بيىلعى «قامباش» تىنىعۋ لاگەرىندە 1100 وقۋشى تىنىعاتىن بولادى. كۇنى كەشە وليمپيادالار جانە قوسىمشا ءبىلىم بەرۋ ورتالىعىندا بالالاردىڭ جازعى دەمالىس ماۋسىمىنىڭ اشىلۋ سالانتتى ءوتتى،- دەپ حابارلايدى اباي-اقپارات.

شاراعا قر ءبىلىم مينيسترلىگىنىڭ رەسپۋبليكالىق وقۋ-ادىستەمەلىك ورتالىعىنىڭ جەتەكشىسى باقىت الىباەۆا جانە وبلىستىق ءبىلىم باسقارماسىنىڭ باسشىسى مايرا مەلدەبەكوۆا، ارال اۋدانى اكىمىنىڭ ورىنباسارى مەرەي مەيىربەكوۆ قاتىستى. سونىمەن قاتار قىزىلوردا وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ ديرەكتورى سالا باسشىلارى بالالاردىڭ قاۋىپسىزدىگى قامتۋ، سونداي-اق، تالىمگەرلەرگە ءتيىستى تۇسىندىرمە جۇمىستارىن جۇرگىزدى. شاراعا قاتىسۋشىلار وقۋشىلاردىڭ قولونەر بۇيىمدارىنىڭ جانە روبوتوتەحنيكا كورمەسىن تاماشالادى.

فەستيۆال مەرەكەلىك كونتسەرتكە ۇلاسىپ، بۇلدىرشىندەر شارلارعا اق تىلەكتەرىن جازىپ، كوككە ۇشىردى.

بۇگىنگى كۇنى ءبىرىنشى اۋىسىمدا 130 بالا قابىلدانىپ، تىنىعۋدا. لاگەردە فۋتبول، ۆولەيبول، باسكەتبول، ۇستەل تەننيسى، روبوتوتەحنيكا ۇيىرمەلەرى جانە «تەمىرشى» دەبات كلۋبى مەن «جاس قىران» اسكەري-پاتريوتتىق كلۋبى بالالاردىڭ دەمالىسىن قىزىقتى وتكىزۋگە ات سالىسپاق.

ەستەرىڭىزگە سالا كەتەيىك، وبلىس كولەمىندە 9 ساۋىقتىرۋ ورتالىعى مەن دەمالىس لاگەرى جۇمىس ىستەيدى. اتالعان ورتالىقتاردا بيىل 10 مىڭعا تارتا بالا دەمالىسپەن قامتىلۋى جوسپارلانعان.

Abai.kz