جۇما, 5 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6606. قايتىس بولعاندار — 52
جاڭالىقتار 1644 0 پىكىر 30 ماۋسىم, 2011 ساعات 01:23

«شىعىس-2011» وقۋ-جاتتىعۋلارى اياقتالدى

قازاقپارات - بۇگىن «شىعىس» وڭىرلىك قولباسشىلىعىنىڭ اسكەري پوليگونىندا قازاقستان مەن رەسەي قارۋلى كۇشتەرى قاتىساتىن «شىعىس - 2011» بىرلەسكەن جەدەل-تاكتيكالىق كوماندالىق-شتابتىق وقۋ-جاتتىعۋلارىنىڭ شەشۋشى كەزەڭى وتكىزىلدى،دەپ حابارلايدى قر قورعانىس مينيسترلىگىنىڭ ءباسپاسوز قىزمەتى.

وقۋ-جاتتىعۋلاردىڭ بارىسىن باقىلاۋ ءۇشىن پوليگونعا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ كەلدى.

رەسەي جاعىنان وقۋ-جاتتىعۋلارعا اسكەري اۋە كۇشتەرىنىڭ، اۋە دەسانتى اسكەرلەرىنىڭ وكىلدەرى، سونداي-اق ورتالىق اسكەري وكرۋگىنىڭ جەدەل توبى تارتىلعان.

«شىعىس - 2011» جاتتىعۋلارىنىڭ كەڭ كولەمدىلىگى سول، ونىمەن ءبىر مەزەتتە قازاقستاننىڭ ءار ءتۇرلى پوليگوندارىندا كوماندالىق-شتابتىق جانە تاكتيكالىق-ارنايى وقۋ-جاتتىعۋلارى وتكىزىلدى. ولارعا «شىعىس»، «وڭتۇستىك»، «استانا» وڭىرلىك قولباسشىلىقتارىنىڭ، اۋە قورعانىسى كۇشتەرىنىڭ قۇرامالارى مەن بولىمدەرى، اەروۇتقىر اسكەرلەرىنىڭ دەسانتتى-شابۋىلداۋشى بولىمشەلەرى قاتىستى.

«شىعىس - 2011» جاتتىعۋلارىنىڭ شەڭبەرىندە «قىزىلاعاش» پوليگونىندا قازاقستان اۋە قورعانىسى كۇشتەرى مەن رەسەي اسكەري اۋە كۇشتەرى «اۋە كۇشتەرى - 2011» بىرلەسكەن جاتتىعۋلارىن وتكىزدى. ەكى ەل اسكەري اۋە كۇشتەرىنىڭ باسشىلىعى مەن ۇشقىشتارى بىرلەسە قىمىلداۋ ارقىلى جاقسى تاجىريبە جيناقتاي الدى.

قازاقپارات - بۇگىن «شىعىس» وڭىرلىك قولباسشىلىعىنىڭ اسكەري پوليگونىندا قازاقستان مەن رەسەي قارۋلى كۇشتەرى قاتىساتىن «شىعىس - 2011» بىرلەسكەن جەدەل-تاكتيكالىق كوماندالىق-شتابتىق وقۋ-جاتتىعۋلارىنىڭ شەشۋشى كەزەڭى وتكىزىلدى،دەپ حابارلايدى قر قورعانىس مينيسترلىگىنىڭ ءباسپاسوز قىزمەتى.

وقۋ-جاتتىعۋلاردىڭ بارىسىن باقىلاۋ ءۇشىن پوليگونعا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ كەلدى.

رەسەي جاعىنان وقۋ-جاتتىعۋلارعا اسكەري اۋە كۇشتەرىنىڭ، اۋە دەسانتى اسكەرلەرىنىڭ وكىلدەرى، سونداي-اق ورتالىق اسكەري وكرۋگىنىڭ جەدەل توبى تارتىلعان.

