تۇركىستان وبلىسىنىڭ اكىمى ومىرزاق شوكەەۆ تۇرعىنداردى سابىرلى بولۋعا شاقىردى. وبلىس وكىمى قالادا تولىق ەۆاكۋاتسيا جۇمىستارى جۇرگىزىلىپ جاتقانىن مالىمدەدى.

"اۋدان اكىمدەرىنە تۇرعىنداردى ەۆاكۋاتسيالاۋعا جاعداي جاساۋ جونىندە تاپسىرما بەرىلدى. ولار سول ماسەلەنى شەشەدى. بارلىق اۋداندار جۇمىسقا اتسالىسۋدا. بارلىق باعىتتا كولوننالار ءجۇرىپ، ادامداردى جينايدى. اۋدان اكىمدەرى تۇرعىنداردى ورنالاستىرۋمەن اينالىسادى", - دەدى شوكەەۆ.

ايتا كەتەتىن جايت، ارىس قالاسىنىڭ جۇرتشىلىعىنا كومەكتەسۋگە شىمكەنتتەن ادامدار اتتانعان. قالا تۇرعىندارى وزدەرىمەن بىرگە سۋ مەن ازىق-تۇلىك اپارا جاتىر.

ەسكە سالا كەتەيىك، بۇگىن، 24 ماۋسىم كۇنى تاڭعى ساعات 09:20-دا ارىستا ورنالاسقان اسكەري بولىمشەدەگى قويمادا جارىلىس بولدى.

بۇل جاعداي قالا تۇرعىندارىن دۇرلىكتىرىپ، زارەسى ۇشقان تۇرعىندار جاپپاي قالادان كەتە باستادى.

قورعانىس مينيسترلىگى زارداپ شەككەندەر جوق ەكەنىن مالىمدەدى.

سونداي-اق، قاسىم-جومارت توقاەۆ قورعانىس، ىشكى ىستەر مينيسترلىكتەرىنە جانە تۇركىستان وبلىسى اكىمىنە جارىلىس زارداپتارىن جويۋدى تاپسىردى.

ورىن العان توتەنشە جاعدايعا بايلانىستى ورداباسى اۋدانىندا ارنايى مەديتسينالىق شتاب قۇرىلدى.

دەرەككوز: Nur.kz