سەنبى, 28 قاڭتار 2023
انىق-قانىعى 3462 20 پىكىر 3 شىلدە, 2019 ساعات 19:25

قوستانايدا جالعىز ەمەس، 6 قازاق مەكتەبى بار

26 ماۋسىم كۇنى Abai.kz اقپاراتتىق پورتالىنا "قوستانايدىڭ ورتالىعىنداعى جالعىز قازاق باستاۋىش مەكتەبى شالعايعا كوشىرىلەدى" اتتى ماقالا جاريالانعان ەدى. ول ماقالادا "جالعىز قازاق مەكتەبى دەپ ەمەس، جالعىز قازاق باستاۋىش مەكتەبى" دەپ انىق جازىلعان جانە ول مەكتەپتىڭ قالانىڭ شالعاي اۋدانىنا كوشىرۋگە قارسىلىق بىلدىرىلگەن. سول ماقالاعا قاتىستى ايتىسكەر اقىن ءاسيا بەركەنوۆا ءوز پىكىرىن بىلدىرگەن ەكەن. قر پرەزيدەنتى قاسىم-جومارت توقاەۆتىڭ ءوزى نازار اۋدارىپ وتىرعان ماسەلەدە بىرجاقتى كوزقاراس بولماۋى ءۇشىن اتالمىش ماقالانىڭ ءبىر ءارپىن دە وزگەرتپەي وقىرمان نازارىنا ۇسىنىپ وتىرمىز.  

رەداكتسيادان

«قوستانايداعى جالعىز قازاق مەكتەبىن جابايىن دەپ جاتىر» دەگەن داقپىرتقا ءوز پىكىرىمدى قوسپاقپىن. وتىرىكتەن باستاۋ العان جالعاندىقتىڭ تامىرى تەرەڭ بولماس. بىرىنشىدەن، قوستاناي قالاسىندا 6 قازاق مەكتەبى، 10 ارالاس ءتىلدى مەكتەپ بار.

ماقالا يەسى ايتىپ وتىرعان 24 باستاۋىش مەكتەپ توقسانىنشى جىلداردىڭ ورتاسىندا əيتەۋىر ءبىر قازاق مەكتەبىن اشىپ الايىق دەگەن ماقساتپەن بالاباقشا عيماراتىندا اشىلدى. سول اشىلعان سəتتە بىردەن بۇل ۋاقىتشا مەكتەپ ەكەنى، مۇندا سپورت زالى، اكت زالى جوق، مەكتەپكە يكەمدەلمەگەنى ءسوز بولدى. سول ۋاقىتشا دەگەن مەرزىم وتكەلى قاشان.

وسى 24 مەكتەپتە ءۇش جۇزدەي بالا وقۋعا ءتيىس بولسا، قازىر التى جۇزگە تاياۋ بالا ءيىن تىرەسىپ ، 20 بالانىڭ ورنىنا 30-دان ارتىق وقۋشى ءبىر سىنىپتا وتىرادى.

قالا باسشىسى تاعى دا تولىققاندى جالپى ءبىلىم بەرەتىن قازاق مەكتەبىن اشۋدى قولعا الا وتىرىپ، 24 مەكتەپتى جانە باسقا دا ارالاس مەكتەپتەردەگى قازاق سىنىپتارىن بىرىكتىرىپ، كەڭ عيماراتقا كوشىرىپ، تازا مەملەكەتتىك تىلدە ءبىلىم بەرەتىن مەكتەپتى اشپاق.

ال س.مəۋلەنوۆ ات. گيمنازيا تۋرالى ەش əڭگىمە جوق. مەن جاڭا مەكتەپ تۋرالى مəسەلەنى تالقىلاۋعا قاتىسقانمىن. انىعىن بىلگەن سوڭ ايتىپ وتىرمىن.

يگىلىكتى ءىستى يتەرمەي، يكەمدەپ، پرەزيدەنتتىڭ əۋەلى مەملەكەتتىك ءتىلدى مەڭگەرىپ، ۇلتجاندى، ءدəستۇرىن دəرىپتەيتىن، سالتىن ساقتايتىن، ەڭ باستىسى ءتىلىن جەتىك بىلەتىن ۇرپاق تəربيەلەۋ ءۇشىن تىلدىك ورتا، ۇلتتىق تəربيە كەرەك ەكەنىن ويلاعان قازاق قولداۋ كەرەك دەيمىن.

ءاسيا بەركەنوۆا

Abai.kz

20 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3107
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1899