جۇما, 29 مامىر 2020
COVID-19 قازاقستاندا. جۇقتىرعاندار — 9932. جازىلعاندار — 4900. قايتىس بولعاندار — 37
827 1 پىكىر 31 شىلدە, 2019 ساعات 10:50

جالاعاشتاعى جارقىن جوبالار

قىزىلوردا وبلىسى، جالاعاش اۋدانىندا قۋاتتىلىعى 30 كۆت "Nomad Solar" جشس سالاتىن كۇن ەلەكتر ستانتسياسىنىڭ قۇرىلىس باستالدى،- دەپ حابارلايدى اباي-اقپارات.

اۋدانعا جۇمىس ساپارىمەن بارعان وبلىس اكىمى قۋانىشبەك ىسقاقوۆ الەۋمەتتىك جانە وندىرىستىك نىسانداردىڭ جۇمىسىمەن تانىسىپ، بىرنەشە ەلدىمەكەننىڭ تۇرعىندارىمەن كەزدەستى. ەلەكتر ستانتسياسىنىڭ قۇرىلىسىن جۇرگىزۋگە 60 ادام جۇمىلدىرىلعان. جوبا ىسكە قوسىلعاندا 18 ادام تۇراقتى جۇمىسپەن قامتىلماق.

سونداي-اق، ايماق باسشىسى اۋدان ورتالىعىندا 2017 جىلى "سەرپىن" اگرارلىق-يندۋستريالىق ايماعىندا اشىلعان "وركەن الەم" جشس ارنايى كيىم تىگۋ تسەحىنا باردى. اتالعان كاسىپورىندا 24 ادام جۇمىس ىستەيدى.

مۇنان سوڭ قۋانىشبەك دوسمايىلۇلى بۇقارباي باتىر اۋىلدىق وكرۋگىندە كۇرىش وسىرۋمەن اينالىساتىن "بايتابىن" جشس №5 بريگاداسىنىڭ ەگىس القابىندا بولدى. 2018 جىلدىڭ قورىتىندىسى بويىنشا شارۋاشىلىقتا گەكتارىنا 68 تسەنتنەردەن ءونىم جينالعان. سەرىكتەستىكتە بارلىعى 110 ادام جۇمىسپەن قامتىپ وتىر.

بۇدان ءارى ءوڭىر باسشىسى "سامارا-شىمكەنت-مادەنيەت-ماقپالكول-جاڭاتالاپ-اققىر" تاس جولىنىڭ بويىنداعى "وڭتۇستىك كوللەكتور" كوپىرىن قايتا جاڭعىرتۋ جۇمىستارىنىڭ قالاي جۇرگىزىلىپ جاتقاندىعىن كوردى. بۇگىنگى تاڭدا جالاعاش اۋدانىندا بىرقاتار جوبالار ىسكە اسىرىلۋدا. قۋانىشبەك ىسقاقوۆ اققىر اۋىلدىق وكرۋگىندە ەلدىمەكەندى اباتتاندىرۋ بويىنشا، اتاپ ايتساق، اۋىلعا تارتىلعان اۋىزسۋ مەن ەلەكتر جەلىسىن جاڭعىرتۋ جۇمىستارىمەن تانىستى.

ماقپالكول اۋىلدىق وكرۋگىندە وبلىس اكىمى اۋماعى 6 گەكتار اۋماققا الما باعى ورنالاسقان. باق 2018 جىلى وتىرعىزىلعان، ونى كۇتىپ-باپتاۋ جۇمىستارىمەن 4 ادام اينالىسادى.

ايماق باسشىسى ساپار اياسىندا مادەنيەت اۋىلدىق وكرۋگىندە 2018 جىلى پايدالانۋعا بەرىلگەن الەۋمەتتىك نىسانداردا، سپورت كەشەنى، بالاباقشا جانە مادەنيەت ۇيىندە باردى.

جالاعاش اۋدانى، تاڭ اۋىلدىق وكرۋگىندە "تاڭ لتد" جشس مەملەكەتتىك-جەكەمەنشىك ارىپتەستىك اياسىندا سالىنعان 100 ورىندىق سپورت كەشەنى اشىلعان ەدى. وندا دزيۋدو جانە تحەكۆوندو سەكتسيالارى قىزمەت كورسەتەدى، 11 ادام جۇمىسپەن قامتىلعان. سونداي-اق، ق. ىسقاقوۆ تاۋلىگىنە 100 توننا كۇرىش شالى وڭدەيتىن "تاڭ لتد" جشس كۇرىش وڭدەۋ تسەحىندا بولدى. ايتا كەتەيىك، وتكەن جىلدان باستاپ اۋىلدىق وكرۋگتە تاۋلىگىنە 1000 وراما كونسەرۆى وندىرەتىن "اگروليدەر تاڭ" جشس تسەحى ىسكە قوسىلعان بولاتىن.

وبلىس اكىمى "ەڭبەك" اۋىلدىق وكرۋگىندە بولىپ، "ەڭبەك جەر" جشس اۋىل تۇرعىندارىنىڭ يگىلىگى ءۇشىن سالعان 50 ورىندىق سپورت كەشەنى، مەشىت جانە شاشتاراز، شاعىن-ماركەت، 200 ورىندىق تويحانا جۇمىسىمەن تانىستى.

قۋانىشبەك دوسمايىلۇلى اققۇم اۋىلدىق وكرۋگىندە 2018 جىلى سالىنعان "باقداۋلەت-57" جشس بورداقىلاۋ كەشەنىنە باردى. مۇندا 18 ادام جۇمىس ىستەيدى.

ايتا كەتەيىك، الداعى ۋاقىتتا وڭتۇستىك اۋداندارعا جۇمىس ساپارىمەن بارادى.

Abai.kz

1 پىكىر