جۇما, 29 ناۋرىز 2024
جاڭالىقتار 3105 0 پىكىر 29 ماۋسىم, 2011 ساعات 12:54

وبلىس باسشىسى سۋ تاسقىنىنان كەيىن سالىنىپ جاتقان تۇرعىن ۇيلەر قۇرىلىسىنىڭ بارىسىمەن تانىستى - بقو

ورال. 29 ماۋسىم. قازاقپارات /ەلجان ەرالى/ - باتىس قازاقستان وبلىسىنىڭ اكىمى باقتىقوجا ىزمۇحامبەتوۆ بۇگىن وڭىردە سۋ تاسقىنىنان كەيىن سالىنىپ جاتقان تۇرعىن ۇيلەردىڭ  قۇرىلىسى بارىسىمەن تانىستى.

وبلىس باسشىسىنىڭ ساپارى ورال قالاسى 5-شاعىن اۋدانىندا 90 پاتەرلىك ءۇيدى قاراۋدان باستالدى. «سۆ+» جشس سالىپ جاتقان ءۇيدىڭ قۇرىلىس جۇمىستارى ويداعىداي جۇرۋدە. باستاپقى ەكى قابات تولىعىمەن بىتكەن، تەرەزەلەر ورناتىلدى. قازىر ءۇشىنشى قاباتتىڭ قۇرىلىسى اياقتالىپ كەلدى. ىشكى ارلەۋ، ەلەكتر جەلىسىن تارتۋ جۇمىستارى دا قاتار جۇرۋدە. قۇرىلىسقا قاجەت تەمىر-بەتون بۇيىمدارىن، پليتالار مەن بلوكتاردى كومپانيانىڭ ءوزى ءوندىرۋى جۇمىستىڭ كەستەگە ساي جەرۋىنە مۇمكىندىك بەرىپ تۇر. «قۇرىلىس ماتەريالدارىن دايىنداۋ ءۇشىن قاجەت شيكىزاتتىڭ كوبىن رەسەيدەن الامىز، - دەيدى سەرىكتەستىكتىڭ باس ديرەكتورى ءسابيت وتەباليەۆ. - ول جاقتا باعا تۇراقسىز. ماسەلەن، تسەمەنتتىڭ ءوزى جىل باسىنان بەرى ءۇش رەت ءوستى. سوڭعى رەت ماۋسىم ايىنىڭ باسىندا 30 پايىزعا قىمباتتادى. جانە بارىنە دە الدىن الا تولەم جاساۋ كەرەك. وتاندىق ءونىمدى العىمىز كەلەدى. بىراق ول بىزگە قيىندىق تۋدىرماق. قاراعاندى مەن شىمكەنتتىڭ زاۋىتتارىنا تەمىرجول تارتىلماعان. سول سەبەپتى تاسىمالعا ۋاقىت ءارى قوسىمشا شىعىن كەتەدى. قيىرشىق تاس ءۇشىن اقتوبەگە الدىن الا تولەم جاساپ قويدىق. ۆاگون جەتىسپەۋىنە بايلانىستى قيىرشىق تاستى الا الماي وتىرمىز».

باقتىقوجا سالاحاتدينۇلى ۇكىمەت ارقىلى بۇل ماسەلەلەردى وڭتايلى شەشۋ جولدارىن قاراستىراتىنىن ايتتى.

ورال. 29 ماۋسىم. قازاقپارات /ەلجان ەرالى/ - باتىس قازاقستان وبلىسىنىڭ اكىمى باقتىقوجا ىزمۇحامبەتوۆ بۇگىن وڭىردە سۋ تاسقىنىنان كەيىن سالىنىپ جاتقان تۇرعىن ۇيلەردىڭ  قۇرىلىسى بارىسىمەن تانىستى.

