جۇما, 29 ناۋرىز 2024
اتتەڭ... 6299 28 پىكىر 30 مامىر, 2019 ساعات 12:41

يسلام ابىشەۆ نەگىزسىز جالانىڭ قۇربانى بوپ كەتپەسىن!

قازاقستان رەسپۋبليكاسى پرەزيدەنتى قاسىم-جومارت توقاەۆقا

اشىق حات

سۋ رەسۋرستارى كوميتەتى توراعاسى يسلام ابىشەۆ كەزەكتى نەگىزسىز جالانىڭ قۇربانى بولۋدا…

بۇكىل عۇمىرى ەل يگىلىگى جولىندا ەرەن ەڭبەك ەتۋمەن كەلە جاتقان، مەملەكەت مۇددەسىن قورعاۋدا جانكەشتىلىگىمەن بەلگىلى،  ادال دا ىسكەر باسشى، رۋحانياتقا قامقور رۋحى بيىك قايراتكەر، يگىلىكتى ىستەرىمەن ءيسى قازاققا تانىمال يسلام ابىشەۆتىڭ اياق استى، كەنەتتەن تۇتقىندالۋى ەلدىڭ توبەسىنەن جاي تۇسكەندەي اسەر ەتتى.   ال قازاقتىڭ اتقا مىنگەندەرى  قۇلاسا، الاقايلاپ  شاباتىن كەيبىر باسىلىمدار اسىرا سىلتەپ،  جارىسا  جازىپ جاتتى… 

وڭتۇستىكتى وردالى ولكە ەتۋدە وڭدى ىستەرىمەن كورىنگەن، وسكەمەندى وسكەلەڭ قالا ەتكەن، سۋ سالاسىن ەل مۇددەسىنە جاراتىپ كەلە جاتقان، سول ءۇشىن ەلباسىنىڭ تالاي العىسى مەن ماراپاتىن يەلەنگەن سۋ رەسۋرستارى كوميتەتى توراعاسى يسلام ابىشەۆتى ەل مەملەكەت مۇددەسىن قورعاۋشى، ىسكەر دە دارىندى ۇيىمداستىرۋشى، العىر دا ادال ازامات رەتىندە جاقسى بىلەدى. ول وسى قىزمەتكە كىرىسە سالىسىمەن،  مەملەكەت قازىناسىنان  الدىمەن 300 ميلليارد تەڭگەنى ۇنەمدەگەندە جوعارى جاق تا، قاراپايىم حالىق تا ريزا بولعان ەدى. كەيىن مەملەكەتتىك باعدارلاماعا بولىنگەلى تۇرعان 1 تريلليون 500 ميلليارد تەڭگەنىڭ 1 تريلليوندايىن ۇنەمدەگەنى كەزىندە باسپاسوزدە كوپ جازىلدى.

سونىمەن بارلىعى مەملەكەت قارجىسىنان، ياعني ءسىز بەن ءبىزدىڭ، حالىق قازىناسىنان جەكە قالتالارعا جەم بولعالى تۇرعان 1 تريلليون 300 ميللياردتاي تەڭگەنى ۇنەمدەدى. ال وزگە مەملەكەتتە مەملەكەت مۇددەسىن وسىلاي قورعاعان بۇنداي ىسكەر دە، ادال باسشىنى ماڭدايىنان سىيپاپ، ماراپاتتاۋشى ەدى… ال بىزدە تۇتقىنداپ وتىر…