«شىعىس - 2011» جاتتىعۋلارىنىڭ كەڭ كولەمدىلىگى سول، ونىمەن ءبىر مەزەتتە قازاقستاننىڭ ءار ءتۇرلى پوليگوندارىندا كوماندالىق-شتابتىق جانە تاكتيكالىق-ارنايى وقۋ-جاتتىعۋلارى وتكىزىلدى. ولارعا «شىعىس»، «وڭتۇستىك»، «استانا» وڭىرلىك قولباسشىلىقتارىنىڭ، اۋە قورعانىسى كۇشتەرىنىڭ قۇرامالارى مەن بولىمدەرى، اەروۇتقىر اسكەرلەرىنىڭ دەسانتتى-شابۋىلداۋشى بولىمشەلەرى قاتىستى.

«شىعىس - 2011» جاتتىعۋلارىنىڭ شەڭبەرىندە «قىزىلاعاش» پوليگونىندا قازاقستان اۋە قورعانىسى كۇشتەرى مەن رەسەي اسكەري اۋە كۇشتەرى «اۋە كۇشتەرى - 2011» بىرلەسكەن جاتتىعۋلارىن وتكىزدى. ەكى ەل اسكەري اۋە كۇشتەرىنىڭ باسشىلىعى مەن ۇشقىشتارى بىرلەسە قىمىلداۋ ارقىلى جاقسى تاجىريبە جيناقتاي الدى.

قازىرگى تاڭدا قازاقستان قارۋلى كۇشتەرى اسكەري وقىتىلعان رەزەرۆتى دايىنداۋعا بارىنشا كوڭىل ءبولىپ وتىر. رەزەرۆتەگىلەردى «شىعىس - 2011» جاتتىعۋلارىنا قاتىستىرۋ ارقىلى كومانديرلەر جۇمىلدىرۋ ۇدەرىسىن ساراپتاۋعا، سونداي-اق، وسى ءىس-شارانى تاجىريبە تۇرىندە پىسىقتاۋعا  مۇمكىندىك الدى.

شىگىس وزدەرىنىڭ اسكەري-ەسەپتىك ماماندىقتارى بويىنشا جيىندارعا شاقىرىلعان قازاقستاندىق رەزەرۆتەگىلەر ۇلكەن تاجىريبە جيناقتاپ، جاۋىنگەرلىك تاپسىرمالاردى ساپالى ورىنداۋعا قابىلەتتى ەكەندىگىن دالەلدەدى. «استانا» وڭىرلىك قولباسشىلىعىنىڭ «سپاسسك» وقۋ پوليگونىندا بولىمشە كومانديرلەرى، مەرگەندەر مەن گراناتاتقىشتار، مەحانيك-جۇرگىزۋشىلەر، زەنيتشىلەر مەن ارتيللەريستەر اتىس جانە ارنايى دايىندىقتان ءوتتى.

سونداي-اق، «شىعىس - 2011» جاتتىعۋلارىنىڭ شەڭبەرىندە اەروۇتقىر اسكەرلەرىنىڭ دەسانتتى-شابۋىلداۋشى بولىمشەسى جاۋىنگەرلىك اتىستاردى قامتىعان بىرنەشە تاپسىرمالاردى ورىندادى.

ولاردىڭ رەسەيلىك ارىپتەستەرى 31 دەربەس گۆارديالىق دەسانتتى-شابۋىلداۋشى بريگادا دەسانتشىلارى قازاقستانعا بۇگىن كەلدى. رەسەي اۋماعىنان اۋەگە كوتەرىلگەن ولار بىرنەشە ساعات ۇشۋلاردان سوڭ بىردەن جاتتىعۋلارعا كىرىسىپ كەتتى. بۇل سەكىلدى تاجىريبەنى رەسەي دەسانتشىلارى وقۋ-جاتتىعۋلاردا العاش رەت قولدانىپ وتىر.