وبلىس باسشىسىنىڭ ساپارى ورال قالاسى 5-شاعىن اۋدانىندا 90 پاتەرلىك ءۇيدى قاراۋدان باستالدى. «سۆ+» جشس سالىپ جاتقان ءۇيدىڭ قۇرىلىس جۇمىستارى ويداعىداي جۇرۋدە. باستاپقى ەكى قابات تولىعىمەن بىتكەن، تەرەزەلەر ورناتىلدى. قازىر ءۇشىنشى قاباتتىڭ قۇرىلىسى اياقتالىپ كەلدى. ىشكى ارلەۋ، ەلەكتر جەلىسىن تارتۋ جۇمىستارى دا قاتار جۇرۋدە. قۇرىلىسقا قاجەت تەمىر-بەتون بۇيىمدارىن، پليتالار مەن بلوكتاردى كومپانيانىڭ ءوزى ءوندىرۋى جۇمىستىڭ كەستەگە ساي جەرۋىنە مۇمكىندىك بەرىپ تۇر. «قۇرىلىس ماتەريالدارىن دايىنداۋ ءۇشىن قاجەت شيكىزاتتىڭ كوبىن رەسەيدەن الامىز، - دەيدى سەرىكتەستىكتىڭ باس ديرەكتورى ءسابيت وتەباليەۆ. - ول جاقتا باعا تۇراقسىز. ماسەلەن، تسەمەنتتىڭ ءوزى جىل باسىنان بەرى ءۇش رەت ءوستى. سوڭعى رەت ماۋسىم ايىنىڭ باسىندا 30 پايىزعا قىمباتتادى. جانە بارىنە دە الدىن الا تولەم جاساۋ كەرەك. وتاندىق ءونىمدى العىمىز كەلەدى. بىراق ول بىزگە قيىندىق تۋدىرماق. قاراعاندى مەن شىمكەنتتىڭ زاۋىتتارىنا تەمىرجول تارتىلماعان. سول سەبەپتى تاسىمالعا ۋاقىت ءارى قوسىمشا شىعىن كەتەدى. قيىرشىق تاس ءۇشىن اقتوبەگە الدىن الا تولەم جاساپ قويدىق. ۆاگون جەتىسپەۋىنە بايلانىستى قيىرشىق تاستى الا الماي وتىرمىز».

باقتىقوجا سالاحاتدينۇلى ۇكىمەت ارقىلى بۇل ماسەلەلەردى وڭتايلى شەشۋ جولدارىن قاراستىراتىنىن ايتتى.

ىرگەلەس ورنالاسقان ءدال وسىنداي ءۇيدىڭ قۇرىلىسىن «جايىقسەلستروي» كومپانياسى جۇرگىزۋدە. كورشىلەرىمەن سالىستىرعاندا بۇل جەردەگى قۇرىلىس ونشا قارقىندى ەمەس. سوعان وراي وبلىس اكىمى مەردىگەر كومپانيا باسشىلارىنا جۇمىس ىرعاعىن جەدەلدەتۋدى تاپسىردى.

وسى شاعىن اۋدانداعى ەڭ ۇلكەن ءۇيدىڭ قۇرىلىسىن  «التاير»  جشس  جۇرگىزۋدە. 240 پاتەرلى بۇل ءۇيدىڭ التىنشى قاباتى اياقتالىپ قالعان. ەكى جۇزگە جۋىق قۇرىلىسشى ۋاقىتپەن ساناسپاي ەڭبەك ەتۋدە. جۇمىسقا ستۋدەنتتىك قۇرىلىس جاساقتارى دا تارتىلعان. سەرىكتەستىك باسشىلارىنىڭ ايتۋىنشا، قۇرىلىس ماتەريالدارىنا بايلانىستى كوپ قيىندىق جوق. جىلىتۋ ماۋسىمىنا دەيىن ءۇي تولىعىمەن دايىن بولادى.

بۇدان كەيىن وبلىس اكىمى باقتىقوجا ىزمۇحامبەتوۆ تاسقالا اۋدانىنداعى قۇرىلىس قارقىنىمەن تانىستى. ءوڭىر باسشىسى تاسقىن سۋدان زارداپ شەككەندەرگە ارنالعان تۇرعىن ۇيلەردىڭ  ساپاسىنا نازار اۋداردى.