بىراق بۇل xالىق قازىناسىن قىزعىشتاي قورعاپ، قىرۋار قارجىنى ۇنەمدەۋى يسلام ابىشەۆتىڭ وزىنە دە وڭاي بولماي، تىم «قىمباتقا» ءتۇستى. ەندى مىنە، الداعى ەكى ايعا جەتەر-جەتپەس ۋاقىتتا زەينەت دەمالىسىنا شىقپاقشى بولىپ وتىرعاندا، كۇماندى بىرەۋلەردىڭ جالا جاپقان ارىزى بويىنشا ەشقانداي ناقتى دالەلسىز كەنەتتەن تۇتقىندالدى… اتپال ازامات، قارانار قايراتكەرىمىزدىڭ حالىق يگىلىگى ءۇشىن «كۇندىز وتىرماي، تۇندە ۇيىقتاماي، قارا تەرىن توككەن» كۇندەرىنىڭ وتەۋى – پايعامبار جاسىنا كەلگەندە، جۇرەگى اۋرۋ، قان قىسىمى 160-تان تۇسپەيتىن جاعدايدا تاستاي سۋىق تاس تۇرمەدە كۇنىن وتكىزۋ بولىپ تۇر…

1. ءبارى 2012-2013 جىلدارىسۋ رەسۋرستارى كوميتەتى توراعاسى يسلام ابىشەۆتىڭ سۋ سالاسىنا بيۋدجەتتەن بولىنەر قارجىدان 300 ميلليارد تەڭگەنى ۇنەمدەگەنىنەن باستالدى. قولدان سۋسىپ شىعىپ كەتكەن ميللياردتاردىڭ تاساسىندا تۇرعاندار تاس اتقىلاپ، تالاي جالاعا ۇشىرادى. يسەكەڭ ونىڭ بارىنەن كۇيە جۇقتىرماي، تالاي تەكسەرىستەن تازا شىقتى. سوڭىنا شام الىپ تۇسكەندەر يسەكەڭدى اقىرى جۇمىستان كەتىردى. سونىڭ كەسىرىنەن يسلام ابىشەۆ 9 اي جۇمىسسىز ءجۇردى.

«اققا قۇداي جاق» دەگەندەي، اقىرى كىمنىڭ كىم ەكەنىن بارىمىزدەن جاقسى بىلەتىن ەلباسىمىز نۇرسۇلتان نازارباەۆ «قر سۋ رەسۋرستارىن دامىتۋدىڭ مەملەكەتتىك باعدارلاماسىن» ودان ءۇش ەسە ارزان، ەسەسىنە بىرنەشە ەسە جۇمىس كولەمى  ارتىق بالاما باعدارلاما ۇسىنعان يسلام ابىشەۆتى ءوزى شاقىرىپ الىپ، ءوزىنىڭ بۇرىنعى توراعالىق تورىنە قايتا وتىرعىزدى.

سودان بەرى يسلام ابىشەۆ ەلىمىزدى سۋلاندىرۋ سالاسىندا مەملەكەتتىك باعدارلاما قابىلداتىپ، تالاي جەردى سۋلاندىرىپ، حالىق قازىناسىنان تريلليوننان اسا قارجى ۇنەمدەپ، مەملەكەتتىك دەڭگەيدەگى مەنەدجەر رەتىندە تانىلدى. ينۆەستيتسيا تارتۋدا دا يكەمدىلىگىن كورسەتىپ، اۋىل شارۋاشىلىعى سالاسىنا قىرۋار قارجى ءتۇسىردى.

2. 2015-2016 جىلدارىيسلام ابىشەۆ مەملەكەتتىك باعدارلاماعا بولىنگەلى تۇرعان 1 تريلليون 500 ميلليارد تەڭگەنىڭ 1 تريلليوندايىن ۇنەمدەدى.سول-اق ەكەن، تەكسەرىسپەن تىنىشتىق بەرمەگەندەر اقىرى تاعى ءبىر الاياقتىڭ ارىزى ارقاسىندا «قازاقستان سۋ شارۋاشىلىعى» رەسپۋبليكالىق مەملەكەتتىك كاسىپورنىنىڭ بۇرىنعى باس ديرەكتورى ومىربەك جامپوزوۆتى جازىقسىز تۇتقىندادى.

