سىر وڭىرىندە تاريحي جانە مادەنيەت ەسكەرتكىشتەرىن قالپىنا كەلتىرۋ، زەرتتەۋ، قورعاۋ جانە ناسيحاتتاۋ جۇمىستارى قارقىندى جۇرگىزىلۋدە،- دەپ حابارلايدى اباي-اقپارات.

قىزىلوردا وبلىسىندا 2013 جىلى ايماق باسشىلىعىنىڭ قولداۋىمەن تاريحي-مادەني مۇرالارىن قورعاۋ جانە پايدالانۋ جونىندەگى عىلىمي-ادىستەمەلىك كەڭەس جۇمىس ىستەيدى. بۇگىنگە دەيىن ولار تاريح جانە مادەنيەت ەسكەرتكىشتەرىن قايتا قالپىنا كەلتىرۋ، زەرتتەۋ، قورعاۋ، ناسيحاتتاۋ باعىتىندا بىرقاتار شارۋالاردى اتقارعان.

ماسەلەن، جىل باسىنان بەرى وبلىستا 20 ەسكەرتكىش قايتا جاڭعىرتۋدان وتكەن. اتاپ ايتقاندا، قورقىت اتا ەسكەرتكىش كەشەنى، وبلىستىق اسكەري كوميسسارياتتىڭ شاقىرۋ پۋنكتى، وبلىستىق تاريحي-ولكەتانۋ مۋزەيى، قالقاي يشان كەسەنەسى، قالجان احۋن مەشىت-مەدرەسەسى، مىرزاباي احۋن جەرلەۋ كەشەنى، باۋىرلاستار بەيىتى، ءا.مولداعۇلوۆا، ءا.ەگىزباەۆ، س.قوجانوۆ، ت.جۇرگەنوۆ، ز.شۇكىروۆ، ى.التىنسارين مۇسىندەرى وبلىستىق بيۋدجەت ەسەبىنەن قارجىلاندىرىلعان. سونداي-اق، ا.توقماعامبەتوۆ اتىنداعى مادەنيەت ورتالىعى، ساياسي-قۋعىن سۇرگىن قۇرباندارىنا ارنالعان ەسكەرتكىش قالالىق بيۋدجەت ەسەبىنەن جۇزەگە اسسا، مارال يشان كەسەنەسى قارماقشى اۋداندىق بيۋدجەتى ەسەبىنەن جۇرگىزىلدى.

وتكەن جىلى «تۋعان جەرگە تاعزىم» اكتسياسى شەڭبەرىندە دەمەۋشىلەردىڭ كومەگىمەن 4 ەسكەرتكىش قايتا قالپىنا كەلتىرىلدى»، - دەيدى وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى ميرا ءابۋوۆا.

بۇگىنگى تاڭدا وبلىستا جەدەل قايتا جاڭعىرتۋدى قاجەت ەتەتىن ارحيتەكتۋراسى ەرەكشە 11 كەسەنە مەن مۇنارا بار. سونىمەن قاتار، وسىنداي 62 ەسكەرتكىش قايتا جاڭعىرتۋ جانە كونسەرۆاتسيالاۋدى قاجەت ەتەدى.

Abai.kz