جۇما, 29 ناۋرىز 2024
«سوقىر» فەميدا 14039 12 پىكىر 5 ماۋسىم, 2019 ساعات 22:22

ءجۋرناليستى سوققىعا جىققان پوليتسەيلەر ەمەس پە، تۇرعىمباەۆ مىرزا؟

قر ىشكى ىستەر ءمينيسترى

ەرلان تۇرعىمباەۆقا 

اشىق حات

قۇرمەتتى، قر ىشكى ىستەر ءمينيسترى ەرلان زامانبەكۇلى!

بۇگىن ەلىمىزدەگى كوپ بالالى انالار ماسەلەسىن كوتەرىپ جۇرگەن بەلگىلى قوعام بەلسەندىسى، جۋرناليست ساۋلە ابىلداحانقىزىن الماتى قالاسى ناۋرىزباي اۋداندىق ىشكى ىستەر ءبولىمىنىڭ الدىندا بەلگىسىز بىرەۋلەر سوققىعا جىققان.

وقيعا ورنىندا بارعان ءتىلشىمىزدىڭ حابارلاۋىنشا، بەلسەندىنى ناۋرىزباي اۋداندىق ىشكى ىستەر ءبولىمىنىڭ قىزمەتكەرلەرى ەرتەڭگى ساعات 10-دار شاماسىندا ۇيىنەن اكەتىپ، اتالعان اۋداننىڭ ىشكى ىستەر بولىمىنە جەتكىزگەن. ول جەردە ساتقىنبەكوۆا ەسىمدى ازاماتشانىڭ ارىزى بويىنشا ساۋلە ابىلداحانقىزىن ءۇش ساعات بويى تەرگەپ، قر زاڭدارىنا سايكەس ۇيىنە بوساتقان.

الماتى قالالىق 7 اۋرۋحاناعا جەدەل جاردەم كولىگىمەن جەتكىزىلگەن جابىرلەنۋشى ساۋلە ءابىلداحان ايتۋىنا قاراعاندا ءىىب قىزمەتكەرلەرى ونى العاشقى كىرگەن ەسىكتەن ەمەس، باسقا جول ارقىلى سىرتقا شىعارعان. سول جەردە مۇلدەم تانىمايتىن بىرنەشە ايەل  ء"بىز سەنى قولداۋعا كەلدىك" دەپ جاقىن كەلىپ، ءجۋرناليستى جابىلىپ سوققىعا جىققان. ەڭ سوراقىسى سول ءسىزدىڭ مينيسترلىگىڭىزگە تىكەلەي باعىنىشتى بەتىنە بەتپەردە تاققان پوليتسەيلەر بەلسەندىنى قورعاۋدىڭ ورنىنا تەلەفوندارىنا بولعان جايتتى ءتۇسىرىپ تۇرعان.

قۇرمەتتى، ەرلان زامانبەكۇلى!

بىرىنشىدەن، ءسىزدىڭ پوليتسەيلەر نەلىكتەن ءدال ءىىب الدىندا بەلسەندىنى سوققىعا جىققىزىپ قويىپ قاراپ تۇرادى؟ قوعامنىڭ، ازاماتتاردىڭ قاۋىپسىزدىگىن ساقتاۋ سولاردىڭ مىندەتى ەمەس پە؟

ەكىنشىدەن، قوعامدىق بەلسەندىنى سوققىعا جىققاندار ازاماتتىق كيىم كيىپ العان ىشكى ىستەر مينيسترلىگىنىڭ قىزمەتكەرلەرى ەمەس پە؟ جابىرلەنۋشىنىڭ ايتۋىنشا، ونى تەپكىنىڭ استىنا العان ايەلدەر "ۋاتساپ" الەۋمەتتىك جەلىسىندەگى كوپ بالالى انالاردىڭ توپتارىن جابۋدى تالاپ ەتكەن. ەگەر ولار شىنايى كوپ بالالى اتا-انالار بولسا، بەلسەندىنى نەگە الەۋمەتتىك جەلىدەگى توپتارعا بولا سوققىعا جىعادى؟

ۇشىنشىدەن، ساۋلە ابىلداحانقىزىن ۇيىنەن اكەتكەن قىزمەتكەرلەردىڭ "ايەلدەر توبەلەسىن" تەلەفونعا ءتۇسىرىپ تۇرعانىن قالاي تۇسىنۋگە بولادى. بيلىك تاراپىنان بۇيرىق كەلىپ، سول تاپسىرماعا ەسەپ بەرۋ ءۇشىن بە؟

تورتىنشىدەن، ىشكى ىستەر ءبولىمىنىڭ اينالاسى تولعان كامەرا! وقيعانىڭ ناق قانداي سيپاتتا بولعانىن ەندىگى انىقتاپ، حالىققا تولىققاندى اقپارات تاراتاتىن ۋاقىت بولعان جوق پا؟

بەسىنشىدەن، ۇيىنەن پوليتسەيلەر اكەتكەندە ساۋ شىققان قوعامدىق بەلسەندىنىڭ اۋرۋحاناعا تۇسەتىندەي جاعدايعا جەتكىزۋ سايلاۋ الدىندا ءسىزدىڭ مينيسترلىگىڭىزگە سىن ەمەس پە؟ باسقا ەمەس، ىشكى ىستەر ءبولىمى قىزمەتكەرلەرىنىڭ كوز الدىندا زاڭسىزدىق بولىپ جاتسا، باسقا جەردە نە بولمايدى؟

التىنشىدان، قۇداي وڭداپ، ساۋلە ابىلداحانقىزى قازىر اۋرۋحانادان شىقتى. دارىگەرلەر "ميى شايقالعان" دەگەن دياگنوز قويعان. بۇل جايعا تىكەلەي ءسىزدىڭ قۇزىرەتىڭىزدەگى قىزمەتكەرلەر كىنالى ەمەس دەي الاسىز با؟

جەتىنشىدەن، قازىر الەۋمەتتىك جەلىلەردە "ساۋلە ابىلداحانقىزىنا بۇل قاستاندىق پوليتسەيلەر تاراپىنان جاسالۋى مۇمكىن" دەگەن بولجامدار ايتىلۋدا. وسى جايتقا مينيستر رەتىندە مالىمدەمە جاساۋىڭىزدى سۇرايمىز.

سىزدەرگە كومەك بولۋ ءۇشىن مىنا سۋرەتتى قوسا جاريالاۋدى ءجون سانادىق. بەلسەندىنىڭ ايتۋى بويىنشا، پوليتسەيلەرمەن بىرگە جۇرگەن قارا كيىمدى، بەت پەردە تاققان ازامات وقيعانى تولىق تەلەفونىنا ءتۇسىرىپ العان (بۇل سۋرەت بەلسەندىنى ۇيىنەن اكەتەر الدىندا تۇسىرىلگەن).

قوش! ازىرگە وسى!

ءتۇيىن

سوڭى كۇندەرى قوعامدىق بەلسەندى ساۋلە ابىلداحانقىزىنا بيلىك تاراپىنان قىسىم كوبەيگەن. بىرنەشە اكىمشىلىك جانە قىلمىستىق ءىس قوزعالاتىنىن ايتىپ، ۇركىتىپ-قورقىتۋ شارالارى جاسالعان. ەل الدىندا ابىرويى بار ازاماتشانى وسىلاي جابىرلەۋگە كىمنىڭ تاراپىنان تاپسىرما ءتۇستى؟

بۇل سۇراققا الدا تاعى جاۋاپ ىزدەيتىن بولامىز!

قانات بىرلىكۇلى

Abai.kz

 

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616