بەيسەنبى, 28 ناۋرىز 2024
2555 0 پىكىر 27 ماۋسىم, 2019 ساعات 11:49

سىر ءوڭىرى اۋىز سۋمەن قامتۋ بويىنشا الدا كەلەدى

وڭىرلەردى اۋىز سۋمەن قامتۋ ماسەلەسىن شەشۋدە سىر ءوڭىرى رەسپۋبليكا بويىنشا ەكىنشى ورىندا. مۇندا ايماقتى اۋىز سۋمەن قامتۋدىڭ بىرىڭعاي وپەراتورى قۇرىلعان. ايتا كەتەرلىگى، مۇنداي بىرىڭعاي وپەراتور ازىرگە تەك قىزىلوردا وبلىسىندا عانا بار.

كەشە ۇكىمەت وتىرىسىندا قر پرەمەر-ءمينيسترى اسقار مامين اۋىلدىق ەلدى مەكەندەردى اۋىز سۋمەن قامتاماسىز ەتۋ بويىنشا الماتى وبلىسى مەن قىزىلوردا وبلىسى اكىمدىكتەرىنىڭ تاجىريبەسىن ايتتى.

– اۋىز سۋمەن قامتاماسىز ەتۋدە جوعارى ناتيجە كورسەتكەن اكىمدىكتەردىڭ جۇمىسىن اتاپ وتكەن ءجون. بۇل باعىتتا الماتى وبلىسى – 89, قىزىلوردا وبلىسى 83 پروتسەنت كورسەتكىشكە قول جەتكىزدى، – دەدى ۇكىمەت باسشىسى.

ال، وڭىردەگى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مەدەت ۋسايننىڭ ايتۋىنشا، سىر ايماعىنىڭ تۇرعىندارىن ورتالىقتاندىرىلعان اۋىز سۋمەن قامتۋ جۇيەلى جولعا قويىلعان.

-2017 جىلدىڭ ماۋسىم ايىنا دەيىن وبلىستا وقشاۋ اۋىز سۋ جۇيەسىن پايدالاناتىن 10 مەكەمە جۇمىس ىستەدى. الايدا بۇل مەكەمەلەر تۇتىنۋشىلاردى اۋىز سۋمەن ۇزدىكسىز قامتاماسىز ەتە المادى. جەرگىلىكتى جەردە كاسىبي مامانداردىڭ تاپشىلىعى، ماتەريالدىق-تەحنيكالىق بازانىڭ السىزدىگى، ارنايى تەحنيكالارىنىڭ بولماۋى، تومەن جانە ءارتۇرلى تاريف جۇمىس جۇيەسىنە اسەر ەتتى. سوندىقتان «قازسۋشار» مەكەمەسى «ارال» فيليالىنىڭ ماتەريالدىق-تەحنيكالىق الەۋەتىن پايدالانۋ ءۇشىن، اۋداندارداعى لوكالدى سۋ بەرۋشى مەكەمەلەردى فيليال تەڭگەرىمىنە بەرىپ، رەسپۋبليكادا العاش بولىپ وڭىردە بىرىڭعاي وپەراتور قۇرىلدى، – دەدى م.ۋساين.

قازىر بىرىڭعاي وپەراتور قۇرۋ ناتيجەسىندە قىزىلورلا وبلىسىندا تاۋلىك بويى سۋ الاتىن اۋىلدىق ەلدى مەكەندەر سانى 88 دەن 145 كە دەيىن كوبەيگەن. سونىمەن قاتار، وقشاۋ (لوكالدى) سۋ پايدالانۋشىلارعا بىرىڭعاي تاريف (386,95 تەڭگە/م3) بولىپ بەكىتىلدى. جانە، سالانىڭ ماتەريالدىق-تەحنيكالىق بازاسى جاقسارىپ، ەڭ باستىسى، تۇتىنۋشىلاردان تۇسەتىن ارىز-شاعىم ازايعان.

ايتا كەتەيىك، بۇگىندە سىر وڭىرىندە 235 ەلدى مەكەن بار. ونىڭ 232 ءسى اۋىلدىق ەلدى مەكەن بولسا، ۇشەۋى قىزىلوردا، ارال، قازالى سىندى قالالار. اتالعان قالا حالقىنىڭ 98 پايىزى ورتالىقتاندىرىلعان سۋ جۇيەسىنە قوسىلعان. ال، اۋىلدىق ەلدى مەكەندەردىڭ 83 پروتسەنتى توپتىق سۋ قۇبىرلارى جانە سۋ تاراتۋ جۇيەسى بار سكۆاجينالار ارقىلى ورتالىقتاندىرىلعان سۋ جۇيەسىنە قوسىلعان. ناتيجەسىندە 427,8 مىڭ ادامدى نەمەسە اۋىلداعى حالىقتىڭ 97 پروتسەنتى اۋىز سۋمەن  قامتاماسىز ەتىلىپ وتىر. سونىمەن قاتار، 39 ەلدى مەكەن نەمەسە 16,8% سۋدى ورتالىقتاندىرىلماعان جۇيەدەن، ياعني، وقشاۋ سكۆاجينالار، قۇدىقتار، تاسىمال ارقىلى  تۇتىنۋدا.

باسقارما باسشىسىنىڭ ايتۋىنشا، جالپى  حالقى از اۋىلدارعا سۋ جۇيەسىن سالۋ ەكونوميكالىق تۇرعىدان ءتيىمسىز بولاتىن كورىنەدى.

ال، جۋىردا وبلىستىڭ الەۋمەتتىك-ەكونوميكالىق دامۋىنىڭ 2019-2022 جىلدارعا ارنالعان كەشەندى جوس­پارى بەكىتىلگەن بولاتىن. وندا الەۋمەتتىك ماڭىزى بار جالپى قۇنى 29 ملرد تەڭگەنى قۇرايتىن سۋمەن جابدىقتاۋ جانە سۋ بۇرۋدىڭ 14 جوباسى ەنگىزىلگەن. ەگەر اتالمىش جوبا ىسكە اسسا، 111 مىڭ ادام ساپالى اۋىز سۋمەن قامتىلاتىن بولادى. جوباعا سايكەس، بيىل  3 جوبا – 8 مىڭ ادامدى، 2020 جىلى 4 جوبا – 2 مىڭ ادام; 2022 جىلى 5 جوبا – 101 مىڭ ادامدى قامتىماق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522