ءيا، ادىلەتسىز جالاعا كۇيىپ كەتكەن ومىربەك جامپوزوۆ  2017 جىلى 20 شىلدەدە اقمولا وبلىسى تسەلينوگراد اۋدانى پروكۋراتۋراسى الدىندا پروكۋراتۋرا قىزمەتكەرى مەن پوليتسەيگە وق اتىپ، جارالاعان. سودان سوڭ «الجير» ساياسي قۋعىن-سۇرگىن قۇرباندارىنىڭ قاسىرەت مۇراجايى الدىندا ءوزىن اتىپ ءولتىردى.

3.. ال 2018 جىلى سۋ رەسۋرستارى كوميتەتى «قازسۋشار»  الماتى فيليالى ديرەكتورى سەيىلحان مۇحامەديەۆ مىرزاحانۇلى تەرگەۋشىلەردىڭ  تەرگەۋى ۇستىندە 4-ءشى قاباتتان سەكىرىپ كەتىپ، جۇمباق جاعدايدا قايعىلى قازاعا ۇشىرادى…

سۋ شارۋاشىلىعى باسشىلارىن «اۋلاۋدىڭ» اقىرى مىنە،  سۋ رەسۋرستارى كوميتەتىنىڭ توراعاسى يسلام ابىشەۆتىڭ وزىنە جەتىپ،   نەگىزسىز تۇتقىنداۋعا كەلىپ تىرەلدى…

4. قازاقستان پرەزيدەنتى قاسىم-جومارت توقاەۆ تاياۋدا اۋىلشارۋاشىلىعى ءمينيسترى ساپارحان وماروۆتى قابىلداعاندا، سۋارمالى ەگىنشىلىك جەرلەرىن 1,4 ميلليوننان 2 ميلليون گەكتارعا ارتتىرۋدى جالعاستىرۋ، سونداي-اق، ەگىستىك القاپتارىن ءارتاراپتاندىرۋدىڭ قاجەتتىگىن تاپسىردى.

مىنە، مەملەكەت باسشىسى باسا نازار اۋدارعانداي، يسلام ابىشەۆتىڭ باسشىلىعىمەن سوڭعى 2018-2019 جىلدارى 1,4 ميلليون گەكتار جەرگە قوسىمشا  ەندى بۇرىن جارامسىز بولىپ كەلگەن 610,0 مىڭ گا جەردى سۋلاندىرۋعا بارلىق جوسپارىن جاساپ، كىرىسىپ كەتۋگە دايىن تۇرعان بولاتىن…  ال بۇل قانشاما مىڭداعان جۇمىس ورنى  ەكەنى بەلگىلى.    

ەكى ايدان سوڭ  زەينەتكە شىعاتىن يسلام ءالماxانۇلى xالىق قازىناسىن – مەملەكەتتىك مۇددەنى قالاي قورعاسا، ۇلتتىق مۇددەنى دە قورعاۋدا  دا سونداي تاباندىلىق تانىتىپ جۇرەدى.  ءوزى اكىم بولعان ءۇش جىلدا ۇلگىلى دە، وسكەلەڭ قالاعا اينالدىرىپ جىبەرگەن وسكەمەننىڭ كوركىن عانا كوركەيتىپ كەتكەن جوق، ەكونوميكالىق-الەۋمەتتىك دەڭگەيىن دە بيىك كوتەردى. ەلباسىمىز نۇرسۇلتان نازارباەۆ وسكەمەنگە ءبىر كەلگەندە يسلام ابىشەۆتىڭ ەڭبەگىنە قاتتى ريزا بولىپ، «وسكەمەندى  لەزدە وزگەرتىپ جىبەرىپسىڭ» دەپ، ارقاسىنان قاعىپ كەتكەن بولاتىن.

 سوندىقتان دا يسلام ابىشەۆ قىزمەت بابىمەن استاناعا اۋىساردا قالانىڭ تايلى-تۇياعى قالماي، سۇيىكتى اكىمىن شىعارىپ سالۋشىلار اۋەجايدى باسىپ قالدى… بۇل وقيعانى جەرگىلىكتى ورىس ءتىلدى گازەتتەر «وسكەمەندىكتەر نايزامەن قارسى العان اكىمدى كوز جاسىمەن شىعارىپ سالدى» دەپ جازدى.  

