سىر باس شاھارىندا مەملەكەتتىك رامىزدەر اللەياسىندا «مەملەكەتتىك رامىزدەر – ۇلت ماقتانىشى» اتتى وبلىستىق پاتريوتتىق شارا ءوتتى، - دەپ حابارلايدى اباي-اقپارات.

سالتاناتتى شاراعا وبلىس اكىمى ق.كوشەرباەۆ، وبلىس اكىمىنىڭ ورىنباسارلارى، مەملەكەتتىك مەكەمەلەر باسشىلارى، ايماقتاعى زيالى قاۋىم وكىلدەرى، ارداگەرلەر، ەتنومادەني بىرلەستىك وكىلدەرى، اسكەري قىزمەتكەرلەر، ساياسي پارتيا، ۇكىمەتتىك ەمەس ۇيىم مۇشەلەرى، وليمپيادا جانە سپورت سالاسىنىڭ جەڭىمپازدارى، باق وكىلدەرى، بەلسەندى جاستار قاتىستى.

– مەملەكەت مارتەبەسىن ايقىندايتىن نەگىزگى قۇندىلىقتار مەن ۇستانىمدار تاريح تولقىنىندا شىڭدالىپ، ۋاقىت تەزىنە توتەپ بەرەتىن دارەجەگە كوتەرىلۋ ارقىلى قالىپتاساتىنى بەلگىلى. بۇل رەتتە مەملەكەتتىك رامىزدەرىمىز – تۋ، ەلتاڭبا، گيمن ءبىر ساتتە عايىپتان پايدا بولماي، سان عاسىرلاردى ارتتا قالدىرىپ، بەكىدى. رامىزدەر – قازاقستان دەگەن دەربەس مەملەكەتتىڭ الەم كارتاسىندا بار ەكەنىنىڭ بىرەگەي بەلگىسى. ەلىمىزدىڭ تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆ ايتقانداي: "مەملەكەتتىك رامىزدەر – حالقىمىزدىڭ رۋحىن، ۇلتتىق ساناسىن، قاھارماندىعى مەن دانالىعىن، بولاشاققا دەگەن ءۇمىتىن، ارمان-تىلەگىن جەتكىزەتىن ەرەكشە قۇندى بەلگىلەر، - دەدى وبلىس اكىمى قىرىمبەك ەلەۋۇلى.

سونداي-اق، شارا اياسىن ءار سالادا جەمىستى ەڭبەك ەتىپ جۇرگەن بىرقاتار ماماندار ماراپات تورىنەن كورىندى. اتاپ ايتقاندا، قازالى اۋداندىق اۋرۋحاناسىنىڭ نەيروحيرۋرگى باسپاەۆ كەنەسارى، بوكستان قازاقستان رەسپۋبليكاسى ۇلتتىق قۇراما كومانداسىنىڭ مۇشەسى، سپورت شەبەرى تۇرسىنباي قۇلاحمەت، وبلىستىق «ەرلىك» ۇيلەستىرۋ كەڭەسىنىڭ جانە اۋعان جانە جەرگىلىكتى سوعىس ارداگەرلەرى وداعىنىڭ توراعاسى، بايماحانوۆ قايراددين، قازالى اۋداندىق ىشكى ساياسات ءبولىمىنىڭ مامانى احمەتوۆ مارعۇلان، شاحماتتان وقۋشىلار اراسىنداعى الەم چەمپيونى نۇرعالي نازەركە جانە قىزىلوردا قالاسىنداعى №2 «مۇراگەر» مەكتەبىنىڭ 11-سىنىپ وقۋشىسى دەميدەنكو ەۆگەني، جاسوسپىرىمدەر اراسىندا دزيۋدودان قازاقستان رەسپۋبليكاسىنىڭ 3 دۇركىن چەمپيونى تىلەۋمۇراتوۆا ديانا ايمىرزاقىزى ماراپاتتالدى.

– ءبىز، سىر ءوڭىرىنىڭ سپورتشىلارى الەمدىك سپورتتىق ارەنالاردا كوك تۋىمىزدى جەلبىرەتىپ، مەملەكەتتىك گيمنىمىزدىڭ شىرقالۋىنا بار كۇش-جىگەرىمىزدى ايامايمىز. مۇمكىندىگىنشە بىزگە سەنگەن ەلىمىزدىڭ سەنىمىن اقتاۋعا تىرىسامىز. سونىڭ ارقاسىندا ەلىمىز سپورتتىق دەرجاۆاعا اينالدى. الداعى ۋاقىتتا دا جەڭىس تۇعىرىنان كورىنىپ، ەلىمىزدىڭ كوك تۋىن كوكتە جەلبىرەتۋگە ۋادە بەرەمىن، – دەدى سپورتشى ن.نۇرعالي.

قازاقستان رەسپۋبليكاسى مەملەكەتتىك رامىزدەرىنىڭ قابىلدانعانىنا 27 جىل تولدى. سونىمەن قاتار مەرەيلى مەرەكە وبلىس كولەمىندە دە اتالىپ ءوتىلدى.

Abai.kz