باسىلىم مالىمەتى بويىنشا، تۇركىمەنتەلەكوم" كومپانياسىنىڭ لەباپ بولىمشەسىنىڭ ءبىر قىزمەتكەرى، سۋ شارۋاشىلىعىنىڭ جۇمىسشىسى جانە جەرگىلىكتى تۇرعىن ءۇي-كوممۋنالدىق شارۋاشىلىعىنىڭ جۇمىسشىسى ۇستالعان.
تۇركىمەنستان پرەزيدەنتى گۋربانگۇلى بەردىمۇحامەدوۆ قازاسى تۋرالى اقپارات جالعان ەكەنى رەسمي جوققا شىعارىلعان سوڭ، الەۋمەتتىك جەلىلەردە تۇركىمەن ەكستراداسى وكىلدەرىنىڭ جالعان اقپاراتقا سەنبەۋگە شاقىرعان ۇندەۋلەرى جاريالاندى. ولار جازبالارىن #duryalan (#سىبىستىتوقتات) حەشتەگىمەن جاريالاعان.
21 شىلدەدە وپپوزيتسيالىق "سۆوبودنىي تۋركمەنيستان" يۋتۋب-ارناسى "مەملەكەت باسشىسى 20 شىلدەدە قايتىس بولدى" دەپ حابارلاعان. پرەزيدەنت سوڭعى مارتە كوپشىلىك الدىنا 5 شىلدەدە شىقتى. 15 شىلدەدە پرەزيدەنتتىڭ ءباسپاسوز قىزمەتى مەملەكەت باسشىسىنىڭ دەمالىسقا شىققانىن حابارلاپ، ونىڭ نەمەرەلەرىمەن ويناپ جۇرگەنى تۇسىرىلگەن ۆيدەو جاريالادى.
"حرونيكي تۋركمەنيستانا" باسىلىمىنىڭ مالىمەتى بويىنشا، پرەزيدەنت ۇشاعىن گەرمانيادا 12 شىلدەدە كورگەن. حابارلارعا قاراعاندا، گەرمانياعا بەردىمۇحامەدوۆتىڭ اۋرۋ اناسىن جەتكىزگەن جانە مەملەكەت باسشىسىنىڭ كوپشىلىك الدىنا شىقپاۋىن ونىڭ اناسىنىڭ قاتتى اۋىرىپ قالۋىمەن تۇسىندىرگەن.
بەردىمۇحامەدوۆ 2007 جىلى تۇركىمەنستان پرەزيدەنتى قىزمەتىنە كىرىستى. ول قايتىس بولعان تۇركىمەنباشى ساپارمۇرات نيازوۆتىڭ ورنىنا كەلدى. ەلدە بەردىمۇحامەدوۆكە تابىنۋ باستالىپ، وعان اركاداگ اتاعى بەرىلگەن.
بيىل ماۋسىم ايىندا بەردىمۇحامەدوۆ 62 جاسقا تولدى. بۇل جولى ونىڭ تۋعان كۇنى، بۇعان دەيىنگى جىلدارعا قاراعاندا، ەرەكشە اتاپ ءوتىلدى. يمامدار مەن مينيسترلەر پرەزيدەنتتىڭ دەنساۋلىعى ءۇشىن دۇعا وقىعان.
