جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118004. قايتىس بولعاندار — 1990
1811 1 پىكىر 24 ماۋسىم, 2019 ساعات 22:38

قحا: ارىس قالاسىنان كوشىرىلگەندەرگە كومەك كورسەتۋ اكتسياسىن باستادى

قازاقستان حالقى اسسامبلەياسى تۇركىستان وبلىسىنىڭ ارىس قالاسىنان كوشىرىلگەندەرگە كومەك كورسەتۋ اكتسياسىن باستادى.

شىمكەنت قالاسىندا تۇركىستان وبلىسىنىڭ دوستىق ءۇيى بازاسىندا زارداپ شەككەندەر ءۇشىن كومەك جيناۋ ورتالىعى اشىلادى.

قازاقستان حالقى اسسامبلەياسىنىڭ ۇيلەستىرۋ شتابى قۇرىلدى، ونىڭ ۇيلەستىرۋشىسى شىمكەنت قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى مۇراتالي ورازالىۇلى قالمۇراتوۆ, بىرلەسە ۇيلەستىرۋشى تۇركىستان وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى عاني قۇرماشۇلى رىسبەكوۆ بولدى.

اكتسياعا «دۋستليك» قازاقستان رەسپۋبليكاسىنىڭ وزبەك ەتنومادەني بىرلەستىكتەرىنىڭ قاۋىمداستىعى", "ازەربايدجاندىقتار قاۋىمداستىعى»، «احىسكا» تۇرىك ەتنومادەني ورتالىعى»، «قازاقستان كارىستەرى قاۋىمداستىعى» جانە باسقا دا رەسپۋبليكالىق جانە وڭىرلىك ەتنومادەني بىرلەستىكتەر قوسىلدى.

ادامداردى ەۆاكۋاتسيالاۋ ءۇشىن كولىكپەن قامتاماسىز ەتۋگە كومەك كورسەتىلۋدە.

قازىرگى كەزدە قاجەتتى گۋمانيتارلىق كومەك قۇرامىنا: ازىق-تۇلىك، سۋ، شىرىندار، بالالار تاعامى، ەڭ الدىمەن قاجەت بولاتىن زاتتار كىرەدى.

بارلىق قازاقستاندىقتاردى، جاستاردى، ەرىكتىلەردى تەحنوگەندىك اۆاريادان زارداپ شەككەن ادامدارعا كومەك كورسەتۋگە شاقىرامىز.

ءبىزدىڭ وتانداستارىمىز ءسىز بەن ءبىزدىڭ قولداۋىمىزعا مۇقتاج!

گۋمانيتارلىق كومەكتى قابىلداۋ ورتالىعىنىڭ مەكەن-جايى: تۇركىستان وبلىسىنىڭ دوستىق ءۇيى، شىمكەنت قالاسى، جەلتوقسان كوشەسى، № 9/3 ءۇي.

جۇمىس ىستەيتىن ۋاقىتى: 24-25 ماۋسىمدا تاۋلىك بويى، 26 ماۋسىمنان باستاپ ساع.9.00-دەن 19.00-گە دەيىن.

قوسىمشا اقپاراتتى مىنا تەلەفون ارقىلى الۋعا بولادى: + 7 (7252) 21-35-40.

Abai.kz

1 پىكىر