەشىم شىعارعان).

اتقارىلعان جۇمىستار: شاتىرى جابىلعان.

اتقارىلماعان جۇمىستار: قۇرىلىس اياقتالماي توقتاعان. سىلاق جوق. اينەك جوق.

9.قۇرمانباەۆ مۇرات (35 ءۇي)

زاقىم: قابىرعالار قۇلاعان، جارىلعان. شاتىرى، توبەسى قۇلاعان.

سەبەبى: سنارياد تۇسكەن.

ءسۇرۋ: سۇرىلگەن.

اتقارىلعان جۇمىستار: قۇرىلىس ءالى باستالماعان.

اتقارىلماعان جۇمىستار: فۋندامەنتى دە قۇيىلماعان. تۇرعىن ءۇيدى قايتا سالۋ كەرەك.

10.سۋاروۆ بازارباي (39 ءۇي)

زاقىم: قابىرعالار قۇلاعان، جارىلعان. شاتىرى، توبەسى قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: سىلاق جۇمىستارى كەرەك. توبە (پوتولوك), ەسىك-تەرەزە ورناتۋ كەرەك.

11.مالدىباەۆا جانار (31 ءۇي)

زاقىم: قابىرعالار قۇلاعان، جارىلعان. شاتىرى، توبەسى قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: شاتىردان باسقا ەشقانداي جۇمىس جاسالماعان.

وتباسىلىق جاعدايى: كوپ بالالى وتباسى. 6 بالاسى بار. ۇيدە 10 ادام تۇرادى.

12.جۇپاربەكوۆ قالاۋبەك (22 ءۇي)

زاقىم: 4 قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر تولىق سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن. فۋندامەنتى جوق ءۇي.

اتقارىلعان جۇمىستار: شاتىرى جابىلعان. تەرەزە اۋىستىرىلعان.

اتقارىلماعان جۇمىستار: شاتىردان باسقا ەشقانداي جۇمىس جاسالماعان.

وتباسىلىق جاعدايى: ۇيدە 6 ادام تۇرادى. 2-توپ مۇگەدەك.

13.جانتورە ەرعالي (1 ءۇي)

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر تولىق سىنعان.

سەبەبى: اۋلاعا سنارياد تۇسكەن.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان. قۇرىلىس اياقتالماعان.

اتقارىلماعان جۇمىستار: شاتىردان باسقا ەشقانداي جۇمىس جاسالماعان. ەسىك-تەرەزە جوق. سىلاق جوق.

14.بايدۋللاەۆ ءبىرجان (36 ءۇي)

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر تولىق سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: شاتىردان باسقا ەشقانداي جۇمىس جاسالماعان. ەسىك-تەرەزە جوق. سىلاق جوق.

وتباسىلىق جاعدايى: 2 ادام 3-توپ مۇگەدەك.

15.بايتانوۆ قانات بولىسبەكۇلى (36 ءۇي)

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: شاتىردان باسقا ەشقانداي جۇمىس جاسالماعان.

16.باينيازوۆا فاريدا

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر سىنعان.

سەبەبى: سنارياد تۇسكەن.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان. تەرەزە بار.

اتقارىلماعان جۇمىستار: سىلاق جۇمىستارى كەرەك.

17.وڭعاربەكوۆا مايرا

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق.

اقشۋاق كوشەسى

18.بايكەنجيەۆ ەرالى (82 ءۇي)

زاقىم: قابىرعا جارىلعان. شاتىر قۇلاعان. توبە (پوتولوك) قۇلاعان. تەرەزەلەر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرىن ءوزى جاساعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. ەسىك-تەرەزەلى سالىنباعان.

پروبلەما: قۇرىلىس جۇمىسىنا كەلىسكەن. كەلىسىم بويىنشا 165 مىڭ تەڭگە تولەنۋى كەرەك بولعان. 50 مىڭ تەڭگە تولەنگەن. قالعان ەڭبەكاقىسى بەرىلمەگەن.