قازىرگى تاڭدا دەسانتتى-شابۋىلداۋشى بولىمشەلەر ەڭ ۇتقىر جانە بارىنشا دايىندالعان بولىمشە بولىپ تابىلادى. از قۇرامدا، زاماناۋي قارۋ-جاراقتارمەن جاراقتالعان دەسانتشىلار تاپسىرمالاردى قىسقا مەرزىمدە ورىنداۋعا قابىلەتتى. قازاقستان مەن رەسەيدىڭ بولىمشەلەرى ۇقشۇ جەدەل قيمىلدايتىن ۇجىمدىق كۇشتەرىنىڭ قۇرامىنا كىرەتىنى بەلگىلى. ولار ءۇشىن مۇنداي جاتتىعۋلاردىڭ تاپسىرمالارىن ورىنداۋ ۇقشۇ جەدەل قيمىلدايتىن ۇجىمدىق كۇشتەرىنىڭ ءىس-قيمىلى شەڭبەرىندەگى تاپسىرمالارمەن ۇشتاسىپ جاتىر.

بۇگىن «شىعىس» پوليگونىندا وقۋ-جاتتىعۋدىڭ مازمۇنىنا ساي جاۋىنگەرلىك ءىس-قيمىلدار وتكىزىلدى. قازاقستان جانە رەسەي قارۋلى كۇشتەرى وكىلدەرىنەن قۇرالعان كواليتسيالىق توپ شارتتى اسكەري قاقتىعىس ورىن العان اۋماقتاعى جاعدايدى تۇراقتاندىرۋعا ارنالعان وپەراتسيالاردى بىرلەسىپ جۇرگىزدى.

جاتتىعۋلارعا بارلىعى 3500-دەن استام اسكەري قىزمەتشى قاتىسۋدا.
500-دەن اسا ءاۆتوموبيلدى جانە ساۋىتتى تەحنيكا تارتىلعان. ولار - جاياۋ اسكەردىڭ جاۋىنگەرلىك ماشينالارى، ت-74 تانكى، ساۋىتتى ترانسپورتەرلەر. «گراد»، «گياتسينت»، «مستا»، «گۆوزديكا» سىندى ارتيللەريالىق قوندىرعىلار دا ءوز پوزيتسيالارىنان ارتيللەريالىق سوققى بەردى. جاتتىعۋلارعا قازاقستان مەن رەسەيدەن وتىزدان استام اۆياتەحنيكا قاتىستىرىلدى. ولاردىڭ قاتارىندا سۋ-27, سۋ-24, تۋ-22, يل-76 ۇشاقتارى مەن مي-24, مي-17, مي-8مت تىكۇشاقتارى بار.

اسكەرلەردى باسقارۋ نەگىزى - بايلانىس بولىپ تابىلاتىنى بەلگىلى. جاتتىعۋ بارىسىندا قازاقستان جاعى دالالىق جاعدايدا سپۋتنيكتىك بايلانىس ورناتىپ، ينتەرنەت جەلىسىن قوستى. دالالىق جاۋىنگەرلىك باسقارۋ ورتالىعىنداعى بايانداۋلار مەن تىڭداۋلار زاماناۋي بەينەكونفەرەنتسيا جەلىسىن قولدانۋ ارقىلى جۇزەگە استى.

جاتتىعۋ قورىتىندىسى بويىنشا قازاقستان مەن رەسەيدىڭ اسكەري باسشىلىعى جاتتىعۋلاردىڭ باستى ماقساتى - باسقارۋ ورگاندارىنىڭ ءوزارا
ءىس-قيمىلى ءساتتى ورىندالدى دەپ شەشتى. كومانديرلەر مەن شتابتار ارنايى وپەراتسيالار جۇرگىزۋگە تاجىريبە جيناقتاسا، اسكەرلەر وزدەرىنىڭ دالالىق بىلىكتەرىن جەتىلدىردى. سونىمەن قاتار، ەكى ەلدىڭ اسكەرباسىلارىنا اسكەرلەردىڭ كواليتسيالىق توپتارىن قۇرۋ، ونى جاساقتاۋ جانە قولدانۋ ماسەلەلەرىن زەرتتەۋگە قوسىمشا مۇمكىندىك تۋدى.

 

0 پىكىر