جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
992 0 پىكىر 29 شىلدە, 2019 ساعات 18:36

رەسپۋبليكالىق “تۇلپار ءمىنىپ تۋ العان” جوباسىنا قازالى اۋدانىنان 340 وقۋشى قاتىسادى

ەلىمىزدە رسەپۋبليكا كولەمىندە قولعا الىنعان تۇلپار ءمىنىپ تۋ العان جوباسى الداعى ۋاقىتتا دا جالعاسىن تاپپاق. ءار وڭىردەن قولداۋ تاۋىپ، حالىقتىق سيپات العان اتالمىش جوبانى قىزىلوردا وبلىسى دا قىزۋ قولداپ وتىر.  

ماسەلەن، الداعى قىركۇيەك ايىندا وتەتىن بايقاۋعا قىزىلوردا وبلىسى، قازالى اۋدانىنان 340 وقۋشى قاتىسىپ، باعىن سىنايدى. ولار نەگىزىنەن 6-10 سىنىپ ارالىعىنداعى مەكتەپ وقۋشىلارى.

وقۋشىلاردى ىرىكتەۋ جۇمىستارى قازالى اۋدانى بويىنشا 15-قىركۇيەك كۇنى وتەدى دەپ جوسپارلانىپ وتىر. قازىرشە، بايقاۋعا قاتىساتىن ۇمىتكەرلەردىڭ دايىندىعى جامان ەمەس.

ولاردىڭ ىشىندە: ە.بوزعۇلوۆ اتىنداعى №249 مەكتەپ-ليتسەيدىڭ 10-سىنىپ وقۋشىلارى - ايمەيىر ءابدراحىم،  گۇلزيرا قونىسباي (جەتەكشىسى گۇلفايرۋز ءالىشوۆا), ب.مەرگەنباەۆ اتىنداعى №226 مەكتەپ-گيمنازيانىڭ 6-سىنىپ وقۋشىلارى - عازيزا ايداربەكوۆا، ايا سەردالى (جەتەكشىسى مەيرامكۇل جولەكەش), №88 مەكتەپتىڭ 8-سىنىپ وقۋشىسى جازيرا نۇرقاش، 7-سىنىپ وقۋشىسى ايەركە تورەمۇرات (جەتەكشىسى سۇلتانعازى توماي) جانە تاعى باسقا وقۋشىلار قوبىلاندى باتىر جىرىن تۇگەلدەي جاتتاپ العان.

ايتا كەتەيىك،  «Qazaq Epos» رەسپۋبليكالىق اعارتۋ جوباسىنىڭ «تۇلپار ءمىنىپ، تۋ العان!» بايقاۋى قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» ماقالالارىندا قويىلعان مىندەتتەردى ىسكە اسىرۋ ماقساتىندا ۇيىمداستىرىلىپ وتىر.

قازىر بايقاۋعا جان-جاقتى دايىندىق جۇمىستارى جۇرگىزىلىپ جاتىر.

Abai.kz

0 پىكىر