جۇما, 29 ناۋرىز 2024
3123 0 پىكىر 30 مامىر, 2019 ساعات 21:03

قاراعاندىدا 86 كوپبالالى وتباسى قونىس تويىن تويلادى

قاراعاندىدا 86 كوپبالالى وتباسى قونىس تويىن تويلادى. 30 مامىر كۇنى قالا اكىمى نۇرلان اۋباكىروۆ ولارعا پاتەر كىلتىن تابىس ەتتى.

بۇل پاتەرلەر قاراعاندىنىڭ وڭتۇستىك-شىعىسىندا بايكەن ءاشىموۆ اتىنداعى جاڭا شاعىناۋداندا سالىنعان ۇيلەردە ورنالاسقان. بولاشاقتا مۇندا قالانىڭ اكىمشىلىك-ىسكەرلىك جانە مادەني ورتالىعى ورنالاسادى. جاڭا شاعىناۋداندا الەۋمەتتىك جانە سپورت نىساندارى، گۇلزارلار، كونتسەرت زالى، بالالار مەن جاسوسپىرىمدەر سارايى جانە باسقا دا كوپتەگەن نىسانداردىڭ قۇرىلىسى جوسپارلانعان.

«قازىر وبلىس ورتالىعىندا 1500-دەن استام كوپبالالى وتباسى اتاۋلى الەۋمەتتىك كومەك الۋدا. 500-گە جۋىعى جول ءجۇرۋ جەڭىلدىگىمەن قامتاماسىز ەتىلگەن. كوپبالالى اتا-انالارعا بالاباقشادا 50% جەڭىلدىك قاراستىرىلعان. سونىمەن قاتار، ولاردىڭ بالالارى سپورتتىق سەكتسيالار مەن ۇيىرمەلەرگە تەگىن بارا الادى. ال جازدا «ساليۋت» لاگەرىندە دەمالۋعا مۇمكىندىك جاسالعان»، - دەپ اتاپ ءوتتى قاراعاندى قالاسىنىڭ اكىمى نۇرلان اۋباكىروۆ.

ەلباسى نۇرسۇلتان ءابىشۇلى نازارباەۆتىڭ، قر پرەزيدەنتى قاسىم-جومارت توقاەۆتىڭ، قاراعاندى وبلىسىنىڭ اكىمى ەرلان قوشانوۆتىڭ تاپسىرماسى بويىنشا كوپبالالى وتباسىلارعا كەشەندى قولداۋ كورسەتىلۋدە.

ەستەرىڭىزگە سالا كەتەيىك، 1 مامىردا 10 كوپ بالالى وتباسى پاتەر كىلتىنە يە بولعان ەدى. قاراعاندىدا مەملەكەتتىك تۇرعىن ءۇي قورىنان تۇرعىن ءۇي الۋعا 494 وتباسى كەزەكتە تۇر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580