يسەكەڭ مەملەكەت مۇلكى، حالىق قازىناسى تۇگىلى ەشكىمنىڭ الا ءجىبىن اتتامايتىن، قينالعانعا  استىنداعى جالعىز اتىن ءتۇسىپ بەرىپ كەتە بەرەتىن اق كوڭىل دە، ادال، يماندى، زادى زيالى جان.  

ەندى مىنە،  مەملەكەتتىڭ تريلليوننان اسا  قارجىسىن ۇنەمدەپ، حالىق قازىناسىن قورعاپ، ەل يگىلىگىنە ەڭبەك ەتكەن  يسلام ابىشەۆتىڭ تاعى دا توسقاۋىلعا تاپ بولىپ، دالەسىز-دايەكسىز تاس تۇرمەدە كۇن وتكىزىپ،  قاماۋدا جاتقانىن قالاي تۇسىنۋگە بولادى؟

ال تاپسىرىس بەرۋشى كىم بولۋى مۇمكىن؟ ءداۋ دە بولسا، يسلام ابىشەۆتىڭ مەملەكەت قارجىسىنان ۇنەمدەگەن ميللياردتارى جانىنا قاتتى باتىپ كەتكەن شونجارلار بولۋى مۇمكىن… «اققا قۇداي جاق» دەگەندەي، ەشكىم دە، ەشنارسە دە ۇمىتىلمايدى. ەرتەڭ تاسادان تاس اتقىشتار دا ىستەگەن ىستەرىنە ار الدىندا دا، زاڭ الدىندا دا، ەڭ باستىسى اللا الدىندا جاۋاپ بەرەدى.

«قازاق ءۇنى» گازەتى مەن ۇلتتىق پورتالىندا جاريالانعان «تريلليون ۇنەمدەسەڭ – تۇرمەگە تۇسەسىڭ» اتتى ماقالانى ءبىر كۇندە ون مىڭعا جۋىق ادام وقىپ، الەۋمەتتىك جەلىدە قانشاما ادام ءبولىسىپ، قانشاما وقىرمان پىكىر جازىپ، ايتۋلى ازاماتتى ايقىن قولداپ، ءوز ۇندەرىن قوسۋدا.

ءبىز، ۇلت زيالىلارى، ەلى ءۇشىن ەسەلى ەڭبەك ەتىپ كەلە جاتقان ەرىمىز يسلام ابىشەۆتىڭ ءىسى ءادىل دە، وڭ شەشىلۋىن، جازىقسىز ازامات جالا قۇربانى بولىپ، بەكەرگە كۇيىپ كەتپەۋىن سۇرايمىز. 

قۇرمەتپەن، ۇلت زيالىلارى:

ءماتىندى تولىق وقىدىم، قولدايمىن  جانە قولىمنان باس تارتپايمىن:

قابدەش ءجۇمادىلوۆ,  جازۋشى، قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى;

ءسابيت دوسانوۆجازۋشى، مەملەكەتتىك سىيلىقتىڭ لاۋرەاتى، شولوحوۆ اتىنداعى حالىقارالىق سىيلىقتىڭ لاۋرەاتى;

دۋلات يسابەكوۆجازۋشى-دراماتۋرگ، مەملەكەتتىك سىيلىقتىڭ لاۋرەاتى;

نۇرعالي ءنۇسىپجانوۆقازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى;

روزا رىمباەۆا, قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى;

تولەن ابدىك, جازۋشى-دراماتۋرگ، مەملەكەتتىك سىيلىقتىڭ لاۋرەاتى;

بەكسۇلتان نۇرجەكەەۆ، جازۋشى، مەملەكەتتىك سىيلىقتىڭ لاۋرەاتى;

دوسحان جولجاقسىنوۆ، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى;

سماعۇل ەلۋباي، جازۋشى، قازاقستاننىڭ  ەڭبەگى سىڭگەن قايراتكەرى،

تەمىرحان مەدەتبەك،  اقىن،مەملەكەتتىك سىيلىقتىڭ لاۋرەاتى;