19.تۇرسىنباەۆ ەرجان، تۇرسىنباەۆ سەرعازى (20 ءۇي)

زاقىم: قابىرعا جارىلعان. 9 تەرەزە سىنعان. شاتىرى قيراعان. 4 ەسىك سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. ەسىك-تەرەزەلى سالىنباعان.

وتباسىلىق جاعدايى: 2 ادام 3-توپ مۇگەدەك. ۇيدە 6 ادام تۇرادى.

20.بايزاقوۆ مەيرامبەك (24 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان. ەسىك سىنعان. سىرتى جارىلعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. ەسىك-تەرەزەلى سالىنباعان.

وتباسىلىق جاعدايى: ۇيدە 6 ادام تۇرادى.

21.كەمەلبەكوۆ ءابدىراسىل (25 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان. 16 ستراپيلا، 6 بالكا، 4 تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. ەسىك-تەرەزەلى سالىنباعان.

وتباسىلىق جاعدايى: كوپ بالالى وتباسى. ۇيدە 9 ادام تۇرادى. 6 بالاسى بار.

22.جۇمادىللاەۆ قادىر (8 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان. 16 ستراپيلا، 6 بالكا، 4 تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان. 2 اينەك سالىنعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. 4 اينەك سالىنباعان. ەسىكتەر جوق. .

وتباسىلىق جاعدايى: ۇيدە 5 ادام تۇرادى.

23.تاۋكەنوۆ جۇمان (19 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق.تەرەزە مەن ەسىكتەر جوق.

وتباسىلىق جاعدايى: ۇيدە 4 ادام تۇرادى.

24.نۇرقوجاەۆا پەرۋزا (15 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەسىك سالىنعان.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. شاتىرى جابىلماعان.

پروبلەما: جاڭا مەردىگەر كومپانيا ۋادە بەرىپ كەتكەن.

اسان قوجا كوشەسى

25.رىسبەكوۆ وردابەك (14 ا ءۇي)

زاقىم: قابىرعا جارىلعان. قيسايىپ تۇر. تەرەزە سىنعان. شاتىرى قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: قۇرىلىسشىلار جاڭادان كەلگەن.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. شاتىرى جابىلماعان. توبە قۇلايىن دەپ تۇر.

وتباسىلىق جاعدايى: ۇيدە 7 ادام تۇرادى.

26.اقىلباەۆ دۇيسەنباي (2 ءۇي)

زاقىم: قابىرعا جارىلعان. قيسايىپ تۇر. تەرەزە سىنعان. شاتىرى قيراعان.

سەبەبى: قابىرعانى سنارياد تەسىپ وتكەن.

ءسۇرۋ: سۇرىلمەگەن.

اتقارىلعان جۇمىستار: شاتىرى الىندى. اينەك سالىندى.

اتقارىلماعان جۇمىستار: ءىشى-سىرتىنا سىلاق جۇمىستارى جاسالعان جوق. شاتىرى جابىلماعان. توبە قۇلايىن دەپ تۇر.

وتباسىلىق جاعدايى: ۇيدە 5 ادام تۇرادى.

27.سۋيۋنباەۆ ۋبايدۋللا جۇمانۇلى (9 ءۇي)

زاقىم: قابىرعا جارىلعان. تەرەزە سىنعان. شاتىرى قيراعان. فۋندامەنت جارىلعان. توبە قۇلاعان. ەەدەن جارىلعان.

سەبەبى: 3 سنارياد ۇيگە تۇسكەن.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

اتقارىلماعان جۇمىستار:

28.امىرەەۆ ومىرزاق (1 ءۇي)

زاقىم: قابىرعا جارىلعان. شاتىرى قيراعان. بالكالارى سىنعان. تەرەزە سىنعان. ەسىكتەر قيراعان. توبە قۇلاعان.

سەبەبى: سنارياد تۇسكەن بولۋى مۇمكىن.

