بەيسەنبى, 28 ناۋرىز 2024
4132 1 پىكىر 8 تامىز, 2019 ساعات 10:58

اتامباەۆتى ۇستاۋ وپەراتسياسىندا جارالانعان ارنايى جاساق وكىلى قازا بولدى

قىرعىزستاننىڭ بۇرىنعى پرەزيدەنتى المازبەك اتامباەۆتىڭ رەزيدەنتسياسىنا شابۋىل كەزىندە جارالانعان ارنايى جاساق وكىلى قازا بولدى.

قىرعىزستان دەنساۋلىق ساقتاۋ مينيسترلىگى كوي-تاشتا ەلدىڭ بۇرىنعى پرەزيدەنتى المازبەك اتامباەۆتى ۇستاۋ وپەراتسياسى كەزىندە جارالانعان ارنايى جاساق وكىلى اۋرۋحانادا كوز جۇمعانىن حابارلادى. مينيسترلىكتىڭ دەرەگىنشە، وپەراتسيا كەزىندە 41 ادام جارالانعان، ولاردىڭ 15-ءى - ارنايى جاساق قىزمەتكەرى.

دارىگەرلەردىڭ سوزىنشە، كوز جۇمعان 22 جاستاعى ارنايى جاساق قىزمەتكەرىنىڭ جۇرەگىنە وق تيگەن. ول اۋرۋحانادا قايتىس بولعان.

7 تامىزدا بىشكەك ۋاقىتىمەن كەشكى ساعات سەگىز شاماسىندا ارنايى جاساق ەكس-رەزيدەنت المازبەك اتامباەۆتى ۇستاۋ وپەراتسياسىن باستاعان. 8 تامىز تۇنگى ءۇش شاماسىندا ارنايى جاساق كوي-تاشتان شىقتى، المازبەك اتامباەۆتى ۇستاعان جوق.

27 ماۋسىمدا قىرعىزستان پارلامەنتى المازبەك اتامباەۆتى ەكس-پرەزيدەنت جانە تيىسپەۋشىلىك مارتەبەسىنەن ايىرعان.كەيىن ءىىم اتامباەۆتى تەرگەۋگە شاقىرا باستادى.

قىرعىزستاننىڭ بۇرىنعى پرەزيدەنتىنە قىزمەتتە ءجۇرىپ جەمقورلىققا جول بەردى، وكىلەتىن اسىرا پايدالاندى جانە زاڭسىز بايىدى دەگەن سياقتى جالپى سانى بەس ايىپ تاعىلعان. پروكۋراتۋرا اتامباەۆ قىلمىستىق توپتار اراسىندا تانىمال ازيز باتۋكاەۆتىڭ زاڭسىز بوساتىلۋىمەن بايلانىستى ىستە كۋاگەر رەتىندە تانىلعانىن مالىمدەگەن.

اتامباەۆ بۇل ايىپتاردىڭ ءبارىن جوققا شىعارىپ، ءوزىن تەرگەۋگە شاقىرۋدىڭ ساياسي استارى بار دەپ مالىمدەگەن. ول ازيز باتۋكاەۆتى بوساتۋعا قاتىسى جوعىن دا ايتادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522