سەنبى, 4 ءساۋىر 2020
COVID-19 قازاقستاندا. جۇقتىرعاندار — 525. جازىلعاندار — 36. قايتىس بولعاندار — 5
934 0 پىكىر 31 شىلدە, 2019 ساعات 12:14

«زەرەن-2019» لاگەرىنە 600 دارىندى وتانداستارىمىز قاتىستى

ءۇش اۋىسىمدا اۋقىمدى «زەرەن-2019» تانىمدىق لاگەرىنە قازاقستاننان، سونداي-اق شەتەلدەن 600 دارىندى وتانداستارىمىز قاتىستى.

لاگەر باعدارلاماسى دارىستەر مەن سەمينارلاردان قۇرالعان ءبىلىم بەرۋ بلوگىنان جانە الەۋمەتتىك بيزنەس-جوبالاردى جاسايتىن تاجىريبەلىك بلوگىنان تۇردى. قاتىسۋشىلار كەلەسى ءتورت باعىتتاعى جوبا بويىنشا جۇىس ىستەدى، ولار: ازاماتتىق قوعامدى دامىتۋ، كاسىپكەرلىك داعدىلارى، جاسىل ەكونوميكا، كرەاتيۆتى ەكونوميكا جانە جاڭا مەديا.

ءار اۋىسىمدا دارىندى جاستار قازىلاردىڭ تالقىسىنا وزدەرىنىڭ بىرەگەي جوبالارىن ۇسىندى. ءۇشىنشى ماۋسىمنىڭ جەڭىمپازدارى 30 شىلدەدە انىقتالىپ، «زەرەن-2019» رەسپۋبليكالىق ءبىلىم بەرۋ جاستار جازعى لاگەرىنىڭ سوڭعى ماۋسىمى جابىلدى.

ءۇشىنشى اۋىسىمنىڭ جەڭىمپازدارى:

«IN DATA» كومانداسى «Biz map» جوباسىمەن.

«UmitApp» كومانداسى «Round up» جوباسىمەن. جوبا امبەباپ دۇكەندەر جەلىسىن قاتىستىرا وتىرىپ، قايىرىمدىلىق قورىنا قارجى تارتۋعا باعىتتالعان.

«Happy project» كومانداسى «Be my friend» جوباسىمەن.

«ZhanAru» كومانداسى «CityBox» جوباسىمەن. بۇل جوبا قوقىستى بولەك-بولەك جينايتىن اۆتوماتتاندىرىلعان جۇيەنى جاساۋعا ارنالعان.

«Healthy Life» كومانداسى «Magic hands» جوباسىمەن.

سونىمەن قاتار، ءۇشىنشى ماۋسىمنىڭ باسقا دا جوبالارى : «Easy Kazakh» – تسيفرلى سەگمەنتتە قازاق ءتىلىن دارىپتەۋگە باعىتتالعان الەۋمەتتىك-كوممەرتسيالىق جوبا. جوبانىڭ ارقاسىندا «Easy Kazakh-قا» شەتەلدىك اۋديتوريا تارتىلادى جانە قازاق تىلىندەگى وقۋ ماتەريالدارىنىڭ تيىمدىلىگى مەن ساپاسى ارتادى. «GreenIT» – اتموسفەرانى لاستايتىن زاتتاردىڭ شىعۋ كولەمىن ەسەپتەۋگە ارنالعان باعدارلامانى جاساۋ. «Influx» – اۋانى تازالاۋعا جانە سۇزۋگە ارنالعان ەنەرگيالىق ءتيىمدى قۇرىلعى جاساۋ.

لاگەردىڭ سالتاناتتى تۇردە جابىلۋىمەن قۇتتىقتاۋعا قازاقستاننىڭ ءبىلىم جانە عىلىم ءمينيسترى اسحات ايماعامبەتوۆ كەلدى. ۆەدومستۆو باسشىسى جاستاردىڭ دايىندىق دەڭگەيىنە، وي ورىسىنە جانە ءوز سالاسىنداعى بىلىمىنە سۇيسىنەتىنىن جەتكىزدى.