ءسۇرۋ: سۇرىلمەگەن.

اتقارىلعان جۇمىستار: شاتىرى اۋىستىرىلعان. تەرەزە ورناتىلعان.

اتقارىلماعان جۇمىستار: توبە جابىلماعان. سىلاق جۇمىستارى جاسالماعان.

29.سادىقبەكوۆ ءامىرحان (10 ءۇي)

زاقىم: قابىرعا جارىلعان. شاتىرى قيراعان. تەرەزە سىنعان. ەسىكتەر قيراعان. توبە قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى اۋىستىرىلعان. باسقا جۇمىستار جاسالماعان.

پروبلەما: ءوزى قۇرىلىسشى جالداعان. ءوزى قۇرىلىس ماتەريالدارىن ساتىپ العان.

الماتى كوشەسى

30.قۋاتبەكوۆ ءالىم قالدىبايۇلى

زاقىم: شاتىرى سىنعان. بالكالار سىنعان. قابىرعا جارىلعان. ەدەن جارىلعان. تەرەزە جوق. قابىرعاداعى جارىق 15-20 سم. فۋندامەن جارامسىز.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

31.بەكتۇرسىنوۆ توقماحامبەت (24 ءۇي)

زاقىم: شاتىرى سىنعان. توبە قۇلاعان.  4 قابىرعا جارىلعان. ەسىك-تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

وتباسىلىق جاعدايى: كوپ بالالى وتباسى. 7 بالاسى بار. ۇيدە 10 ادام تۇرادى.

32.دوسمىرزاەۆ باقتيار (1 ءۇي)

زاقىم: شاتىرى سىنعان. توبە قۇلاعان.  قابىرعا جارىلعان. ەسىك-تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلگەن.

اتقارىلعان جۇمىستار: فۋندامەنتىن قۇرىلعان. قۇرىلىس ەندى باستالدى.

كەمەل كوشەسى

33.ەدىلبەكوۆا رايگۇل جۇمابەكقىزى (1 ءۇي)

زاقىم: 4 قابىرعا جارىلعان. توبە مايىسىپ تۇر. شاتىرى قيراعان. ەسىك-تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: تەرەزە سالىنعان. شاتىرى جابىلعان.

اتقارىلماعان جۇمىستار: ەسىكتەر سالىنباعان. سىلاق جۇمىستارى جاسالماعان. قۇرىلىس اياقتالماعان.

قاينازاروۆ كوشەسى

34.قۇدايحۋلوۆ ءابدىراحمان (3 ءۇي)

زاقىم: 5 تەرەزە سىنعان. 6 قابىرعا جارىلعان. توبە مايىسىپ تۇر. شاتىرى قيراعان. ەسىك-تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

وتباسىلىق جاعدايى: 13 جاستاعى مۇگەدەك قىزى بار. اۋىراتلەت جازيرا جاپارقۇلدىڭ اكەسى.

ا. قۇلجاباەۆ كوشەسى

35.اپپازوۆا زاۋرە (27 ءۇي)

زاقىم: قابىرعا جارىلعان. فۋندامەنت جارىلعان. شاتىر قيراعان. تەرەزە سىنعان. توبە قۇلاعان. ەسكى ءۇي.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى الىنعان.

اتقارىلماعان جۇمىستار: شاتىرى جابىلماعان.

36. امانجولوۆا ۇلبولعان (27/2 ءۇي)

زاقىم: قابىرعا جارىلعان. شاتىر قيراعان. تەرەزە سىنعان. توبە قۇلاعان. ەسكى ءۇي.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: قۇرىلىس باستالدى.

وتباسىلىق جاعدايى: 5 بالاسى بار.

37. دۇيسەنوۆا اشىركۇل (27/4 ءۇي)

زاقىم: قابىرعا جارىلعان. شاتىر قيراعان. تەرەزە سىنعان. توبە قۇلاعان. ەسكى ءۇي.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: قۇرىلىس باستالدى.

