جۇما, 29 ناۋرىز 2024
بيلىك 4999 8 پىكىر 7 تامىز, 2019 ساعات 19:06

پرەزيدەنت ارىستاعى اپاتقا جاۋاپتى شەندىلەردى جازالادى

مەملەكەت باسشىسى قاسىم-جومارت توقاەۆتىڭ وكىمىمەن قىزمەتىنە سالعىرتتىق تانىتىپ، ارىس قالاسىندا ورنالاسقان اسكەري قارۋ-جاراق قويماسىنداعى اپاتتىڭ تۋىنداۋىنا جول بەرگەن شەندىلەر جازالاندى.

بۇل تۋرالى اقوردانىڭ رەسمي سايتىندا حابارلاندى.

"مەملەكەت باسشىسىنىڭ وكىمىمەن وزىنە جۇكتەلگەن مىندەتتەردى ءتيىستى دەڭگەيدە ورىنداماعانى جانە قارۋ-جاراق پەن وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ جۇمىسىنداعى، قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ جانە ورنالاستىرۋ باعدارلاماسىن ىسكە اسىرۋ كەزىندەگى ەلەۋلى كەمشىلىكتەرى، سونىڭ سالدارىنان ارىس قالاسىندا ورنالاسقان اسكەري بولىمشەدەگى قارۋ-جاراقتىڭ جارىلۋىنا جانە قالادا ادام شىعىنىنا ۇشىراتقان اۋقىمدى اپاتقا جول بەرگەنى ءۇشىن:

1. قازاقستان رەسپۋبليكاسى قورعانىس ءمينيسترى بولىپ قىزمەت اتقارعان ساكەن ءادىلحانۇلى جاسۇزاقوۆ قازاقستان رەسپۋبليكاسىنىڭ قارۋلى كۇشتەرى جۇيەسىنەن شىعارىلدى.

2. كەلەسى لاۋازىمدى قىزمەتكەرلەرگە:

قازاقستان رەسپۋبليكاسى قورعانىس ءمينيسترىنىڭ ءبىرىنشى
ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى مۇرات كارىبايۇلى بەكتانوۆقا;

قازاقستان رەسپۋبليكاسى قورعانىس ءمينيسترىنىڭ ءبىرىنشى
ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى بولىپ قىزمەت اتقارعان مۇرات جالەلۇلى مايكەەۆكە;

قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ قىزمەت اتقارعان تالعات جەڭىسۇلى جانجۇمەنوۆكە قاتاڭ سوگىس جاريالاندى", - دەپ جازىلعان جارلىقتا.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596