مۇنداي شەشىم مەملەكەتتىك ەكولوگيا جانە تەحنيكالىق قاۋىپسىزدىك جونىندەگى ينسپەكتسيا قورىتىندىسى نەگىزىندە قابىلداندى. بورونوۆتىڭ حابارلاۋىنشا، سوڭعى كۇندەرى التىن كەنىندە تىركەلگەن وقيعالارعا قاتىستى تەرگەۋ جۇرگىزىلەدى.

"ۇكىمەتتىڭ ارنايى كوميسسياسى جۇمىس جۇرگىزەدى. سونىڭ ناتيجەسى بويىنشا ءتيىستى شەشىم قابىلدانادى", - دەدى ءبىرىنشى ۆيتسە-پرەمەر-مينيستر.

5 تامىزدا التىن كەنىندە بولعان جانجالدان ونداعان ادام زارداپ شەكتى. دەنساۋلىق ساقتاۋ مينيسترلىگىنىڭ مالىمەتى بويىنشا، نارىن وبلىستىق اۋرۋحاناسىنا 21 ادام تۇسكەن، ولاردىڭ جيىرماسى - قىتايدىڭ Zhong ji Mining كومپانياسىنىڭ قىزمەتكەرى. 6 تامىزدا 19 ادام اۋرۋحانادان شىقتى، جەرگىلىكتى ءبىر تۇرعىن ەمدەلىپ جاتىر. بۇعان قوسا، بىشكەكتەگى تراۆماتولوگيا جانە ورتوپەديا مەديتسينالىق ورتالىعىنا قىتاي كومپانياسىنىڭ 28 جۇمىسشىسى تۇسكەن. العاشقى مەديتسينالىق كومەكتەن سوڭ ولاردىڭ بارلىعى امبۋلاتوريالىق ەمگە كوشىرىلگەن.

قىتايدىڭ قىرعىزستانداعى ەلشىلى سولتون-سارىداعى جانجالعا قاتىستى مالىمدەمە تاراتتى.

ء"بىز قىرعىز تاراپىنان زارداپ شەككەندەرگە بارىنشا مەديتسينالىق كومەك كورسەتۋدى، وقيعانى تۇبەگەيلى تەكسەرۋدى، كىنالىلەردى قاتاڭ جازالاۋدى، وقيعانى ءادىل جانە دۇرىس رەتتەۋدى تالاپ ەتەمىز. قىتاي تارابى قىرعىزستان ۇكىمەتى مەن ءتيىستى ۆەدومستۆولارىنان قىتاي كومپانيالارىنىڭ زاڭدى قۇقىقتارى مەن مۇددەلەرىن قورعايتىن، قىتاي ازاماتتارىنىڭ قاۋىپسىزدىگىن قامتاماسىز ەتەتىن جانە مۇنداي وقيعالاردىڭ قايتالانۋىنا جول بەرمەيتىن پارمەندى شارالار قابىلداۋىن سۇرايدى" دەلىنگەن ەلشىلىك مالىمدەمەسىندە.

5 تامىزدا قىرعىزستاننىڭ نارىن وبلىسىنداعى سولتون-سارى كەن ورنى ماڭىنا جۇزدەگەن جەرگىلىكتى تۇرعىن جينالىپ، كەنىشتى يگەرۋ جۇمىستارىن اتقارىپ جاتقان قىتايلىق Jhong ji Mining كومپانياسى جۇمىسشىلارىنىڭ سولتون-سارىدان كەتۋىن تالاپ ەتكەن.

Abai.kz