وتباسىلىق جاعدايى: 7 بالاسى بار.

ب.مومىشۇلى كوشەسى

38. شونجانوۆ سەيىلحان (28 ءۇي)

زاقىم: فۋندامەنتى جوق ءۇي. قابىرعا جارىلعان. توبە قۇلاعان. شاتىر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

39.مالدىباەۆ بايسان (19 ءۇي)

زاقىم: قابىرعا جارىلعان. توبە قۇلاعان. شاتىر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان.

40.قالحودجاەۆ ءتولجان

زاقىم: قابىرعا جارىلعان. توبە قۇلاعان. شاتىر سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: بارلىق جۇمىس جاسالعان.

اتقارىلماعان جۇمىستارى: سىلاق جۇمىستارى قالدى.

د.نۇرپەيىسوۆا كوشەسى

41.توسىباەۆ عالىمجان (27 ءۇي)

زاقىم: قابىرعا جارىلعان. توبە قۇلاعان. شاتىر سىنعان. تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

42.شونجاەۆا شاراپات (25 ءۇي)

زاقىم: قابىرعا جارىلعان. توبە قۇلاعان. شاتىر سىنعان. تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

ش.ۋاليحانوۆا كوشەسى

43.الدابەرگەن (28 ءۇي)

زاقىم: قابىرعا جارىلعان. توبە قۇلاعان. شاتىر سىنعان. تەرەزە سىنعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

اقدالا كوشەسى

44.قونىسباەۆا زابيرا (7 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: سنارياد اۋلادا جارىلعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىس جاسالماعان.

وتباسىلىق جاعدايى: كۇيەۋى 1-توپ مۇگەدەك. ينسۋلت العان. اۋرۋحانادا جاتىر.

احىمبەكوۆ كوشەسى

45.اقتانوۆا ءلاززات (20/3 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىر سالىندى. تەرەزە سالىندى.

اتقارىلماعان جۇمىستار: سىلاق جۇمىستارى كەرەك. اينەكتەر سالىنباعان.

اباي كوشەسى

46.ناتاليا ماندىشەۆا (7 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلگەن.

اتقارىلعان جۇمىستار: فۋندامەنتى قۇيىلعان.

اتقارىلماعان جۇمىستار: قۇرىلىس جۇمىستارى توقتاپ تۇر.

47.وڭعاربەكوۆ باقىتجان (14 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: جارىلىس تولقىنى قاتتى بولعان.

اتقارىلعان جۇمىستار: قۇرىلىس جۇمىستارى ءجۇرىپ جاتىر

48.باقىتجانوۆ ايبەك (18 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: اۋلاعا سنارياد تۇسكەن.

ءسۇرۋ: سۇرىلمەگەن.

اتقارىلعان جۇمىستار: تەرەزە سالىنعان. شاتىر اۋىستىرىلعان.

اتقارىلماعان جۇمىستار: ۆرەميانكا جوندەلمەگەن.

49.بەردىبەكوۆ ورىنبەك (17 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان.

سەبەبى: سنارياد تۇسكەن.

ءسۇرۋ: سۇرىلگەن.

اتقارىلعان جۇمىستار: فۋندامەنتى باستالدى.

بەيبىتشىلىك كوشەسى

50.اۋباكيروۆ نۇرعالي (18 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان. توبەسى قۇلاعان.

سەبەبى:

ءسۇرۋ: سۇرىلمەگەن.سۇرۋگە رۇقسات بەرمەي جاتىر.

اتقارىلعان جۇمىستار: شاتىرىن جاپقان.

اتقارىلماعان جۇمىستارى: توبەسى جابىلماعان، سىلاق جۇمىستارى جاسالماعان.

وتباسىلىق جاعدايى: 2 رەت ينسۋلت العان. 7 بالا بار. مۇگەدەك نەمەرەسى بار.

كەمبابا كوشەسى

51.نۇرماحانوۆ نۇرجان (2 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان. توبەسى قۇلاعان.

