جۇما, 29 ناۋرىز 2024
3051 1 پىكىر 1 شىلدە, 2019 ساعات 10:48

دونالد ترامپ جانە كيم چەن ىن كورەيا شەكاراسىندا كەزدەستى

30 ماۋسىمدا اقش پرەزيدەنتى دونالد ترامپ جانە سولتۇستىك كورەيا باسشىسى كيم چەن ىن سولتۇستىك جانە وڭتۇستىك كورەيا شەكارالارىنىڭ تۇيىسكەن تۇسىندا ورنالاسقان دەميليتاريزاتسيا ايماعىندا كەزدەستى.

ترامپ كيممەن بىرگە سولتۇستىك كورەيا شەكاراسىنان ەلدىڭ ىشكى اۋماعىنا قاراي بىرنەشە قادام جاساعان. ول وسىلايشا سولتۇستىك كورەيا اۋماعىنا كىرگەن العاشقى اقش پرەزيدەنتى اتانعان. ترامپ مۇنى "زور قۇرمەتكە" تەڭەگەن.

كەزدەسۋدىڭ بۇكىل الەم ءۇشىن ماڭىزىن اتاپ وتكەن ترامپ سولتۇستىك كورەيا جەتەكشىسىمەن ارادا "ۇلكەن دوستىق ورناعانىن" ايتقان. ول كيم چەن ىندى ۆاشينگتونعا شاقىرعان.

ال سولتۇستىك كورەيا باسشىسى ترامپتى پحەنيانعا بارسا، قۋانا قارسى الاتىنىن جەتكىزگەن. كەزدەسۋدەن سوڭ ەكى ەل جەتەكشىلەرى وڭتۇستىك كورەيا جاعىندا كەلىسسوز وتكىزگەن. كەزدەسۋدىڭ بەلگىلى ءبىر بولىگىندە اڭگىمەگە وڭتۇستىك كورەيا پرەزيدەنتى مۋن چجە ين دە قوسىلعان.

كەزدەسۋ ەكى ساعاتقا سوزىلعان. سوڭىندا اقش پرەزيدەنتى تاراپتار يادرولىق ماسەلە بويىنشا ەكىجاقتى كەلىسسوزدەردى جانداندىرۋعا كەلىسكەنىن ايتقان.

ترامپ پەن كيم وسىمەن ءۇشىنشى رەت كەزدەسىپ وتىر. امەريكا پرەزيدەنتى سولتۇستىك كورەيا باسشىسىنا جاقىندا عانا شاقىرۋ جولداپ، Twitter-دە "شەكارادا كەزدەسىپ، قول الىسا الساق جاقسى بولار ەدى" دەپ جازعان. ترامپتىڭ ايتۋىنشا، بۇعان دەيىن كيم چەن ىننىڭ ءوزى دە مۇنداي كەزدەسۋدىڭ پايدالى بولارىن ايتىپ، كەلىسسوزگە نيەت بىلدىرگەن.

امەريكا تارابى كەزدەسۋ كورەي تۇبەگىن يادرولىق قارۋسىزداندىرۋ بويىنشا ەكى ەل اراسىنداعى كەلىسسوزدى جانداندىرۋعا كومەكتەسۋى مۇمكىن دەپ ۇمىتتەنەدى. ءتورت اي بۇرىن حانويدا بولعان اقش-سولتۇستىك كورەيا سامميتىندە ەكى ەل باسشىلارى اراسىنداعى كەلىسسوز ءساتسىز اياقتالعان ەدى. بىراق ترامپ ءالى دە كيم چەن ىنمەن قارىم-قاتىناسى جاقسى ەكەنىن، "ەگەر ول پرەزيدەنت بولماعاندا كورەي تۇبەگى سوعىس وشاعىنا اينالار ەدى" دەپ ايتىپ كەلەدى. ولاردىڭ ەڭ العاشقى كەزدەسى وتكەن جىلى ماۋسىم ايىندا سينگاپۋردا وتكەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535