دۇيسەنبى, 19 ءساۋىر 2021
1216 0 پىكىر 5 ماۋسىم, 2019 ساعات 16:51

ەلىمىزدە بالالى جانۇيالاردى قولداۋ ءۇشىن ءار جىلى 500 ملرد. تەڭگە بولىنەدى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ەلىمىزدە انا مەن بالا ماسەلەسى مەملەكەت نازارىنان تىس قالعان ەمەس. بيىل دا كوپبالالى وتباسىلارعا مەملەكەت تاراپىنان كورسەتىلىپ وتىرعان قامقورلىق جەتكىلىكتى. ماسەلەن، اقپان ايىندا وتكەن “نۇروتان” پارتياسىنىڭ سەزىندە ەلباسى نۇرسۇلتان ءابىشۇلى نازارباەۆ كوپبالالى وتباسىنداعى ءار بالاعا 21 مىڭ تەڭگە تولەۋدى تاپسىرعان بولاتىن.

ەلباسى كەلتىرگەن مالىمەتكە سايكەس، قازىر قازاقستاندا كەمىندە 4 بالاسى بار 340 مىڭ مىڭنان استام وتباسى بار. ال، ءار جىلدا ەلىمىزدە بالالى جانۇيالاردى قولداۋ ماقساتىندا 500 ملرد. كولەمىندە قاراجات بولىنەدى. بىراق، ول وتباسىلاردىڭ تابىس تابۋ دەڭگەيى ءارتۇرلى. ياعني، ءبىرىنىڭ تابىسى كوپ، بىرىنىكى از. وسىنى ەسكەرە وتىرىپ، قولداۋ شارالارىن كەشەندى تۇردە جۇرگىزۋ قاجەتتىگىن ايتتى. دەمەك، مەملەكەت تاراپىنان قولداۋ ەڭ اۋەلى تابىسى از كوپبالالى وتباسىلارعا بەرىلۋى كەرەك.

ەلباسىنىڭ ايتۋىنشا، كوپبالالى وتباسىنداعى ءار بالاعا 21 مىڭ تەڭگە تولەنۋى ءتيىس.

ال، اتالعان جاردەماقى تولەنەر كەزدە حالىقتى قۇجات جيناۋمەن ءارى-بەرى سارىلتىپ قويۋعا دا بولمايدى. جانە، 21 مىڭ تولەنەتىن جانۇيالاردىڭ كىرىسىن ەسەپتەگەندە، باسقا الەۋمەتتىك كومەك اقشالارىن ساناۋدىڭ قاجەتى جوق ەكەنىن ەسكەرتتى.

مەملەكەت باسشىسىنىڭ وسى تاپسىرماسىنا سوڭ، ءار جەردە ىرگەلى جۇمىستار اتقارىلىپ جاتىر. ماسەلەن، ەلوردانىڭ ىرگەسىندەگى كوكشەتاۋ قالاسىندا كوپبالالى وتباسىلار مەن الەۋمەتتىك از قامتىلعان جانۇيالارعا، جانە اتا-اناسىنان ايىرىلعان بالالارعا 70 پاتەر بەرىلدى.

اتالعان شاراداعى پاتەر كىلتتەرىن تاپسىرۋعا  اقمولا وبلىسىنىڭ اكىمى ەرمەك مارجىقپاەۆ قاتىستى. بۇل بەرىلگەن باسپانالار ەلباسىنىڭ “نۇرلى جەر” باعدارلاماسى بويىنشا سالىنعان. ول تۇرعىن ۇيگە يە بولعانداردىڭ باسىم كوپشىلىگى الەۋمەتتىك جاعىنان از قامتىلعان، جەتىم جانە كوپبالالى وتباسىلار.

ءوڭىر باسشىسىنىڭ ايتۋىنشا، ءوڭىر تۇرعىندارىن، اسىرەسە الەۋمەتتىك جاعىنان از قامتىلعان وتباسىلاردى قولداۋ ايرىقشا جولعا قويىلعان. ال، ەلباسىنىڭ الەۋمەتتىك باعدارلامالارى بويىنشا ۇلكەن جۇمىستار اتقارىلىپ جاتقان كورىنەدى.

ال، باسپاناعا قول جەتكىزگەن، 10 بالانىڭ اناسى سۆەتلانا سادۋاقاسوۆانىڭ ايتۋىنشا، قانداي پاتەردە تۇرساڭ دا، ءوز باساپاناڭنىڭ بولعانىنا ەشنارسە جەتپەيدى.

-مەن ون بالانىڭ اناسىمىن. ءۇي كەزەگىندە تۇرعانىما ون ءتورت جىل بولدى. پاتەر جالداپ تۇرعاندا ءارتۇرلى قيىندىقتار بولادى. كەيبىرەۋلەرگە اقشاسىن تولەپ تۇرساڭدا، كوڭىل-كۇيىنە قاراپ جۇرۋگە تۋرا كەلەدى. ال، قازىر ءوز ءۇيىم بار. مۇنداي قۋانىشتى جاعدايىمدى سوزبەن ايتىپ جەتكىزە المايمىن. ەندى بارشا ەلىمىزدىڭ تۇرعىندارىنا وسىنداي قۋانىشتھقا جەتۋىنە تىلەكشىمىن!،- دەيدى كوپبالالى انا.

قازىرگى تاڭدا كوكشەتاۋ قالاسىندا كوپبالالى ەكى مىڭنان استام جانۇيا بار. ولاردىڭ ءتورت جۇزگە جۋىعى باسپانا الۋ كەزەگىندە تۇر. بيىل، وڭىردەگى وسى ماسەلەنى شەشۋ ءۇشىن 470 پاتەر سالۋ جوسپارلانىپ وتىر. ول پاتەرلەردىڭ باسىم بولىگى “تۇرعىن ءۇي قۇرىلىس جيناق بانكى” ارقىلى جۇزەگە اسادى.

ال، وسى ۋاقىتقا دەيىن قوعامداعى كوپبالاى انالاردىڭ جايىنا الاڭداعان بيلىك وكىلدەرى ءوز ۇسىنىستارى مەن شەشۋ جولدارىن ۇنەمى ايتىپ كەلەدى. ولاردىڭ قاتارىندا “نۇروتان” پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ تا بار.

ماۋلەن ساعاتحانۇلىنىڭ ايتۋىنشا، بۇگىندە مەملەكەتتىك بيۋدجەتتەن جانە الەۋمەتتىك ساقتاندىرۋ قورى ارقىلى بالالى جانۇيالاردى قولداۋ ءۇشىن بىلتىرعى جىلى 311 ميلليارد تەڭگە جۇمسالعان. سونداي-اق، تەك الەۋمەتتىك تولەمدەر ارقىلى عانا ەمەس، جەرگىلىكتى بيلىك تاراپىنان دا وتباسىلاردىڭ الەۋمەتتىك جاعدايىنا ۇلكەن قولداۋ بار ەكەنىن ايتقان بولاتىن.

تاعى ءبىر ايتا كەتەرلىگى - ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى حالىققا ۇندەۋىنىڭ العاشقى باستاماسىندا ەلدىڭ الەۋمەتتىك ماسەلەسىن شەشۋدىڭ ناقتى جولدارى مەن تەتىكتەرىن انىقتاپ كورسەتىپ بەرگەن بولاتىن. ەندى وسى باعىت بويىنشا ەلدىڭ الەۋمەتتىك دامۋى ءۇشىن ىرگەلى جۇمىستار اتقارىلۋى ءتيىس.

Abai.kz

0 پىكىر