جۇما, 29 ناۋرىز 2024
جازىلعان جايدىڭ جالعاسى... 4518 23 پىكىر 15 تامىز, 2019 ساعات 12:25

اۋەزوۆ تەاترى اكىمشىلىگىنىڭ Abai.kz ماقالاسىنا جاۋابى

رەداكتسيادان: كەشە، 14 تامىز كۇنى سايتىمىزدا "ورىسشا بىلمەسەڭ اكەمتەاترعا جۇمىسقا تۇرا المايسىڭ..." اتتى ماقالا جاريالاندى. وندا م.Əۋەزوۆ اتىنداعى قازاق مەملەكەتتىك اكادەميالىق دراما تەاترى "باقىلاۋشى" قىزداردى جۇمىسقا الۋدا ولاردىڭ ورىس ءتىلىن ەركىن مەڭگەرۋىن تالاپ ەتىپ وتىرعانى جازىلعان.

بۇگىن ءبىزدىڭ ەلەكتروندى پوچتاعا تەاتر اكىمشىلىگىنىڭ اتالعان ماقالاعا جاۋابى كەلىپ ءتۇستى. تەاتردىڭ جاۋابىن ەش وزگەرىسسىز نازارلارىڭىزعا ۇسىنىپ وتىرمىز.


قۋانىش قاپپاس مىرزا، ءسىزدىڭ قازاق ءتىلىنىڭ قامىن ويلاپ ءارى قازاقتىڭ قاراكوز قىزدارىنا كومەكتەسكىڭىز كەلىپ، وسىنداي ماقالا جازعانىڭىزدى ءتۇسىنىپ وتىرمىز. الايدا، كوپتەگەن جايتتار ەسكەرۋسىز قالىپتى.

الماتى – تۋريستىك قالا ءارى ەلىمىزدىڭ مادەني استاناسى. وڭتۇستىك استانامىزعا كەلگەن تۋريستەر، قالا مادەنيەتىمەن تانىسۋ ماقساتىندا  ءبىزدىڭ تەاترىمىزدى ىزدەپ كەلەدى. سەبەبى،  م.اۋەزوۆ اتىنداعى  قازاق مەملەكەتتىك اكادەميالىق دراما تەاترى  –  قازاق ونەرىنىڭ قارا شاڭىراعى، قازاقتىڭ تۇڭعىش كاسىبي مادەني وشاعى. «اۋەزوۆ تەاترىنىڭ تابالدىرىعىن قازاقشا ءبىر اۋىز ءسوز بىلمەيتىن وزگە ۇلت وكىلدەرى توزدىرىپ ءجۇر مە؟» دەگەن سۇراعىڭىزعا جانە جالپى ۋاجىڭىزگە تەاتر اكىمشىلىگىنىڭ جاۋابىن جەتكىزىپ وتىرمىز.

ورىس ءتىلدى كورەرمەندى بىلاي قويعاندا، بىزگە رەسەيدەن، تاتارستاننان، وڭتۇستىك كورەيادان، جاپونيادان، گرۋزيادان، امەريكادان جانە ءتۇرلى جوبالار (اكادەميچەسكايا موبيلنوست)  ارقىلى وقۋعا كەلگەن  كوپتەگەن وزگە ۇلت وكىلدەرى قويىلىمدارىمىزدى تاماشالايدى. بۇنى ەسكەرگەندىكتەن، قىزداردى ىرىكتەۋ بارىسىندا ءبىز ولاردىڭ اعىلشىن ءتىلىن مەڭگەرۋىنە دە اسا ۇلكەن ءمان بەرەمىز. تابالدىرىقتى توزدىرىپ ءجۇر دەۋگە كەلمەس، ماۋسىم اشىلعاندا ەلىمىزدىڭ مادەنيەتىن تانۋعا، تەاترىن كورۋگە كوپتەپ كەلەدى. شەت ەلدەن كەلەتىن كورەرمەندەرىمىز ءۇشىن، اعىلشىن، ورىس تىلدەرىندە ىلەسپە اۋدارماشى (سينحروننىي پەرەۆود) ۇزدىكسىز قىزمەت ەتۋدە.

2019 جىلدىڭ ءبىرىنشى جارتىسىندا س.ۆ.ماكوۆەتسكي، م.م.جۆانەتسكي جانە ت.ب. كوپتەگەن شەت ەلدىك ارتىستەر جەكە قويىلىمدارىمەن كەلدى. مۇنداي كەزدەرى دە كورەرمەندەرگە  بىزدىڭ باقىلاۋشى قىزدار قىزمەت كورسەتەدى.

سونداي-اق، قازاقستان رەسپۋبليكاسىنىڭ ءتىل تۋرالى زاڭىنىڭ 1-تاراۋ، 5-بابىندا «مەملەكەتتiك ۇيىمداردا جانە جەرگiلiكتi ءوزiن-ءوزi باسقارۋ ورگاندارىندا ورىس تiلi رەسمي تۇردە قازاق تiلiمەن تەڭ قولدانىلادى»   دەلىنگەن. دەمەك، ءسىزدىڭ ساۋالىڭىزعا زاڭ بويىنشا دا جاۋاپ بەرسەك، ءبىز ءوز جازبامىزدا ورەسكەل قاتەلىك جىبەرمەدىك.

تەاترىمىزدىڭ كورەرمەنى كوپ، رەپەرتۋارىمىز دا باي. جاس تا، جاسامىس تا وزىنە كەرەك رۋحاني ازىعىن الادى. تەاتر – كورەرمەنىمەن تەاتر. ال ءبىز ءوز كەزەگىمىزدە ءاربىر  كورەرمەنگە قولايلى ءارى ساپالى قىزمەت جاساۋىمىز كەرەك. سوندىقتان، باقىلاۋشى قىزدارعا كورسەتىلگەن شارتتارىمىزدى قويامىز.

م.اۋەزوۆ اتىنداعى  قازاق مەملەكەتتىك اكادەميالىق دراما تەاترىنىڭ
"ماركەتينگ جانە قوعاممەن بايلانىس" ءبولىمى.

Abai.kz

23 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565