29 ماۋسىمدا اتىراۋ وبلىسىنداعى ۆاحتالىق اۋىلدا Cسەر جۇمىسشىلارىنىڭ قاتىسۋىمەن جاپپاي تارتىپسىزدىك ورىن الدى. وعان كەمىندە 15 مىڭ جۇمىسشى قاتىسقان. Cسەر كەنىشتى وڭدەپ، مۇناي وندىرەتىن زاۋىت سالىپ جاتقان "تەڭىزشەۆرويل" مۇناي كومپانياسىنىڭ مەردىگەرى.
Cسەر باسشىسىنىڭ حالىقتان كەشىرىم سۇراعان ۆيدەوۇندەۋى Instagram-داعى zello_atyrau پاراقشاسىندا جارىق كوردى.
"قولىمدى جۇرەگىمە قويىپ، كومپانيا قازاق باۋىرلارعا ۇلكەن قۇرمەتپەن قارايتىنىن ايتقىم كەلەدى. بولعان جاعدايعا بايلانىستى تاعى دا كەشىرىم سۇرايمىن", – دەيدى توپ-مەنەدجەر.
اتىراۋ وبلىسى اكىمدىگى باسىندا جانجالعا WhatsApp مەسسەندجەرىندە تاراعان سۋرەت تۇرتكى بولعانىن ايتقان. سۋرەتتە كومپانيادا جۇمىس ىستەيتىن ليۆيا ازاماتى قولىنا راتسيا ۇستاپ، ونىڭ ۇشىن جانىندا تۇرعان جەرگىلىكتى جۇمىسشى قىزعا باعىتتاپ تۇرعان. جەرگىلىكتى جۇمىسشىلار "سۋرەت - قىزدىڭ ار-نامىسىن تاپتاۋ" دەپ ەسەپتەگەن.
كەيىن اتىراۋ وبلىسى اكىمى نۇرلان نوعاەۆ "تەڭىزشەۆرويل" كومپانياسى جەتەكشىلەرىمەن وتكەن جينالىستا "جەرگىلىكتى جانە شەتەلدىك جۇمىسشىلارعا جاسالعان جاعداي ءارتۇرلى بولعاندىقتان جانجال شىققان. بۇل ماسەلەنى تشو باسشىلىعى جۇيەلى تۇردە شەشۋى ءتيىس" دەگەن.
تشو دەرەگىنشە، وقيعا كەزىندە شامامەن 40 ادام "ازداپ جاراقاتتانعان".
تەڭىز كەنىشى قۇلسارىدان - 120 شاقىرىم، اتىراۋدان 340 شاقىرىم جەردە ورنالاسقان.
"تەڭىزشەۆرويل" مۇناي وڭدەۋ كونتسەرنىنە Chevron, ExxonMobil Kazakhstan Ventures Inc, قازاقستاندىق "قازمۇنايگاز" جانە LUKArco كومپانياسى كىرەدى. "تەڭىزشەۆرويل" قازاقستاندا 1993 جىلدان بەرى ىستەيدى.
Abai.kz