لاگەردىڭ ءۇش اۋىسىمى دا شىلدە ايىندا ءوتتى. ءبىرىنشى اۋىسىم 3 – 11 شىلدە ارالىعىندا، ەكىنشى اۋىسىم 13 – 21 شىلدەدە، ءۇشىنشى اۋىسىم 23 – 31 شىلدە ارالىعىندا ءوتتى. وسىلايشا، ءار اۋىسىمدا لاگەرگە قازاقستان، يران، موڭعوليا، قىتاي، وزبەكستان، رەسەي، تۇركيا، ءازىربايجان جانە قىرعىزستان ەلدەرىنەن 200 قاتىسۋشىدان كەلىپ، زەرەندى كۋرورتتىق ايماعىندا ەستەن كەتپەس توعىز كۇنىن وتكىزدى. لاگەردىڭ بىتكەنشە 15 ۇزدىك جوبا انىقتالدى. "زەرەن-2019" لاگەرىنىڭ ءۇش اۋىسىمىنداعى جالپى جۇلدە قورى 15 ملن. تەڭگەنى قۇرادى، ودان بولەك، كاسىپكەرلەر 12 ملن. تەڭگە ءبولدى.

كۇن سايىن زەرەندىكتەردىڭ الدىندا تانىمال سپيكەرلەر ءسوز سويلەدى، ولار: قازاقستان ۆيتسە-پرەمەرى گۇلشارا ابدىحالىقوۆا، اقپارات جانە قوعامدىق دامۋ ءمينيسترى داۋرەن اباەۆ، پرەزيدەنتتىڭ كەڭەسشىسى، ساياسات جانە قوعام قايراتكەرى ەرلان قارين، Kusto Group-تىڭ نەگىزىن قالاۋشى جانە قوسالقى يەسى ەركىن تاتىشەۆ; قازاقستاندىق ايگىلى الپينيست، جوعارى دەڭگەيلى الپينيزم بويىنشا قر بىرىنشىلىگىنىڭ بىرنەشە دۇركىن چەمپيونى، ءارى جۇلدەگەرى ماقسۇت جۇماەۆ، قازاقستانداعى ەڭ ءىرى تاكسوپاركتەردىڭ ءبىرىنىڭ نەگىزىن قالاۋشى، كاسىپكەر تيمۋر حۇدايبەرگەنوۆ، قازاقستاننىڭ مەملەكەتتىك جانە قوعام قايراتكەرى، نۇر-Cۇلتانداعى مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتى توراعاسى ءاليحان بايمەنوۆ جانە تاعى باسقالار.

الدىڭعى ەكى اۋىسىمنىڭ جەڭىمپازدارى:

1 كەزەڭ:

«Red Orda» كومانداسى، «جوڭىشقا - تابيعي تىڭايتقىش» جوباسىمەن.

«ەكو ەنەردجي» كومانداسى، «بيو وتىن» جوباسىمەن.

«وڭتۇستىكتىكىلەر» كومانداسى، «Qazaq oyi» جوباسىمەن.

«قامقور» كومانداسى، «مۇمكىندىگى شەكتەۋلى بالالارعا ارنالعان شىعارماشىلىق ورتالىعى» جوباسىمەن.

«ەكو جەر» كومانداسى، «ۆيرميگۋمۋس» جوباسىمەن.

2 كەزەڭ:

"ەكو باحيلى Zeren" جوباسىمەن UPGRADE كومانداسى. كەم دەگەندە 350 رەت پايدالانۋعا بولاتىن بيولوگيالىق ىدىرايتىن ماتەريالدان ەكو-باحيل تىگۋ.

Q4 كومانداسى "تاقىمدى تۇلعا"جوباسىمەن. ۇلتتىق ات وقۋ ورتالىعىنىڭ اشىلۋى.

Arasan كومانداسى "Aiel Baqyty" جوباسىمەن. ايەلدەردىڭ رەپرودۋكتيۆتى دەنساۋلىعىنا بايلانىستى بارلىق پروبلەمالاردى شەشۋ ءۇشىن يننوۆاتسيالىق پلاتفورما قۇرۋ.

دەمەۋ كومانداسى "دەمەۋ" جوباسىمەن. مۇمكىندىگى شەكتەۋلى ادامدار ءۇشىن تەگىن وقۋ كۋرسى جانە تۇراقتى جۇمىسقا ورنالاستىرۋ

"اگرو-م" جوباسىمەن ۇمتىلۋ كومانداسى. حالۆا، ماي، كوسمەتيكا جاساۋعا بولاتىن سافلور ءوسىرۋ، حيميا مەن تىڭايتقىشتاردى پايدالانۋعا شىعىنسىز جانۋارلارعا ارنالعان ء"تىرى" ازىق.

