قورعانىس ءمينيسترى امير ءحاتاميدىڭ مالىمدەۋىنشە، زىمىرانداردى جويعىش ۇشاقتارعا، تىكۇشاقتارعا جانە ۇشقىشسىز ۇشاقتارعا ورنالاستىرۋعا بولادى. زىمىرانداردىڭ ءبىرى 50 شاقىرىمنان استام قاشىقتىقتاعى نىساندى كوزدەي الادى.

جاڭا قارۋ ءتۇرى تەگەران مەن ۆاشينگتون قارىم-قاتىناسى سالقىن تارتقان ۋاقىتتا تانىستىرىلىپ وتىر. وتكەن جىلى مامىر ايىندا اقش يراننىڭ يادرولىق باعدارلاماسىنا قاتىستى كەلىسىمنەن شىعىپ كەتتى. ودان سوڭ ۆاشينگتون تەگەرانعا قاتىستى بىرقاتار سانكتسيالارىن قايتا ىسكە قوستى.

بيىل ماۋسىم ايىندا يران بيلىگى يادرولىق كەلىسىمدەگى مىندەتتەردى ورىنداۋدان باس تارتاتىنىن مالىمدەدى.

تەگەراننىڭ يادرولىق باعدارلاماسىن جويۋدى كوزدەيتىن كەلىسىم 2015 جىلى قابىلدانعان. وعان يران جانە اقش، فرانتسيا، ۇلىبريتانيا، رەسەي، قىتاي، گەرمانيا قول قويعان.

Abai.kz