سەبەبى:

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىستار جاسالماعان.

ن.ءىلياسوۆ كوشەسى

52.تاسبولاتوۆ اسان (84 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان. توبەسى قۇلاعان.

سەبەبى:

ءسۇرۋ: سۇرىلمەگەن.

اتقارىلعان جۇمىستار: شاتىرى اۋىسقان. سىرتىن قىرعان.

اتقارىلماعان جۇمىستار: قۇرىلىس توقتاپ قالعان.

وتباسىلىق جاعداي: 7 بالا بار.

12 سەكتور. ب.وقتاەۆ كوشەسى

53.ايناحانوۆا ۆاسيلا (58 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان. توبەسى قۇلاعان.

سەبەبى:

ءسۇرۋ: سۇرىلمەگەن.

اتقارىلعان جۇمىستار: شاتىرى اشىلعان. تەرەزە ورناتىلعان.

اتقارىلماعان جۇمىستار: قۇرىلىس توقتاپ قالعان.

وتباسىلىق جاعداي: زەينەتكەر.

7 سەكتور. بورىقباەۆ كوشەسى

54.مومبەكوۆا پەرنەش (10/1 ءۇي)

زاقىم: شاتىر قيراعان. قابىرعا جارىلعان. تەرەزە سىنعان. ەسىك قيراعان. توبەسى قۇلاعان.

سەبەبى:

ءسۇرۋ: سۇرىلمەگەن.

اتقارىلعان جۇمىستار: شاتىرى اۋىستىرىلدى.

اتقارىلماعان جۇمىستار: باسقا ەشقانداي جۇمىس جاسالماعان.

16 سەكتور. شپز كوشەسى

55.بەردىباي فاريدا نۇرلانقىزى (27 ءۇي)

زاقىم: شاتىر قيراعان. قابىرعا جارىلعان.

سەبەبى:

ءسۇرۋ: سۇرۋگە كەتكەن.

اتقارىلعان جۇمىستار: شاتىرى اۋىستىرىلدى.

15 سەكتور. ت.رىسقۇلوۆ كوشەسى

56.شپەكوۆ قۇرالباي (51 ءۇي)

زاقىم: توبە قۇلاعان. بالكالارى سىنعان. قابىرعا جارىلعان. شاتىر قيراعان.

سەبەبى:

ءسۇرۋ: سۇرىلمەگەن.

اتقارىلعان جۇمىستار: شاتىرى اۋىستىرىلدى. تەرەزە امان.

اتقارىلماعان جۇمىستار: سىلاق جۇمىستارى جاسالماعان.

وتباسىلىق جاعدايى: ۇيدە 7 ادام تۇرادى.

1 سەكتور. ر.قوشقارباەۆ كوشەسى

57.اسىلبەك ايجان

زاقىم: قابىرعا جارىلعان. شاتىر قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلگەن.

اتقارىلعان جۇمىستار: قابىرعا كوتەرىلگەن. شاتىرى ورناتىلعان.

اتقارىلماعان جۇمىستار: سىلاق جۇمىستارى جاسالماعان.

وتباسىلىق جاعدايى: 5 بالا بار.

تولەپوۆ كوشەسى

58.قانات احمەتوۆ (15 ءۇي)

زاقىم: تۇرعىن ءۇي قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلگەن.

اتقارىلعان جۇمىستار: قابىرعا كوتەرىلگەن. شاتىرى ورناتىلۋدا.

اتقارىلماعان جۇمىستار: سىلاق جۇمىستارى جاسالماعان.

9 سەكتور. امانگەلدى كوشەسى

59.ۋتەشوۆ سەرىك (10 ءۇي)

زاقىم: تۇرعىن ءۇي قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى قۇرىلعان.

اتقارىلماعان جۇمىستار: باسقا ەشقانداي جۇمىس جاسالماعان.

وتباسىلىق جاعدايى: كوپ بالالى وتباسى. 6 بالاسى بار.

