قىزىلوردا وبلىسىندا اۆتوكولىك سالاسىنىڭ قۇرىلعانىنا 80 جىل تولۋىنا وراي مەرەكەلىك شارا ءوتتى،- دەپ حابارلايدى اباي-اقپارات.

شاراعا ارنايى قاتىسقان وبلىس اكىمى قۋانىشبەك ىسقاقوۆ سالا ماماندارىن كاسىبي مەرەكەلەرىمەن قۇتتىقتادى.

– كولىك سالاسى قاي كەزدە دە ەلىمىزدىڭ ەكونوميكاسى مەن ءوندىرىسىنىڭ بارلىق بۋىنىن بايلانىستىراتىن اسا ماڭىزدى سالا بولىپ تابىلادى. 80 جىلدىق تاريحى بار سالا اعا بۋىننىڭ ەسەلى ەڭبەگىمەن، جاسامپازدىعىمەن دامىسا، كەيىنگى ۇرپاقتىڭ جاڭاشىلدىعىمەن نىعايىپ كەلەدى. سىر ەلىنىڭ كولىك قاتىناسىن ورگە سۇيرەپ، تاتۋ تىرلىگى مەن بەرەكەلى بىرلىگىن ارتتىرۋعا سۇبەلى ۇلەس قوسىپ وتىرعان سالا قىزمەتكەرلەرىنە وبلىس جۇرتشىلىعى اتىنان زور ريزاشىلىعىمدى بىلدىرەمىن، - دەدى وبلىس اكىمى.

بۇگىنگى تاڭدا قىزىلوردا وبلىسىندا 212 ەلدىمەكەندى اۋدان جانە وبلىس ورتالىعىمەن جالعايتىن 211 تۇراقتى اۆتوبۋس قاتىناسى جولعا قويىلعان. ال سىردىڭ باس شاھارىندا نۇر-سۇلتان، الماتى، شىمكەنت، جەزقازعان، قاراعاندى، تۇركىستان، سارىاعاش، اقتوبە جانە ت.ب. قالالارعا كۇندەلىكتى جولاۋشى تاسىمالداۋ قىزمەتتەرى كورسەتىلۋدە. سونداي-اق، 2018 جىلدىڭ شىلدە ايىنان باستاپ حالىقارالىق «قىزىلوردا-تاشكەنت-قىزىلوردا» تۇراقتى مارشرۋتى ىسكە قوسىلعان.

– قازىرگى ۋاقىتتا «تسيفرلىق قازاقستان» مەملەكەتتىك باعدارلاماسىنىڭ نەگىزىندە 1 جوبا ىسكە قوسىلعان. سونداي-اق، قوسىمشا 4 جوبانى جۇزەگە اسىرۋ بويىنشا جۇمىستار اتقارىلۋدا. وسى جوبالار ىسكە اسسا، قىزمەت ساپاسى جاقسارىپ، تاسىمالدانعان جولاۋشىلار سانىنىڭ اشىقتىعىنا، جولاۋشىلار تاسىمالىنىڭ تيىمدىلىگىن جوعارىلاتۋعا، كىرىستەر كوزىنىڭ ارتۋىنا قول جەتكىزىلەدى،- دەدى ايماق باسشىسى.

مەرەكەلىك شارادا بارىسىندا قۋانىشبەك ىسقاقوۆ سالا ماماندارىنا قر پرەزيدەنتىنىڭ «العىس حاتى»، «ەڭبەك ارداگەرى» مەدالى، «قۇرمەتتى اۆتوكولىكشى» مەن «ۇزدىك اۆتوكولىكشى» توسبەلگىلەرى، قر يندۋستريا جانە ينفراقۇرىلىمدىق دامۋ مينيسترلىگىنىڭ قۇرمەت گراموتاسى، قىزىلوردا وبلىسىنىڭ «قۇرمەت گراموتاسى»، وبلىس اكىمىنىڭ «العىس حاتى» جانە «قىزىلوردا وبلىسىنىڭ اۆتوكولىك سالاسىنىڭ قۇرىلعانىنا - 80 جىل» مەرەكەلىك مەدالى تابىس ەتتى.

ايتا كەتەيىك، وبلىس اۋماعىندا جەرگىلىكتى ماڭىزى بار اۆتوموبيل جولدارىنىڭ جالپى ۇزىندىعى 3451 شاقىرىمدى قۇرايدى. ونىڭ 1016 - شاقىرىمى رەسپۋبليكالىق، 563 - شاقىرىمى وبلىستىق، 1872 - شاقىرىمى اۋداندىق ماڭىزى بار اۆتوموبيل جولدارى. 2013-2018 جىلدارى 1594 كم اۆتوموبيل جولدارى مەن قالا، كەنت جانە ەلدىمەكەندەردىڭ كوشەلەرى جوندەلدى. سونداي-اق، وسى جىلدار ىشىندە وبلىس اۋماعىندا 12 كوپىرگە جوندەۋ جۇمىستارى (5 كوپىر قۇرىلىسى، 1 كوپىردى رەكونسترۋكتسيالاۋ، 6 كوپىردى كۇردەلى جوندەۋ جۇمىستارى) جۇرگىزىلىپ، پايدالانۋعا بەرىلدى. 2019 جىلى جەرگىلىكتى ماڭىزى بار 192 كم اۆتوموبيل جولدارى، ەلدىمەكەن كوشەلەرى مەن كوپىرلەردى جوندەۋ جۇمىستارىن جۇرگىزۋ جوسپارلانىپ وتىر.

حالىقارالىق «قورقىت اتا اۋەجايى» ارقىلى انتاليا، ماسكەۋ، نۇر-سۇلتان، الماتى، اتىراۋ، قاراعاندى قالالارىنا اۋە بايلانىسى ۇيىمداستىرىلىپ، اپتاسىنا بارلىعى 34 تۇراقتى رەيس ورىندالىپ وتىر. 2018

جىلدىڭ شىلدەسىنەن باستاپ جۇزەگە اسىرىلعان اپتاسىنا 4 رەت «ماسكەۋ-قىزىلوردا-ماسكەۋ» قاتىناسى - سۇرانىسقا يە.

Abai.kz