ەرجان باباقۇماروۆ پرەزيدەنت كەڭەسشىسى - پرەزيدەنت اكىمشىلىگىنىڭ تالداۋ جانە بولجامداۋ ورتالىعىنىڭ مەڭگەرۋشىسى قىزمەتىنەن بوساتىلدى.

بۇل تۋرالى اقوردانىڭ رەسمي سايتىندا حابارلاندى.

- مەملەكەت باسشىسىنىڭ وكىمىمەن ەرجان جالباقۇلى باباقۇماروۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتىنىڭ كەڭەسشىسى – قازاقستان رەسپۋبليكاسى پرەزيدەنتى اكىمشىلىگىنىڭ تالداۋ جانە بولجامداۋ ورتالىعىنىڭ مەڭگەرۋشىسى قىزمەتىنەن بوساتىلدى، - دەپ جازىلعان رەسمي مالىمدەمەدە.

ەرجان جالباقۇلى باباقۇماروۆ 1969 جىلى 2 ناۋرىزدا دۇنيەگە كەلگەن. قازاقستان رەسپۋبليكاسىنىڭ مەملەكەت جانە قوعام قايراتكەرى، قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىنىڭ ديرەكتورى، ساياساتتانۋشى، ساياسي عىلىمدار كانديداتى. قر ساياسي عىلىمدار اكادەمياسىنىڭ اكادەميگى.

ءال-فارابي اتىنداعى قازاق مەملەكەتتىك ۋنيۆەرسيتەتىن (1991) ساياسات تاريحىنىڭ وقىتۋشىسى ماماندىعى بويىنشا وقىعان. 2005-2006 جىلدارى پرەزيدەنت اكىمشىلىگىنىڭ تالداۋ جانە بولجامداۋ ورتالىعىنىڭ مەڭگەرۋشىسى قىزمەتىن اتقاردى. ال 2019 جىلدىڭ 5 ساۋىرىندە پرەزيدەنت كەڭەسشىسى بولىپ تاعايىندالدى.

Abai.kz