بەيسەنبى, 28 ناۋرىز 2024
ەل ءىشى... 7604 9 پىكىر 6 ماۋسىم, 2019 ساعات 12:26

ەلباسى نۇرسۇلتان ءابىشۇلىنا "قۇرمەتتى سەناتور" اتاعىن بەرۋ - تاريحي شەشىم!

قازاقستان پارلامەنتى سەناتىنىڭ ءتورايىمى داريعا نۇرسۇلتانقىزى ەلباسى نۇرسۇلتان نازارباەۆقا "قۇرمەتتى سەناتور" كۋالىگى مەن توسبەلگىسىن تاپسىردى.

"بۇگىن سەنات تاريحىنداعى تاعى ءبىر ەرەكشە كۇن. سەناتتىڭ وتكەن وتىرىسىندا دەپۋتاتتار مەملەكەت باسشىسى قاسىم-جومارت توقاەۆتىڭ باستاماسى بويىنشا ەلباسى نۇرسۇلتان ءابىشۇلىنا "قۇرمەتتى سەناتور" اتاعىن بەرۋ تۋرالى تاريحي شەشىمدى ءبىراۋىزدان قابىلدادى. 

اسا قۇرمەتتى نۇرسۇلتان ءابىشۇلى، سىزگە "قۇرمەتتى سەناتور" اتاعىن بەرۋ تۋرالى شەشىم - بۇل ءسوزسىز مەملەكەتتىگىمىزدىڭ نەگىزىن قالاۋداعى، الەم مويىنداعان ستراتەگيالىق دامۋ باعىتىن ايقىنداۋداعى ءسىزدىڭ سىڭىرگەن ەڭبەگىڭىزدىڭ باعالانۋى. ءسىزدىڭ قوس پالاتالى پارلامەنت قۇرۋداعى جاسامپازدىعىڭىز بەن كاسىبيلىگىڭىز ءۇشىن سەناتورلاردىڭ وسى ءبىر ىقىلاسىن قابىل الىڭىز" دەدى داريعا نازارباەۆ.

ءوز كەزەگىندە نۇرسۇلتان نازارباەۆ سەناتورلارعا العىسىن ايتىپ، پىكىر ءبىلدىردى.

"مەن ءوز مانداتىمدى تاپسىرىپ، قىزمەتىمدى توقتاتۋ تۋرالى شەشىمگە كەلگەنىمدە بارلىق شەتەلدىك مەملەكەت باسشىلارى ماعان حابارلاسىپ، حات جولدادى. ءدال وسىنشالىق رەاكتسيا بولعانىنا مەن ءوزىم دە تاڭ قالدىم.

ءبىز بارلىعىىنا بيلىك ءترانزيتى ماسەلەسىن قالاي شەشۋ كەرەكتىگىنىڭ ۇلگىسىن كەزەكتى رەت كورسەتتىك. ولار ءدال وسىعان  رەاكتسيا كورسەتتى. ياعني، حالىق دانالىعى ارقاشان ورىندالادى. 

مەن سىزدەرگە العىس ايتامىن. سەناتقا كەلىپ، وي-پىكىرىمدى ايتىپ تۇرامىن. كەرەك بولسا، بىرگە اقىلداساتىن بولامىز", دەدى نۇرسۇلتان  نازارباەۆ.

ەستەرىڭىزگە سالا كەتەيىك، ەلباسى نۇرسۇلتان نازارباەۆقا "قۇرمەتتى سەناتور" لاۋازىمىن بەرۋ تۋرالى باستامانى پرەزيدەنت قاسىم-جومارت توقاەۆ 20 ناۋرىزداعى يناۋگۋراتسيا كەزىندە ۇسىنعان بولاتىن.

"قۇرمەتتى سەناتور" لاۋازىمى پالاتا وتىرىستارىنا قاتىسۋعا، قانداي دا ءبىر شەشىمدەردى شىعارۋعا ارالاسۋعا، پىكىر قوسۋعا مۇمكىندىك بەرەدى.

ايتا كەتەيىك، "قۇرمەتتى سەناتور" اتاعى قازاقستان تاريحىندا تۇڭعىش رەت بەرىلىپ وتىر. سونىمەن، بۇل لاۋازىم يەسىنە قانداي قۇقىقتار بەرىلەدى؟

"قۇرمەتتى سەناتور" لاۋازىمىنىڭ يەگەرى:

-سەناتتىڭ بارلىق وتىرىستارىنا قاتىسادى،

-كوميتەتتەردىڭ وتىرىستارىنا قاتىسادى (سونىڭ ىشىندە اشىق وتىرىستارعا دا قاتىسىپ، ءوزىنىڭ وي-پىكىرىن بىلدىرە الادى),

-"قۇرمەتتى سەناتور" جالاقى المايدى،

-داۋىس بەرۋ پروتسەسسىنە قاتىسپايدى،

-جاڭا مارتەبە سەنات توراعاسىنىڭ ۇستىنەن قاراپ، بىرەۋدىڭ اتىنان شەشىم قابىلداۋعا قۇقىق بەرمەيدى.

ءتۇيىن. "قۇرمەتتى سەناتور" اتاعى بۇل  - قوعامدىق لاۋازىم. بۇل لاۋازىم يەسى قوعامدىق جۇمىستارعا، زاڭ شىعارۋشى جۇمىستارعا اتسالىسىپ، پىكىر-ۇسىنىستار ايتۋعا قۇقىلى. ەكىنشىدەن، بۇل - تاۋەلسىز قازاقستاننىڭ تۇڭعىش پرەزيدەنتىنە دەگەن ەل-حالىقتىڭ ىقىلاسى ءھام قۇرمەتى! قازىرگە ۋاقتا، ءبىزدى قويىپ، بۇكىل الەم جۇرتشىلىعى ەلباسىنىڭ ساياسي شەشىمدەرى مەن تاجىربيەلەرىن مويىندادى. حالىقارالىق ۇيىمدار، سونىڭ ىشىندە ەاەو مەن تۇركى كەڭەسى مەملەكەتتەرىنىڭ باسشىلارى دا ەلباسى نۇرسۇلتان ءابىشۇلىنىڭ ەلەۋلى ەڭبەگىن ەسكەرگەندىكتەن - "قۇرمەتتى توراعا" ەتىپ سايلادى.

ەلباسىنىڭ ومىرلىك تاجىريبەسىن سول ۇيىمنىڭ جۇمىسىندا پايدالانۋ كەرەك دەگەندى الەكساندر لۋكاشەنكو مەن ۆلاديمير پۋتين باستاپ ايتتى. سوندىقتان، ەلباسى نۇرسۇلتان ءابىشۇلىنا "قۇرمەتتى سەناتور" اتاعىن بەرۋ - تاريحي شەشىم ەكەنى داۋسىز...

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523