مەملەكەت باسشىسى ورازا ايت مەرەكەسىندە «نۇر استانا» مەشىتى مەن «استانا» مەدرەسە كوللەدجىنە باردى.

قاسىم-جومارت توقاەۆ وقۋ ورنىنىڭ جۇمىسىمەن تانىسىپ، وقۋ ۇدەرىسى مەن ماتەريالدىق-تەحنيكالىق بازاسىنىڭ جوعارى دەڭگەيدە ەكەنىن ايتتى.

ستۋدەنتتەرمەن اڭگىمەلەسۋ بارىسىندا قازاقستان پرەزيدەنتى وقۋ جانە جاتىن ورىندارىنىڭ جاعدايىن سۇرادى. قاسىم-جومارت توقاەۆ مۇنداي وقۋ ورنىندا وقيتىن شاكىرتتەر ىنتالى ءارى تاربيەلى بولۋى كەرەكتىگىن اتاپ ءوتتى.

– سىزدەردى قاسيەتتى ورازا ايت مەرەكەسىمەن قۇتتىقتايمىن. اسپانىمىز اشىق، جاقسىلىقتار مول بولسىن، باق-بەرەكە تىلەيمىن. كەلەسى رامازان ايىنا باسىمىز امان، باۋىرىمىز ءبۇتىن، حالقىمىزدىڭ ءتورت قۇبىلاسى تۇگەل جەتۋگە ءناسىپ ەتسىن. دۇعا-تىلەكتەرىڭىز قابىل بولسىن! – دەپ تىلەدى مەملەكەت باسشىسى.

سوڭىندا قازاقستان پرەزيدەنتى ەلىمىزدىڭ يگىلىگى ءۇشىن دۇعا جاسادى.

Abai.kz