بەيسەنبى, 28 ناۋرىز 2024
3010 0 پىكىر 13 تامىز, 2019 ساعات 13:16

گونكونگتا ون اپتا بويى نارازىلىق اكتسياسى ءوتىپ جاتىر

گونكونگتە سوڭعى ەكى كۇن قاتارىنان جەرگىلىكتى بيلىك كەلىسىم بەرگەن شەرۋلەرمەن بىرگە رۇقسات ەتىلمەگەن نارازىلىق اكتسيالارى دا ءوتتى. وعان قاتىسۋشىلار قالا اكىمشىلىگىن جاۋاپقا تارتۋدى جانە دەمونسترانتتارعا پوليتسيانىڭ كۇش قولدانۋىن دوعارۋدى تالاپ ەتتى.

قالاداعى حالىقارالىق اۋەجايدا "گونكونگكە بوستاندىق" ۇرانىمەن ءۇش كۇندىك نارازىلىق جالعاسىپ جاتىر. جەكسەنبى كۇنى پوليتسيا قالانىڭ ەكى اۋدانىندا كوشەگە شىققان نارازىلاردى تاراتۋ ءۇشىن كوزدەن جاس اعىزاتىن گاز شاشتى.

گونكونگتىڭ مىڭداعان تۇرعىنى پەكين ۇسىنعان "قىلمىسقا كۇدىكتىلەردى قىتاي، ماكاو جانە تايپەيگە بەرۋ تۋرالى" زاڭ جوباسىنا قارسىلىق شەرۋلەرىن وتكىزىپ جاتقانىنا ونىنشى اپتا بولدى.

بيلىكتىڭ پايىمداۋىنشا، بۇل زاڭ جوباسى "گونكونگكە قاشىپ، باس ساۋعالايتىن قىلمىسكەرلەردىڭ" سانىن ازايتادى. الايدا نارازىلار "بۇل زاڭ قابىلدانسا، پەكيندى سىناۋشىلار، قىتايداعى قىسىمنان قاشىپ، گونكونگكە كەلگەندەر، ءتىپتى تۋريستەر زارداپ شەگەدى" دەپ سانايدى.

پەكين گونكونگتەگى نارازىلاردى "قىتايدى ۇناتپايتىن" باتىس پەن اقش-قولداپ وتىر دەپ ايىپتادى.

ۇلىبريتانيا گونكونگتى 1997 جىلى قىتايعا قايتارىپ بەرگەن. گونكونگ – قىتايدىڭ ەرەكشە اكىمشىلىك ايماعى بولىپ سانالادى، بىراق وندا ء"بىر ەل – ەكى جۇيە" ءپرينتسيپى قولدانىستا. گونكونگتىڭ ءوز زاڭى بار، ازاماتتاردىڭ قۇقىعى قىتايمەن سالىستىرعاندا جاقسى قورعالادى. گونكونگ "قىلمىسكەرلەردى، يا كۇدىكتىلەردى ەكستراديتسيالاۋ تۋرالى" 20 ەلمەن كەلىسىم جاساسقان. ولاردىڭ اراسىندا اقش، ۇلىبريتانيا بار. ال قىتاي مەن گونكونگ بۇل كەلىسىمدى 20 جىلدان بەرى تالقىلاپ كەلەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3509