31 مامىر مەن 2 ماۋسىم ارالىعىندا ەلوردادا «Nur-Sultan Ethno Fest»  مەرەكەسى اياسىندا ات ۇستىنەن ساداق اتۋدان وتكەن ءى الەم چەمپيوناتى اياقتالدى. وسى سىندا قازاقستاندىق مەرگەن ەرالحان ايكوز جامبى اتۋدان تۇڭعىش الەم چەمپيونى اتاندى.

نۇر-سۇلتان قالاسى اكىمدىگىنىڭ قولداۋىمەن قر ۇلتتىق سپورت قاۋىمداستىعى ۇيىمداستىرعان الەم چەمپيوناتى قر مادەنيەت جانە سپورت مينيسترلىگىنىڭ كۇنتىزبەلىك جوسپارىن سايكەس ءوتتى.

ات ۇستىنەن ساداق اتۋدان ءى الەم چەمپيوناتىنا 12 مەملەكەتتىڭ 25-كە تارتا سپورتشى-مەرگەندەرى قاتىستى. نەگىزگى باسەكە 1-2 ماۋسىم كۇندەرى ءوتتى. 1 ماۋسىم كۇنى «ازيالىق ستيلدە»، ال، 2 ماۋسىم كۇنى «تۇرىك ءستيلى» مەن «قازاق ءستيلى» بويىنشا وتكەن مەرگەندىك باسەكەلەرى اياقتالىپ،  وسى ءۇش جارىستىڭ قورىتىندى ناتيجەلەرى بويىنشا ءى الەم چەمپيوناتىنىڭ جەڭىمپازدارى انىقتالدى. سپورتشىلارعا بەسىنشى ورىنعا دەيىن جۇلدە بەرىلدى.

ءى الەم چەمپيوناتىنىڭ جەڭىمپازدارى مەن جۇلدەگەرلەرى: 1 ورىن – ەرالحان ايكوز (قازاقستان), 2 ورىن – ەردەنەسۋۆد ەردەنە (مونعوليا), 3 ورىن – لي سۋنگ حو (وڭتۇستىك كورەيا), 4 ورىن – ابزال تۋلىبەكوۆ (قازاقستان), 5 ورىن – ميحاي كوزمەي (رۋمىنيا).

تۇركىستان وبلىسى، تولەبي اۋدانى، مايبۇلاق اۋىلىندا 1999 جىلى دۇنيەگە كەلگەن ەرالحان ايكوز جامبى اتۋ سپورتىمەن 2014 جىلدان باستاپ شۇعىلدانا باستاعان. 2015 جىلعى جاسوسپىرىمدەر اراسىنداعى قازاقستان چەمپيوناتىندا 16 جاسار ەرالحان  جەڭىمپاز بولدى. تۇركىستان وبلىستىق ۇلتتىق سپورت مەكتەبىنىڭ شاكىرتى بۇل ناتيجەنى  2017 جىلى دا قايتالادى.

2018 جىلى جاستار اراسىنداعى ەلىشىلىك چەمپيوناتتىڭ جەڭىمپازى، 2019 جىلى كۇمىس جۇلدەگەرى بولدى. سونداي-اق، ەرالحان ايكوز بيىلعى جىلى الماتىدا وتكەن جاستار اراسىنداعى ءى ازيا چەمپيوناتىندا كۇمىس جۇلدەنى جانە ەرەسەكتەر اراسىنداعى قازاقستان چەمپيوناتىندا قولا جۇلدەنى جەڭىپ العان.

ەرالحان حالىقارالىق جارىستىڭ دوداسىندا دا شىڭدالىپ ۇلگەرگەن مەرگەن. ۆەنگريادا، تۇركيادا وتكەن فەستيۆالدارعا قاتىستى. ەلوردادا 2017 جىلى جامبى اتۋدان تۇڭعىش ۇيىمداستىرىلعان «التىن جەبە» حالىقارالىق تۋرنيرىندە ول قولا جۇلدەگە قول جەتكىزدى. الەمنىڭ ايتۋلى مەرگەندەرى باق سىناعان مۇنداي ءىرى جارىستا 18 جاسار بوزبالانىڭ جۇلدە الۋى ۇلكەن جەتىستىك ەدى.

2018 جىلى ەكىنشى مارتە وتكىزىلگەن «التىن جەبە» حالىقارالىق تۋرنيرىندە ەرالحان كۇمىس جۇلدەنى قانجىعاسىنا بايلادى.

Abai.kz