جۇما, 29 ناۋرىز 2024
ساڭلاق 6025 2 پىكىر 31 مامىر, 2019 ساعات 21:23

قىزىلوردالىق «قايساردىڭ» قارقىنى كوڭىل قۋانتارلىق

بيىل قىزىلوردالىق «قايسار» فۋتبول كلۋبى كەرەمەت ونەر كورسەتىپ ءجۇر، - دەپ جازادى اباي-اقپارات.

قازاقستان پرەمەر ليگاسىنىڭ العاشىقى ەكى تۋرىندا جەڭىلىپ، ماۋسىمدى ءسال ءساتسىز باستاعانىمەن، 30 ناۋرىزدان باستاپ 22 مامىرعا دەيىن 11 ويىن بويى جەڭىلىستىڭ كەرمەك ءدامىن تاتقان جوق. وسى ارالىقتا ەل چەمپيوناتىنىڭ تۋرنيرلىك كەستەسىندە ەكىنشى ورىنعا دەيىن كوتەرىلىپ، قازاقستان كۋبوگىنىڭ جارتىلاي فينالىنا جولداما الدى.

وسى 11 ويىننىڭ توعىزىندا جەڭىسكە جەتىپ، ەكى مارتە تەڭ ءتۇستى. ونىڭ وزىندە ەل چەمپيونى «استانا» مەن ۇزدىك كوماندالاردىڭ ءبىرى «ورداباسى» عانا قىزىلوردالىقتاردان ءبىر ۇپاي ولجالاي الدى. «قايساردىڭ» ءبىر ەرەكشەلىگى - ءوز الاڭىندا دا، سىرت الاڭدا دا ءتورت اياعىن تەڭ باسادى. كەيبىر كوماندالار سەكىلدى ءوز ۇيىندە جەڭىسكە جەتىپ، قوناققا بارسا بولدى ۇتىلىپ قايتۋ دەگەن بۇلاردا جوق. ءسوزىمىزدىڭ دالەلى، جاڭاعى توعىز جەڭىستىڭ جەتەۋىنە سىرت الاڭدا قول جەتكىزگەن.

«قاسقىرلاردىڭ» بۇل جەڭىلىسسىز سەرياسى 22 مامىر كۇنى قوستانايدا ءۇزىلدى. قازاقستان كۋبوگى جارتىلاي فينالىنىڭ العاشقى ماتچىندا جەرگىلىكتى «توبىل» قىزىلوردالىقتاردى 1:0 ەسەبىمەن جەڭدى. قارىمتا ويىن 19 ماۋسىمدا «قايساردىڭ» ءوز الاڭىندا وتەدى. سول كەزدە ەل كۋبوگىنىڭ اقتىق سىنىنا جولداما جەڭىپ الۋعا تولىق مۇمكىندىگى بار.

كوماندا كاپيتانى ماقسات بايجانوۆ

وكىنىشتىسى، ستويچو ملادەنوۆ شاكىرتتەرى ەل چەمپيوناتىنىڭ ءXIى تۋرىندا «جەتىسۋدان» جەڭىلىپ، تۋرنيرلىك كەستەدەگى ورنىن ءسال تومەندەتىپ الدى. تالدىقورعاندا وتكەن ويىننىڭ تاعدىرىن 52-ءشى مينۋتىندا وگانەسيان سوققان جالعىز گول شەشتى.

ال بۇگىن وتكەن ەل بىرىنشىلىگىنىڭ ءXIىى تۋرىندا «قايسار» ءوز الاڭىندا «ەرتىستى» قابىلدادى. ەكى ويىن قاتارىنان جەڭىلىپ، قارقىنىن از دا بولسا باسەڭدەتىپ العان قىزىلوردالىقتار «ەرتىستى» ەش قيىندىقسىز جەڭدى.

«قايسار» — «ەرتىس»

گول cوققاندار: بارسەگيان 49 (1:0), لامانج 84 (2:0).

ءدال قازىر «قايسار» پرەمەر ليگانىڭ تۋرنيرلىك كەستەسىندە 26 ۇپايمەن ءتورتىنشى ورىندا تۇر. بىراق كوشباسىنداعى «استانادان» بار بولعانى التى ۇپاي عانا قالىپ كەلەدى. ونىڭ ۇستىنە ەلوردالىقتاردان ەكى ويىندى كەم وتكىزگەن. دەمەك، سول ەكى ماتچتا قورجىنعا تولىق التى ۇپاي سالسا، ەل چەمپيوندارىن قۋىپ جەتەدى.

ەكىنشى ساتىداعى «توبىلدان» تەك ءۇش ۇپايى عانا از. باسقاشا ايتقاندا، قوستانايلىقتار دا قول جەتپەس الىستا ەمەس. ال شىمكەنتتىك «ورداباسى» كومانداسىنىڭ «قايسارمەن» ۇپايى بىردەي. تەك دوپ ايىرماسىمەن عانا ءۇشىنشى ساتىدا تۇر. ەل چەمپيوناتىنىڭ اياقتالۋىنا ءالى 20 تۋر بار. ەگەر «قايسار» وسى قارقىنىنان تانباسا ماۋسىم سوڭىندا جۇلدەلى ورىنداردىڭ بىرىنەن كورىنۋى ابدەن مۇمكىن. بۇعان قوسا، قازاقستان كۋبوگىندا توپ جارۋعا دا مۇمكىندىگى بار.  سەبەبى، ەل كۋبوگىن سوڭعى بەس جىلدا ءتورت رەت جەڭىپ العان «قايرات» بيىل شيرەك فينالدا جارىس جولىنان شىعىپ قالعان. ال ەل چەمپيونى «استانا» تىپتەن 1/8 فينالدان اسا العان جوق. ەگەر «قايسار» جارتىلاي فينالدا «توبىلدان» وتە السا، فينالدا «ورداباسى» - «اتىراۋ» جۇبىنىڭ جەڭىمپازىمەن كەزدەسەدى.

قۋانىش قاپپاس

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564