رافاەل نيازبەك،  اقىن، «تۇركى دۇنيەسىنە قىزمەت» سىيلىعىنىڭ لاۋرەاتى;

يسرايل ساپارباي، اقىن،تاۋەلسىز تارلان – پلاتينا سىيلىعىنىڭ لاۋرەاتى، «پاراسات» وردەنى يەگەرى;

تۇرسىن جۇرتباي، جازۋشى، الاشتانۋشى;

تولەگەن مۇحامەتجانوۆ، كومپوزيتور، مەملەكەتتىك سىيلىقتىڭ لاۋرەاتى;

تالعات تەمەنوۆ, رەجيسسەر، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى;

ۇلىقبەك ەسداۋلەتاقىن، قازاقستان جازۋشىلار وداعى باسقارماسىنىڭ توراعاسى، مەملەكەتتىك سىيلىقتىڭ لاۋرەاتى، قازاقستاننىڭ  ەڭبەگى سىڭگەن قايراتكەرى;

ەسەنعالي راۋشانوۆ، اقىن، مەملەكەتتىك سىيلىقتىڭ لاۋرەاتى، قازاقستاننىڭ  ەڭبەگى سىڭگەن قايراتكەرى;

تىنىشتىقبەك ابدىكاكىمۇلى, اقىن، مەملەكەتتىك سىيلىقتىڭ لاۋرەاتى;

كوپەن امىربەك،  «ارا» گازەتىنىڭ  باس رەداكتورى، قازاقستاننىڭ  ەڭبەگى سىڭگەن قايراتكەرى، حالىقارالىق الاش سىيلىعىنىڭ لاۋرەاتى;

سەمبەك جۇماعاليەۆ، قازاقستاننىڭ ەڭبەك سىڭىرگەن قايراتكەرى;

اقجول مەيىربەكوۆ، قازاقستاننىڭ ەڭبەك سىڭىرگەن ءارتىسى;

نۇرلان ونەرباەۆ, قازاقستاننىڭ ەڭبەك سىڭىرگەن ءارتىسى;

دانداي ىسقاق،  فيلولوگيا عىلىمى دوكتورى، پروفەسسور، «قۇرمەت» وردەنىنىڭ يەگەرى، كۇلتەگىن اتىنداعى سىيلىقتىڭ لاۋرەاتى، حالىقارالىق ش.ايتماتوۆ اكادەمياسىنىڭ  اكادەميگى;

مىرزاگەلدى كەمەل، ەكونوميكا عىلىمى دوقتورى، پروفەسسور;

قۇلبەك ەرگوبەك، فيلولوگيا عىلىمى دوكتورى، پروفەسسور،

باقىت ساربالاۇلى،  سىنشى،  حالىقارالىق الاش سىيلىعىنىڭ لاۋرەاتى;

جانعالي ءجۇزباي،  كۇيشى، كر ەڭبەك سىڭىرگەن قايراتكەرى;

ءحانبيبى ەسەنقاراقىزى، اقىن، قازاقستاننىڭ  ەڭبەگى سىڭگەن قايراتكەرى، حالىقارالىق الاش سىيلىعىنىڭ لاۋرەاتى;

مارات توقاشباي، جۋرناليست-جازۋشى،  «پرەزيدەنت جانە حالىق» گازەتىنىڭ باس رەداكتورى، قر پەداگوگيكا عىلىمى اكادەمياسىنىڭ كوررەسپوندەنت مۇشەسى;

ۇلىقپان سىدىقوۆ، تەحنيكا عىلىمى دوكتورى، پروفەسسور;

داريعا تۇرانقۇلوۆا، پروفەسسور، قازاقستاننىڭ ەڭبەك سىڭىرگەن قايراتكەرى;

ايجان نۇرماعامبەتوۆا، قازاقستاننىڭ ەڭبەك سىڭىرگەن ءارتىسى;

