بەيسەنبى, 28 ناۋرىز 2024
3306 0 پىكىر 31 مامىر, 2019 ساعات 13:03

سىر وڭىرىندە الداعى ءۇش جىلدا ءۇش مىڭ جاڭا جۇمىس ورنى اشىلادى

سىر وڭىرىندە الداعى ءۇش جىلدا ءۇش مىڭ جاڭا جۇمىس ورنى اشىلادى دەپ حابارلايدى، - Abai - اقپارات.

بۇل تۋرالى ايماق باسشىسىنىڭ ورىنباسارى قۋانىشبەك ىسقاقوۆتىڭ قاتىسۋىمەن وتكەن بريفينگتە ايتىلعان. وندا قىزىلوردا وبلىسىن دامىتۋدىڭ كەشەندى جوسپارى نەگىزىندە وڭىردەگى شاعىن جانە ورتا بيزنەستى قولداۋ بويىنشا بىرنەشە جوبالار ىسكە اساتىنى سونداي-اق، ءوڭىر تۇرعىندارىنا 3 مىڭ جاڭا جۇمىس ورنى  اشىلاتىنى ءمالىم بولدى.

قازىر سىر وڭىرىندە بيزنەستى دامىتۋدى ىنتالاندىرۋ بويىنشا 6 جوبانى جۇزەگە اسىرۋ كوزدەلگەن. وعان بولىنگەن قاراجات 10,7 ميلليارد تەڭگەنى قۇرايدى.

ايماقتىڭ كەشەندى جوسپارى نەگىزىندە الداعى ءتورت جىلدا 620 باستاما بويىنشا نەسيەلەندىرۋدى سۋبسيديالاۋ، 300 گە جۋىق جوباعا ءىشىنارا كەپىلدىك بەرۋ، 55 جوبا بويىنشا مەملەكەتتىك گارنتتار بەرۋ، سونىمەن قاتار 63 جوباعا شاعىن نەسيەلەر بەرىلمەك. اتالعان جوبالاردىڭ بارلىعى ەلباسىنىڭ “بيزنەستىڭ جول كارتاسى - 2025” باعدارلاماسى اياسىندا جۇزەگە اسپاق.

اتالعان جوبالار ءساتتى جۇزەگە اسسا، قىزىلوردا وبلىسىندا الداعى 2 جىلدا شاعىن جانە ورتا بيزنەستىڭ جالپى كولەمى 20 پايىزعا وسەدى دەپ جوسپارلانۋدا. ال، 2022 جىلدىڭ ناتيجەسىن ەسەپكە الساق، وڭىردەگى بيزنەستى قولداۋ 30 پايىزعا ارتپاق.

ايتا كەتەيىك، 2019 جىلدىڭ اقپان ايىندا ەلباسى نۇرسۇلتان نازارباەۆ قىزىلوردا وبلىسىنىڭ الداعى جىلدارعا ارنالعان الەۋمەتتىك-ەكونوميكالىق دامۋ جوسپارىن دايىنداۋدى تاپسىرعان بولاتىن. ناتيجەسىندە، كەشەندى جوسپار ازىرلەنىپ، سونىڭ نەگىزىندە 119 شارا جوسپارلانعان بولاتىن. ولادىڭ جالپى قۇنى 219,7 ميلليارد تەڭگەنى قۇرايدى. ول قاراجاتتىڭ 156,7 ملرد تەڭگەسى رەسپۋبليكالىق بيۋدجەتتەن بولسا، 50,6 ميللياردى جەرگىلىكتى بيۋدجەت ەسەبىنەن، ال، 12,4 ميلليارد تەڭگەسى باسقا كوزدەردەن بولادى.

ەستەرىڭىزگە سالا كەتەيىك، وتكەن سەيسەنبى كۇنى قىزىلوردا وبلىسىنىڭ اكىمى قىرىمبەك كوشەرباەۆ قر ۇكىمەت وتىرىسىندا سىر ايماعىنىڭ الداعى ءۇش جىلعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن تانىستىرعان بولاتىن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528