60.دۇيسەبەكوۆا زۋحرا (12 ءۇي)

زاقىم: تۇرعىن ءۇي قيراعان. 4 قابىرعا جارىلعان.  

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار:

اتقارىلماعان جۇمىستار: سىلاق جۇمىستارى جوق.

وتباسىلىق جاعدايى: 2 زەينەتكەر تۇرادى. 2-توپ مۇگەدەك بار.

61.دۋلاتبەكوۆا ايعانىم (19 ءۇي)

زاقىم: تۇرعىن ءۇي قيراعان. 4 قابىرعا جارىلعان.  

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىر جابىلعان. تەرەزە سالىنعان.

اتقارىلماعان جۇمىستار: سىلاق جۇمىستارى جوق.

وتباسىلىق جاعدايى: 4 بالاسى بار.

62.قوجامقۇلوۆ داۋلەت وتەگەنۇلى (17 ءۇي)

زاقىم: تۇرعىن ءۇي 80% قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشقانداي جۇمىستار جاسالماعان.

63.ومىرزاقوۆا بورانكۇل (23 ءۇي)

زاقىم: تۇرعىن ءۇي قيراعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىر جابىلعان.

اتقارىلماعان جۇمىستار: باسقا جۇمىستار جاسالماعان.

4 سەكتور. جامانقارا كوشەسى

64.قۇلمانوۆ ءبىرجان (7 ءۇي)

زاقىم: تۇرعىن ءۇي قيراعان. قابىرعا جارىلعان. قابىرعا قيسايىپ تۇر.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: ەشتەڭە جاسالماعان.

وتباسىلىق جاعدايى: ۇيدە 10 ادام تۇرادى.

65.ومارعاليەۆا مەيرامكۇل (5 ءۇي)

زاقىم: تۇرعىن ءۇي قيراعان. ەسكى ءۇي. قابىرعا جارىلعان.  

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرىن اۋىستىرعان. سىرتىن وزدەرى قىرعان.

اتقارىلماعان جۇمىستار: باسقا جۇمىستار جاسالماعان.

وتباسىلىق جاعدايى: 2 بولمەلى ۇيدە 6 ادام تۇرادى. 1-توپتاعى مۇگەدەك اجە بار. پسيحولوگيالىق اۋرۋعا شالدىققان.

مايلىقوجا كوشەسى

66.ۋتەشوۆا مايرام (60 ءۇي)

زاقىم: تۇرعىن ءۇي قيراعان. ەسكى ءۇي. قابىرعا جارىلعان.  

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى الىنعان.

اتقارىلماعان جۇمىستار: باسقا جۇمىستار جاسالماعان.

ەرۋباەۆ كوشەسى

67.قالكوزوۆ عاني (24 ءۇي)

زاقىم: تۇرعىن ءۇي قيراعان. توبە قۇلاعالى تۇر.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: شاتىرى جابىلعان. 3 اينەك سالىنعان.

اتقارىلماعان جۇمىستار: باسقا جۇمىستار جاسالماعان.

وتباسىلىق جاعدايى: 6 ادام. ەكىقابات كەلىنشەگى بار.

ب.مومىشۇلى كوشەسى

68.ساپاروۆ جالعاسبەك قۇرمانۇلى (24 ءۇي)

زاقىم: تۇرعىن ءۇي قيراعان. توبە قۇلاعان.

سەبەبى: جارىلىس تولقىنى قاتتى بولعان.

ءسۇرۋ: سۇرىلمەگەن.

اتقارىلعان جۇمىستار: سۇرۋگە جىبەرمەي تۇر.

مەكتەپ (نەگىزگى مەكتەپ)

69.ەركىنباەۆا ينديرا (كۆارتيرانت)

وتباسىلىق جاعدايى: 2 بالاسى بار. ءوزى ەكىقابات. ەشقانداي مەديتسينالىق كومەك المايدى. مەكتەپكە باراتىن بالا-شاعاسىنا كومەك المايدى.