باعدات سامەتدينوۆا، قازاقستاننىڭ ەڭبەك سىڭىرگەن ءارتىسى;

باحتيار تايلاقباەۆ، قازاقستاننىڭ ەڭبەك سىڭىرگەن ءارتىسى;

گۇلنار سيحىمباەۆا، قازاقستاننىڭ ەڭبەك سىڭىرگەن ءارتىسى;

مارات يلياسوۆ، كومپوزيتور، قازاقستاننىڭ ەڭبەك سىڭىرگەن ءارتىسى;

مارات وماروۆ, كومپوزيتور، قازاقستاننىڭ ەڭبەك سىڭىرگەن ءارتىسى;

نۇرلان بايكوزوۆ، كومپوزيتور، قازاقستاننىڭ مادەنيەت قايراتكەرى;

گاۋحار بالتاباەۆا، فيلولوگيا عىلىمى دوكتورى، پروفەسسور;

عالىم جايلىباي، اقىن، قازاقستاننىڭ  ەڭبەگى سىڭگەن قايراتكەرى، حالىقارالىق الاش سىيلىعىنىڭ لاۋرەاتى;

سەكەن تۇرىسبەكوۆكۇيشى،قازاقستاننىڭ  ەڭبەگى سىڭگەن قايراتكەرى;

ەرتاي اشىقباەۆاقىن-جۋرناليست، حالىقارالىق الاش سىيلىعىنىڭ لاۋرەاتى;

باۋىرجان قارابەك، اقىن، حالىقارالىق الاش سىيلىعىنىڭ لاۋرەاتى;

قاسىمحان بەگمانوۆ، اقىن، قازاقستاننىڭ  ەڭبەگى سىڭگەن قايراتكەرى، حالىقارالىق الاش سىيلىعىنىڭ لاۋرەاتى;

ەرتاي ايعاليۇلى، «قازاقستان-زامان» گازەتiنiڭ باس رەداكتورى;

ەرمۇرات ءباپي، جۋرناليست،  «دات» جوباسىنىڭ جەتەكشىسى;

سەرىك جانبولات، جۋرناليست، «الاش ايناسى» پورتالى باس رەداكتورى;

باۋىرجان جاقىپ،  اقىن، قازاقستان جازۋشىلار وداعى باسقارماسى توراعاسىنىڭ ورىنباسارى،  م.ماقاتاەۆ اتىنداعى  سىيلىقتىڭ لاۋرەاتى; قر ۇلتتىق عىلىم اكادەمياسىنىڭ كوررەسپوندەنت مۇشەسى;

قازىبەك يسا،  اقىن، حالىقارالىق الاش سىيلىعىنىڭ لاۋرەاتى، حالىقارالىق س. ەسەنين اتىنداعى سىيلىق – «التىن كۇز» وردەنى يەگەرى، يۋنەسكو الەم ونەرى مەن مادەنيەتى اكادەمياسىنىڭ اكادەميگى;

مارالتاي رايىمبەكۇلى، اقىن، قازاقستاننىڭ  ەڭبەگى سىڭگەن قايراتكەرى،  حالىقارالىق  الاش سىيلىعىنىڭ لاۋرەاتى;

باقىت بەدەلحان، اقىن، قازاقستان جازۋشىلار وداعى باسقارماسى توراعاسىنىڭ ورىنباسارى،  حالىقارالىق الاش سىيلىعىنىڭ لاۋرەاتى;

باۋىرجان باباجانۇلى،  اقىن-جۋرناليست، «اقتوبە» وبلىستىق گازەتىنىڭ باس رەداكتورى;

داۋرەن قۋات، جازۋشى، «قازاق ادەبيەتى» گازەتىنىڭ باس رەداكتورى;

ابزال قۇسپان، زاڭگەر، ادۆوكات;

جۇبانىش جەكسەنۇلى،  ءانشى، قازاقستاننىڭ  ەڭبەگى سىڭگەن قايراتكەرى;

