كەزدەسۋ بارىسىندا مەملەكەت باسشىسىنا قازاقستاننىڭ ۇلتتىق تەاترلارىنىڭ جاي-كۇيى، كينەماتوگرافيا سالاسىنىڭ جاعدايى تۋرالى مالىمەت بەرىلدى. بۇل تۋرالى اقوردا سايتى حابارلادى.

تۇڭعىشباي جامانقۇلوۆ قازاقستان پرەزيدەنتىنە وڭىرلەرىندەگى تەاترلاردىڭ شىعارماشىلىق جاعدايى، ت.جۇرگەنوۆ اتىنداعى قازاق ۇلتتىق ونەر اكادەمياسىنداعى جاس مامانداردى دايىنداۋ بارىسى جانە باسقا دا ماسەلەلەر تۋرالى باياندادى.

سونىمەن قاتار، كەزدەسۋدە قازاقستاننىڭ تەاتر قايراتكەرلەرى وداعىنىڭ مارتەبەسىن ارتتىرۋ ماسەلەسى دە ءسوز بولدى.

قاسىم-جومارت توقاەۆ تەاتر جانە كينو ونەرى ەلىمىزدىڭ مادەني-رۋحاني دامۋىندا ايرىقشا ءرول اتقاراتىنىنا نازار اۋداردى. سوندىقتان، وسى سالالاردىڭ دامۋىنا ەرەكشە كوڭىل ءبولىپ، ءاردايىم قولداۋ بىلدىرەتىنىن اتاپ ءوتتى.

Abai.kz