ىشكى ىستەر ءمينيسترى ەرلان تۇرعىمباەۆ ۇكىمەت وتىرىسىندا ارىس قالاسىنىڭ تولىعىمەن قورشاۋعا الىنعانىن، ادامداردىڭ ومىرىنە ناقتى قاۋىپ تونگەندىكتەن ول جاققا ەشكىمدى كىرگىزبەي جاتقاندارىن ايتتى.

ءمينيستردىڭ ايتۋىنشا، قالا كوشەلەرىندە وق-ءدارى قويمالارىنان ۇشىپ كەتكەن، جارىلماعان سناريادتار جاتقانىن ءتۇسىندىردى. قالا وسىعان بايلانىستى قورشاۋعا الىنعان.

"قالادا توناۋ فاكتىلەرى بولماس ءۇشىن 75 اۆتوكولىكتىك جانە جاياۋ پاترۋلدەر جۇمىس ىستەپ جاتىر", - دەدى تۇرعىمباەۆ.

سونداي-اق، مينيستر بۇگىن ساپەرلەر جۇمىسقا كىرىسكەنىن العا تارتتى.

ونىڭ سوزىنشە، قازىرگى ۋاقىتتا قىلمىستىق ءىس قوزعالعان. الايدا، توتەنشە جاعدايدىڭ سەبەپتەرى تۋرالى ايتۋ ەرتە، سەبەبى قويمالار ءالى تۇگەل قارالماعان.

Abai.kz