ەلەنا ابدىحالىقوۆا،  ءانشى-سازگەر، قازاقستاننىڭ  ەڭبەگى سىڭگەن قايراتكەرى;

لۇقپان جولداسوۆ، قازاقستاننىڭ ەڭبەك سىڭىرگەن قايراتكەرى;

مەدەۋ ارىنباەۆ، قازاقستاننىڭ ەڭبەك سىڭىرگەن قايراتكەرى;

قىدىرالى بولمانوۆ، ءانشى، پروديۋسەر،  قازاقستاننىڭ ەڭبەك سىڭىرگەن قايراتكەرى;

جانار ايجانوۆا، ءانشى،  قازاقستاننىڭ ەڭبەك سىڭىرگەن قايراتكەرى;

باقىت شاداەۆا، ءانشى، قازاقستاننىڭ ەڭبەك سىڭىرگەن قايراتكەرى;

جەڭىس ىسقاقوۆا، قازاقستاننىڭ ەڭبەك سىڭىرگەن قايراتكەرى;

جەڭىس سەيدوللاۇلى، قازاقستاننىڭ ەڭبەك سىڭىرگەن قايراتكەرى;

بولات قۇسايىنوۆ، قازاقستاننىڭ ەڭبەك سىڭىرگەن قايراتكەرى;

التىناي جوراباەۆا، قازاقستاننىڭ ەڭبەك سىڭىرگەن قايراتكەرى;

مارجان اراپباەۆا، ءانشى، «ازيا داۋىسى» بايقاۋىنىڭ جەڭىمپازى، قازاقستاننىڭ ەڭبەك سىڭىرگەن قايراتكەرى;

سايات مەدەۋوۆ, ءانشى،  قازاقستاننىڭ ەڭبەك سىڭىرگەن قايراتكەرى;

گاۋحار الىمبەكوۆا, ءانشى، حالىقارالىق بايقاۋلاردىڭ جۇلدەگەرى;

الما امانجولوۆا، ءانشى، قازاقستاننىڭ ەڭبەك سىڭىرگەن قايراتكەرى;

قالدىبەك قۇرمانالى، كومپوزيتور، «قۇرمەت» وردەنىنىڭ يەگەرى;

اسقار نايمانتاەۆ، قازاقستاننىڭ ەڭبەك سىڭىرگەن قايراتكەرى;

مۇحامەتجان مىرزاكەەۆ، قازاقستاننىڭ مادەنيەت قايراتكەرى;

گۇلباۋشان تىلەۋبەكوۆا، قازاقستاننىڭ ەڭبەك سىڭىرگەن قايراتكەرى;

داناگۇل تەمىرسۇلتانوۆا، قازاقستاننىڭ ەڭبەك سىڭىرگەن قايراتكەرى;

ۇلان ءنۇسىپالى، قازاقستاننىڭ ەڭبەك سىڭىرگەن قايراتكەرى;

دارحان دايىرباي, قازاقستاننىڭ ەڭبەك سىڭىرگەن قايراتكەرى;

اسقار جۇنىسبەكوۆ، ءانشى، «جاس قانات» بايقاۋىنىڭ لاۋرەاتى;

قايرات تۇنتەكوۆ، ءانشى، «سۋپەرستار» جوباسىنىڭ جەڭىمپازى;

داۋلەتكەرەي كاپۇلى،  اقىن، قازاقستان جازۋشىلار وداعى نۇر-سۇلتان قالالىق فيليالى توراعاسى، قازاقستاننىڭ  ەڭبەگى سىڭگەن قايراتكەرى;

مىرزان كەنجەباي،  اقىن، «مادەنيەت» جۋرنالى باس رەداكتورىنىڭ ورىنباسارى، قر مادەنيەت قايراتكەرى;

الماس احمەتبەكۇلى، اقىن، قر مادەنيەت قايراتكەرى;

قۇلتولەۋ مۇقاش، جۋرناليست-جازۋشى، «قازاق ءۇنى» گازەتىنىڭ باس رەداكتورى، قر مادەنيەت قايراتكەرى، قازاقستان جۋرناليستەر وداعى سىيلىعىنىڭ لاۋرەاتى;