قۇرىلىس قارقىنىمەن ءجىتى تانىسقان وبلىس اكىمى سالىنعان باسپانالاردىڭ تۇرعىندار ءۇشىن جايلى، ءارى جىلى بولۋىن، ءۇي شاتىرلارىنىڭ دا مۇقيات بەكىتىلۋىن تاپسىردى. ودان سوڭ جاڭا تۇرعىن ۇيلەردىڭ بولاشاق قوجايىندارىمەن كەزدەسىپ، تالاپ-تىلەكتەرىن تىڭداعان اكىم مەملەكەت باسشىسىنىڭ دا سالەمىن جەتكىزدى.

-تابيعات اپاتىنا بايلانىستى پرەزيدەنتىمىزدىڭ  تىكەلەي تاپسىرماسىمەن ۇكىمەتتەن قوماقتى قارجى ءبولىنىپ، ول قاراجات ماقساتتى ىسكە جۇمسالىپ، ۋاقىتىلى يگەرىلۋدە. وبلىستىق، قالالىق ءماسليحاتتىڭ سەسسيالارىندا قايتا جوندەيتىن ۇيلەرگە قاراجات ءبولۋ ماسەلەسى دە شەشىلدى. كەلەسى اپتانىڭ اياعىنا دەيىن ول قارجى دا بولىنەدى. ال شىلدە ايىندا وسى تۇرعىن ۇيلەردىڭ قۇرىلىسى اياقتالىپ، تامىزدا اباتتاندىرۋ جۇمىستارى دا تولىق ءتامامدالۋى ءتيىس، - دەدى باقتىقوجا ىزمۇحامبەتوۆ.

سونداي-اق وبلىس اكىمى تۇرعىندارمەن كەزدەسۋدە جول، گاز جۇرگىزۋ جۇمىستارى بىتكەن سوڭ بولاشاق ءۇي يەلەرىنىڭ ءوز باسپانالارى ماڭىنا اعاش، گۇل وتىرعىزۋ قاجەتتىگىن دە تىلگە تيەك ەتتى.

كوكتەمگى سۋ تاسقىنىنا بايلانىستى قازىر تاسقالادا 72 ءۇي سالىنۋدا. ونىڭ سەگىزى ءبىر پاتەرلىك، قالعانى ەكى پاتەرلىك. قۇرىلىس جۇمىستارىن «ۋتەش»، «ەرسترويجايىق»، «ستروينۆەست پليۋس»، «جايىقگيدروگەولوگيا» جشس، وزگە دە قۇرىلىس كومپانيالارى جۇرگىزۋدە. اۋدان اكىمى وتەمىس مىرزاعاليەۆتىڭ سوزىنشە، سۋ تاسقىنىنان زارداپ شەككەندەرگە ارنالعان ۇيلەرگە سۋ قۇبىرى تارتىلدى. 60 مەترلىك 2 ۇڭعىما قوندىرىعىسى ورناتىلعان. گاز قۇبىرلارى مەن ەلەكتر جۇيەلەرى دە جۇرگىزىلۋدە. قازىر تۇرعىن-جايلاردىڭ اينالاسى قورشالىپ، جول سالۋ جۇمىستارى  باستالادى.

تاسقالا اۋدانىنا بارعان ساپارىندا وبلىس اكىمى باقتىقوجا ىزمۇحامبەتوۆ  «100 مەكتەپ، 100 اۋرۋحانا» باعدارلاماسى بويىنشا بوي كوتەرگەن 300 ورىندىق مەكتەپتىڭ قۇرىلىسىمەن دە تانىستى. 2009 جىلى ىرگەتاسى قالانعان ءبىلىم شاڭىراعى الداعى جاڭا وقۋ جىلىندا پايدالانۋعا بەرىلمەك. جانىندا 100 وقۋشىعا ارنالعان جاتاقحاناسى بار مەكتەپ عيماراتىن ارالاعان ءوڭىر باسشىسى قۇرىلىس ساپاسىنا بايلانىستى بىرقاتار سىن-ەسكەرتپەلەر جاسادى. بۇل نىسان «گاز جوبالاۋ عزجي» جشس-نىڭ جوباسىمەن سالىنۋدا.

وبلىس اكىمى سونىمەن قاتار زەلەنوۆ اۋدانىندا دا بولىپ، ونداعى تۇرعىن ۇيلەر قۇرىلىسىن دا نازاردان تىس قالدىرعان جوق.

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544