جۇما, 29 ناۋرىز 2024
ەل ءىشى... 5658 27 پىكىر 29 شىلدە, 2019 ساعات 12:45

سماتۋللا ابدىعاپپار بوستاندىققا شىقتى

"سوپىلار ءىسى" بويىنشا 14 جىلعا سوتتالعان سماتۋللا ابدىعاپپار بوستاندىققا شىقتى. بۇل تۋرالى عالىم دوساي تۇرسىنبايۇلى كەنجەتاي ءوزىنىڭ "Facebook" جەلىسىندەگى جەكە پاراقشاسىندا حابارلاپ ايتتى.

دوساي كەنجەتاي:

- ءبىرى كەلىپ، ءبىرى كەتىپ جاتقان دۇنيە. بىرەۋ بازارعا بارا جاتىر، ال بىرەۋلەر بازارى تارقاعان، قايتىپ بارادى. قۋ تىرلىك، قۇجىناعان. بىراق ءبىر ادىلەت ءتۇبى جەڭەدى ەكەن كەش تە بولسا...بۇگىن قاسيەتتى جۇما قارساڭىندا ءبىر باۋىرىم "سماتۋللا تاقسىردى اباقتىدان بوساتىپتى. كەزىندە ءسىز ول كىسى كۇناسىز دەپ جار سالىپ ەدىڭىز" دەپ ءسۇيىنشى سۇرادى.. يا ءسۇيىنشىڭ دايىن باۋىرىم... ول كىسىدەن بۇكىل ەل اتىنان كەشىرىم سۇرايمىن. وسىنشا ۋاقىت قيانات جاسادىق... بىراق وندا ەلگە دەگەن بيلىككە دەگەن رەنىش جوق. ءبارى اللادان دەپ بىلەدى. بارىنە ءوزىم كىنالى دەيدى. مىنە بۇل تازا سوپىلىق ءحال. امان بولسىن، ءتاڭىر ۇزاق عۇمىر بەرسىن!

مىنە سماتۋللا تاقسىر...توعىز جىل كورگەن قيانات، تارتقان ازاپ دىم دا اسەر ەتپەگەن. رۋحى اسقاق كەمەل جان. ماعان سوناۋ 1959-1969 جىلدارى يتجەككەنگە ايدالعان يشان ساتىبالديەۆ ەلەستەيدى. يشاننان كەلگەسىن ەندى اللانى ۇرانداتۋدى قويدىڭ با دەسە، جوق ول - اللا مەنىڭ بولمىسىم دەگەن ەكەن...

ەستەرىڭىزگە سالا كەتەيىك، سماتۋللا ابدىعاپپار 2011 جىلى سوتتالعان. ول تۇرمەدە تۇپ-تۋرا 8 جىل وتىردى. 2011 جىلى الماتىداعى مامانداندىرىلعان اۋدانارالىق سوتى سوپىلىق اعىمنىڭ جەتەكشىسى سماتۋللا ابدىعاپپاردى 14 جىلعا باس بوستاندىعىنان ايىرۋ جازاسىن تاعايىنداعان.

وعان ۇيىمداسقان قىلمىستىق توپ قۇرۋ، زاڭسىز مەديتسينالىق قىزمەتپەن اينالىسۋ، ەكسترەميزم سەكىلدى بىرقاتار ايىپتار تاعىلعان.

ءبىر جىلدارى زيالى قاۋىم وكىلدەرى سماتۋللا ابدىعاپارعا اراشا سۇراپ نۇرسۇلتان نازارباەۆقا اشىق حات تا جازعان. حات جازعانداردىڭ قاتارىندا شەرحان مۇرتازا، تۇرسىنبەك كاكىشەۆ، مەكەمتاس مىرزاحمەتوۆ، عابباس قابىشۇلى، قابدەش ءجۇمادىلوۆ، نەسىپبەك داۋتاەۆتار بولدى.

Abai.kz

27 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541