زەرەندىكتەر بۇكىل ۋاقىتىن جوبالاردى جاساپ، ونى جۇزەگە اسىرۋعا عانا جۇمساعان جوق. جاستار كۇندەلىكتى تاڭعى ساعات 7-دەن 8-گە دەيىن بەلسەندى سپورتپەن اينالىسىپ، كوماندا ارالىق سپورت سايىستارىنا قاتىستى. قاتىسۋشىلاردىڭ ەڭ سۇيىكتى ساتتەرىنىڭ ءبىرى - FireTime (الاۋ ماڭىنداعى كەزدەسۋ) ۋاقىتىندا ىنتالاندىرۋشى سپيكەرلەر جاستارعا ءتالىم بەرىپ، ولاردى جاڭا يدەيالارعا شابىتتاندىردى جانە وزدەرىنە دەگەن سەنىمدەرىن ارتتىردى. ودان بولەك، قاتىسۋشىلار بوس ۋاقىتىندا تاۋعا شىعىپ، اقمولا وبلىسىنىڭ كوركەم تابيعاتىمەن تانىستى جانە زەرەندى كولىنە شومىلدى. 27 شىلدەدە زەرەندىكتەر، ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ۇيىمداستىرعان «بىرگە - تازا قازاقستان» اۋقىمدى ەكولوگيالىق چەللەندجىنە اتسالىسىپ، لاگەر اۋماعىن تازالادى.

2019 جىل قازاقستاندا جاستار جىلى بولىپ جاريالانعانىن ەستەرىڭىزگە سالامىز. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تاپسىرماسىمەن بيىل ەلىمىزدەگى جاستاردىڭ دامۋىنا جانە جاس قازاقستاندىقتاردىڭ قاجەتتىلىكتەرىن شەشۋگە ارنالعان ناقتى قولداۋ قۇرالدارىن قۇرۋعا باعىتتالادى.

«زەرەن-2019» رەسپۋبليكالىق تانىمدىق جاستار جازعى لاگەرى قر اقپارات جانە قوعامدىق دامۋ مينيسترلىگىنىڭ باستاماسىمەن ۇيىمداستىرىلىپ، قازاقستاندا جاستار جىلىن وتكىزۋ بويىنشا جول كارتاسى شەڭبەرىندە جۇزەگە اسىرىلدى. لاگەردىڭ ماقساتى – ناقتى ىسكە اساتىن، ورنىقتى، الەۋمەتتىك باعىتتاعى بيزنەس جوبالاردى قازاقستاننىڭ بارلىق وڭىرىندە اشۋ. «زەرەن-2019» جاستاردىڭ ءوزىن ءوزى كورسەتۋىنە كومەكتەسىپ، جاستاردىڭ، سونىڭ ىشىندە اۋىل جاستارىنىڭ ەكونوميكالىق جانە الەۋمەتتىك ساتىلارعا قول جەتكىزۋىنە كومەكتەسۋ ءۇشىن اشىلعان.

قازاقستان مەن باسقا دا ەلدەردىڭ 18 - 29 جاس ارالىعىنداعى كەز كەلگەن ازاماتى «زەرەن-2019» جوباسىنا قاتىسۋ مۇمكىندىگىنە يە بولدى. لاگەردە تۇرۋ جانە ءبىلىم الۋ شىعىنىن ۇيىمداستىرۋشىلار كوتەردى.

قوسىمشا اقپارات الۋ ءۇشىن كەلەسى تەلەفوندارعا حابارلاسۋعا بولادى: 8 (7172) 76 98 56, +7 701 333 71 80, e-mail: media@askredpoint.com.

انىقتاما:

«زەرەن» رەسپۋبليكالىق جاستار جازعى لاگەرى دارىندى جاستاردىڭ بويىندا ناعىز كاسىپكەردىڭ، ازاماتتىق بەلسەندى تۇلعا مەن كوشباسشىنىڭ قۇندىلىقتارىن قالىپتاستىرۋعا جانە جەتىلدىرۋگە باعىتتالعان. باعدارلاما قورىتىندىسى بويىنشا، ناقتى جۇزەگە اساتىن كاسىپكەرلىك بيزنەس-جوبالاردى قازاقستاننىڭ بارلىق وڭىرىندە ىسكە قوسۋ جوسپارلانۋدا. بولجالدى ناتيجە – جاڭا ازاماتتىق باستامالاردى اشۋ ارقىلى اۋىل جانە قالا جاستارىنىڭ دامۋىنا سەرپىن بەرۋ.

Abai.kz

0 پىكىر