جۇما, 29 ناۋرىز 2024
شۇعىل! 5999 11 پىكىر 24 ماۋسىم, 2019 ساعات 11:11

ارىستا جويقىن جارىلىس بولدى: ۆيدەو مەن فوتو

تۇركىستان وبلىسىنداعى ارىس قالاسىندا جارىلىس بولدى.

"بۇگىن، 9.20-دا ءورتسوندىرۋ قىزمەتىنىڭ پۋلتىنە تۇركىستان وبلىسى ارىس قالاسىنداعى اسكەري ءبولىم تەرريتورياسىندا قويمادا جارىلىس بولىپ، ارتىنشا ءورت شىققانى جايلى حابار ءتۇستى. وقيعا ورنىنا تۇركىستان وبلىسى تجد جەكە قۇرامىنىڭ 30 ادامى مەن 8 دانا تەحنيكاسى تارتىلدى", - دەپ حابارلادى ءىىم تجك وكىلدەرى.

قورعانىس مينيسترلىگىنىڭ ءباسپاسوز قىزمەتى 24 ماۋسىمىندا تۇركىستان وبلىسى ارىس ەلدى مەكەنىنىڭ جانىندا ورنالاسقان قر قك-ءنىڭ قارۋ-جاراق قويماسىنىڭ بىرىندە وق-دارىلەر جارىلىپ، ارتى ورتكە ۇلاستىقانىن دا حابارلادى.

مينيسترلىكتىڭ حابارلاۋىنشا قازىرگى ۋاقىتتا زارداپ شەككەندەر جوق. وقيعانىڭ ءمان-جايى مەن سەبەپتەرى انىقتالۋدا. قورعانىس مينيسترلىگىنىڭ باسشىلىعى اتىنان وقيعا ورنىنا ارنايى قۇرىلعان كوميسسيا جىبەرىلدى. قارۋلى كۇشتەرىندەگى جەكە قۇرامنىڭ كۇشتەرىمەن وقيعانىڭ سالدارىن جويۋ ءىس-شارالارى ۇيىمداستىرىلىپ جاتىر.

ال، الەۋمەتتىك جەلىلەردە حالىقتىڭ جاپپاي قالانى تاستاپ قاشىپ جاتقانى تۋرالى بەينە-جازبالار تاراۋدا.

الەۋمەتتىك جەلى قولدانۋشىلارى جارىلىس بولعان ءساتتىڭ ۆيدەوسىن جەلىگە جۇكتەپ جاتىر.

Dudoser instagram-پابليگىندە كۋاگەرلەردىڭ جارىلىس بولعان ءساتتىڭ ۆيدەوسى جاريالانعان.

قازىر وقيعانىڭ ءمان-جايى انىقتالىپ جاتىر.

تۇركىستان وبلىسىنىڭ ارىس قالاسىندا ورىن العان جاعدايعا بايلانىستى شىمكەنت قالاسى تج دەپارتامەنتىندە «قاۋىرت جەلىسى» جۇمىس جاسايدى. تاۋلىك بويى 8/7252/44-94-72 نەمەسە 8/7252/35-33-66 تەلەفون ءنومىرى بويىنشا ءسىز قاجەتتى اقپاراتتى الا الاسىزدار.

سوڭعى مالىمەتتەرگە سۇيەنسەك، ارىستاعى جارىلىستان زارداپ شەككەندەردىڭ قاراسى كوبەيىپ كەلەدى. ءدال قازىرگى ۋاقىتتا شىمكەنت قالالىق №1 اۋرۋحاناعا جالپى سانى 21 ادام تۇسكەن.

ونىڭ ىشىندە بەسەۋى 6 جاسقا تولماعان بالالار. ولاردى وبلىستىق بالالار اۋرۋحاناسىنا جونەلتتى. 4 بالا قازىر اتالعان اۋرۋحانادا. قالعاندارىن وبلىستىق اۋرۋحاناعا اكەتىپ جاتىر.

شىمكەنت قالالىق №1  اۋرۋحانانىڭ باس دارىگەرى ابىلاي دونبايدىڭ ايتۋىنشا، زارداپ شەككەندەردىڭ ۇشەۋى اۋىر جاعدايدا.

«ادامدار قازىردىڭ وزىندە كەلىپ جاتىر، ولاردى قابىلدايمىز جانە دەرەۋ قاجەتتى كومەك كورسەتەمىز. ءبىز زارداپ شەككەندەردى قابىلداۋعا دايىنبىز»، — دەدى شىمكەنت قالاسىنداعى جەدەل جاردەم اۋرۋحاناسىنىڭ باس دارىگەرى ابىلاي دونباي.

ازاتتىقتىڭ جازۋىنشا وسىدان ون جىل بۇرىن، 2009 جىلى ناۋرىزدا ارىستاعى قويمادا جارىلعىش زاتتار جارىلىپ، ساقتاۋلى تۇرعان قارۋ-جاراق اتىلعان. وقيعا كەزىندە ءتورت ادام قازا تاۋىپ، جيىرماعا تارتا ادام جاپا شەككەن ەدى. رەسمي بيلىك جارىلىسقا قويماداعى قارۋدىڭ دۇرىس ساقتالماۋى مەن جارىلعىش زاتپەن دۇرىس جۇمىس ىستەمەۋ سەبەپ بولدى دەپ مالىمدەگەن.

2014 جىلى ارىس قالاسىنداعى "قازاقجارىلىسونەركاسىبى" اكتسيونەرلىك قوعامى اۋماعىندا جارىلىس بولىپ، ەكى ادام قازا تاپقان.

2015 جىلى قاراشادا قالاداعى پوليگون اۋماعىندا جارىلىس بولىپ، ءبىر ادام مەرت بولدى. رەسمي اقپارات بويىنشا، جارىلىس اسكەري وق-دارىلەر مەن ءوندىرىس قالدىقتارىن جويۋ كەزىندە بولعان.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532