قازىرگى كۇنى قىزىلوردا وبلىسىنىڭ حالىق سانى 797,6 مىڭ ادامعا جەتتى. ونىڭ ىشىندە قالالىقتار – 353,7 مىڭ (44,3%), اۋىلدىقتار – 443,9 مىڭ ادامدى (55,7%) قۇرادى، - دەپ حابارلايدى اباي-اقپارات.

وتكەن جىلدىڭ 1 مامىرىمەن سالىستىرعاندا حالىق سانى 10,9 مىڭ ادامعا (1,4%) وسكەن. احات ورگاندارى ۇسىنعان ازاماتتىق حال اكتىلەر جازبالارىنداعى مالىمەتتەرگە سۇيەنسەك، 2019 جىلعى قاڭتار-ساۋىرىندەگى ايماق حالقىنىڭ تابيعي ءوسىمى 2018 جىلعى قاڭتار-ساۋىرىمەن سالىستىرعاندا 158 ادامعا نەمەسە 3,4% كەمىپ، 4458 ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 16,97 ادامدى قۇرادى.

ال قايتىس بولعاندار سانى 1462 ادامدى قۇراسا، بۇل بىلتىرعىعا قاراعاندا 2,4% كوپ. ءولىم-ءجىتىمنىڭ جالپى كوەففيتسيەنتى 1000 ادامعا 5,56 قايتىس بولعانداردى قۇرادى. 2019 جىلعى قاڭتار-ساۋىردە وبلىستا 1 جاسقا دەيىنگى 55 نارەستە ءولىمى تىركەلدى. وتكەن جىلدىڭ قاڭتار-ساۋىرىمەن سالىستىرعاندا 1 جاسقا دەيىنگى شەتىنەگەن نارەستە سانى 3,5% ازايعان. نارەستە ءولىم-ءجىتىمىنىڭ كوەففيتسيەتى 1000 تۋعاندارعا شاققاندا – 9,29%. .

سونداي-اق، 2019 جىلعى قاڭتار-ساۋىردەگى كوشى-قون الماسۋى ناتيجەسىندە ايماقتان 16798 ادام كەتىپ، 15617 ادام كەلگەن. 2018 جىلدىڭ قاڭتار-ساۋىرىمەن سالىستىرعاندا وبلىسقا كەلگەندەر سانى 40,1%، ال وبلىستان كەتكەندەر سانى 38,0% كوبەيگەن.

سىر ەلىنە الىس-جاقىن شەت ەلدەردەن 8 ادام قونىستانسا، رەسپۋبليكانىڭ وزگە وڭىرلەرىنەن 3152 ادام كەلىپتى.

Abai.kz