70.شاراپاتوۆا ينديرا (كۆارتيرانت)

وتباسىلىق جاعدايى: 3 بالاسى بار. مەكتەپكە باراتىن بالا-شاعاسىنا كومەك المايدى.

ءتۇيىن. تۇيىندەيتىن تۇگى جوق. جوعارىداعى مالىمەتتەردەن ارىستا نە جاسالىپ، نە جاسالماعانىن كورىپ-ءبىلىپ، تۇسىنۋگە ابدەن، بولار.

ءبىز ۇكىمەتباسى مەن ونىڭ قاراماعىنداعى كىشى ءمينيستردىڭ «90 پايىز قۇرىلىس اياقتالدى» دەگەن ەسەبىنەن سوڭ، ارىسقا باردىق. 2 كۇن بويى ارىستى ارالاپ، تۇرعىندار مەن تۇرعىن ۇيلەردىڭ رەالدى كارتيناسىن كوزىمىزبەن كورىپ قايتتىق. وسى 2 كۇندە شاما-شارقىمىزدىڭ جەتكەنىنشە 70-كە جۋىق ءۇيدىڭ تۇرعىنىمەن كەزدەستىك.

الدەكىمدەردى ناقاق قارالاۋ ماقسات ەمەس. باردى بار دەپ، جوقتى جوق دەپ ايتۋ پارىز!

انە-مىنە جاز بىتەدى. كۇز كەلەدى. وقۋ ماۋسىمى باستالادى. مەكتەپتەگى لاگەردە جاتقان ازاماتتار ەرتەڭ قايدا بارىپ كۇنەلتەدى؟ ارىدا قىلىشىن جالاڭداتىپ، قىس كەلەدى. ىرگەتاسى ءالى قۇيىلماعان ۇيلەردىڭ تۇرعىندارى كىمدى، نەنى پانالايدى؟

بۇگىن «90 پايىز قۇرىلىسى اياقتالدى» دەگەن ارىستىڭ حالقى ەرتەڭ كوشەگە شىعادى. ولاردىڭ باسقا امالى بار ما؟ «ادامنان جاسىرعاندى، قۇدايدان جاسىرا المايسىڭ» دەگەن بار. ەرتەڭ-اق، بارلىعى اشكەرە بولادى. سول كەزدە الەۋمەتتىك «بۋنت»، كوتەرىلىس بولىپ كەتپەسىنە كىم كەپىل؟ قازىردىڭ وزىندە «90 پايىز قۇرىلىستى اياقتاپ، جۇرتتى ۇيلەرىنە جايعاستىرىپ ۇلگەرگەن» پرەمەر مامين بە، الدە اكىم شوكەەۆ پە؟ بالكىم، ۆيتسە-مينيستر وسكەنباەۆ شىعار؟!

ءبىز ارىسقا بارىپ، 80-90 پايىز ءۇيدىڭ شاتىرى جابىلعانىن كوردىك. كەي سەكتورلارداعى دۇرىس جۇرگىزىلىپ جاتقان قۇرىلىستى كوردىك. كەي سەكتورلارداعى جارىم-جارتى قۇرىلىستى دا كوردىك. مەملەكەتتىك ماسششتابتاعى كوزبوياۋشىلىقتى كوردىك. بالا-شاعا، كەمپىر-شالى، ونشاقتى ادامى بار وتباسىنىڭ دالادا، كوپ بالالى انانىڭ قورادا تۇنەپ جۇرگەنىن كوردىك. 40 سانتيمەتر تسەمەنت ءۇشىن ساۋدالاسىپ جۇرگەن مەردىگەردى كوردىك. ءبارىن كوردىك. ۇكىمەت! ەندى وسىنى سەن دە كور!

نۇرگەلدى ابدىعانيۇلى

Abai.kz

27 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2198
ادەبيەت

«سولاي ەمەس پە؟»

عابباس قابىشۇلى 2583
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2521
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1683