جۇما, 29 ناۋرىز 2024
2947 2 پىكىر 25 ماۋسىم, 2019 ساعات 10:44

ارىستاعى اپاتتان ەكى ادام قازا تاپتى

بۇل تۋرالى قر پرەمەر-ءمينيسترى اسقار مامين بۇگىن ۇكىمەت وتىرىسىندا مالىمدەدى. 

"مەملەكەت باسشىسى ارىس قالاسىنداعى وقيعا ورنىنا باردى. قاسىم-جومارت توقاەۆ تاپسىرما بەردى. ءتيىستى شارالار ۇيىمداستىرىلىپ، ارىس تۇرعىندارى قاۋىپسىز ايماققا كوشىرىلدى. وكىنىشكە وراي، قازا بولعاندار بار: ءبىر ازامات جانە ءبىر اسكەري قىزمەتشى. تۋعان-تۋىستارىنا شىن جۇرەكتەن كوڭىل ايتامىن. زارداپ شەككەندەرگە مەديتسينالىق كومەك كورسەتىلەدى", - دەدى پرەمەر-مينيستر.

اقپارات قۇرالدارىنىڭ حابارلاۋىنشا، قازا بولعانداردىڭ ءبىرى ارىس قالاسىنىڭ تۇرعىنى ەكەن. سنارياد ونىڭ كولىگىنە تۇسكەن. جارىلىس سالدارىنان اۋىر جاراقات الىپ، كوز جۇمعان.

قايتىس بولعان ەكىنشى ازامات قر قورعانىس مينيسترلىگىندە كەلىسىمشارت بويىنشا قىزمەت ەتىپ جۇرگەن اسكەري قىزمەتشى ەكەن. ىزدەۋ جۇمىستارى جۇرگىزىلگەن. ونىڭ دەنەسى اسكەري بولىمشەنىڭ جانىنان تابىلعان.

ەستەرىڭىزگە سالا كەتەيىك، 24 ماۋسىم تاڭعى ساعات 9:20-دا ارىس قالاسىنىڭ ماڭىنداعى اسكەري قويمادا ءورت شىعىپ، ارتىنشا جارىلىس بولعان. قالا تۇرعىندارى باسپانالارىن تاستاپ، قالادان شىعىپ كەتىپ جاتتى. كەيىن قالا تولىقتاي ەۆاكۋاتسيالاندى.

كەشە وقيعا ورنىنا مەملەكەت باسشىسى قاسىم-جومارت توقاەۆ باردى. قر قورعانىس مينيسترلىگى، قر ىشكى ىستەر مينيسترلىگى مەن تۇركىستان وبلىستىق اكىمدىگىنىڭ قىزمەتكەرلەرى جۇمىلدىرىلعان.

ارىس قالاسىندا بولعان جاعدايعا بايلانىستى شىمكەنت قالاسى تج دەپارتامەنتىندە "قاۋىرت جەلىسى" جۇمىس ىستەيدى. 8 (7252) 44-94-72.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616