سەيسەنبى, 25 قاڭتار 2022
2245 0 پىكىر 1 تامىز, 2019 ساعات 12:09

"پۋتين – اگرەسسور" دەگەن پلاكاتپەن شىققان ەرلى-زايىپتىنىڭ ءىسى جابىلدى

قىرعىزستان ميليتسياسى ازاماتتىق بەلسەندى نۇرلان كارىمشاكوۆ پەن ونىڭ ايەلى گۇلجان يماەۆاعا قاتىستى ءىستى جاپتى.

بيىل 27 ناۋرىزدا رف پرەزيدەنتى ۆلاديمير ءپۋتيننىڭ قىرعىزستانعا ساپارى قارساڭىندا رەسەي ەلشىلىگى الدىندا "پۋتين – اگرەسسور، قانىشەر" دەگەن جازۋى بار پلاكاتپەن ەرلى-زايىپتى شىققان بولاتىن.

ولاردى ميليتسيا ۇستاپ، پاتەرىنە ءتىنتۋ جۇرگىزگەن. وسىدان كەيىن ەكەۋىنە قارسى قىلمىستىق ءىس قوزعالعان.

"ولارعا قارسى ءىستى توقتاتۋ تۋرالى شەشىم پسيحولوگيالىق-لينگۆيستيكالىق جانە كوميسسيالىق لينگۆيستيكالىق ساراپتاما ناتيجەسىنەن كەيىن قابىلداندى", – دەيدى ەرلى-زايىپتىنىڭ ادۆوكاتى زامير جووشەۆ.

Abai.kz

0 پىكىر