بەرىك بەيسەنۇلى، جۋرناليست،  «قامشى.كز» سايتىنىڭ باس رەداكتورى، قازاقستان جۋرناليستەر وداعى سىيلىعىنىڭ لاۋرەاتى;

ساۋلە ابىلداحانقىزى، تەلەجۋرناليست، بلوگەر  «استانا-اقجۇنىس» جۋرنالىنىڭ باس رەداكتورى;

ماعاۋيا قوزباعاروۆ، «تاماشانىڭ تارلانى، «كۇلكىستان» تەاترىنىڭ ديرەكتورى، پروديۋسەر;

ەسقايىر باباحانوۆ، «دوس-مۇقاسان» توبىنىڭ مۇشەسى، جامبىل اتىنداعى مەملەكەتتىك فيلارمونياسىنىڭ ديرەكتورىنىڭ ورىنباسارى، قازاقستاننىڭ ەڭبەك سىڭىرگەن قايراتكەرى;

بولات بوكەنوۆ، اباي اتىنداعى وپەرا جانە بالەت تەاترىنىڭ ءانشىسى، قازاقستاننىڭ ەڭبەك سىڭىرگەن قايراتكەرى;

سەيفۋللين جولبارىس، ءانشى، كومپوزيتور،  قازاقستاننىڭ ەڭبەك سىڭىرگەن قايراتكەرى;

سايا ماحامبەت، ءانشى، حالىقارالىق بايقاۋلاردىڭ جەڭىمپازى;

ەرعالي ءابدىرايىموۆ، «جىگىتتەر» توبى پروديۋسەرى;

ەسەن ەلەۋكەن، «جايدارمان» كۆن جوباسىنىڭ پروديۋسەرى;

نۇرلان ەسپانوۆ، ءانشى، كومپوزيتور;

وكتەم التاەۆ، ءانشى-سازگەر، قازاق ونەرىنىڭ قايراتكەرى;

باقىتجان قاجىمۇقانوۆ، ءانشى، كومپوزيتور;

ءادىلحان قابىلوۆ، تاماشانىڭ تارلانى;

ومىرزاق اقجىگىت، تاۋەلسىز جۋرناليست;  

سەرىك مامبەتوۆ، تاۋەلسىز جۋرناليست;  

قاجىمۇقان عابدوللا, «جۇزدەسۋ» گازەتىنىڭ باس رەداكتورى، «قازاق ەلى» قوعامدىق ۇيىمى توراعاسى;

داستان ەلدەسوۆ، جۋرناليست،  قر اقپارات ءىسىنىڭ ۇزدىگى;

باقىتجان الديار، اقىن، حالىقارالىق  الاش سىيلىعىنىڭ لاۋرەاتى;

ساكەن سىبانباي، جۋرناليست،  قر اقپارات ءىسىنىڭ ۇزدىگى;

الىبەك شەگەباي، اقىن، قازاقستان جازۋشىلار وداعى تۇركىستان وبلىستىق  فيليالى توراعاسى، قازاقستاننىڭ «سەرپەر» جاستار سىيلىعىنىڭ لاۋرەاتى;

بەكجان اشىرباەۆ، جۋرناليست،  قر اقپارات ءىسىنىڭ ۇزدىگى;

نارتاي وتەگەنوۆ، تەلەجۋرناليست،  قر اقپارات ءىسىنىڭ ۇزدىگى;

سەرىك سەيىتمان، اقىن، ت.ايبەرگەنوۆ اتىنداعى سىيلىقتىڭ لاۋرەاتى;

ازامات تاسقاراۇلى،  اقىن، Qazaquni.kz  پورتالى باس رەداكتورى، «دارىن» مەملەكەتتىك جاستار سىيلىعىنىڭ لاۋرەاتى;

تولەمىرزا تەمىربەكۇلى، جۋرناليست، «ءتورتىنشى بيلىك» گازەتى باس رەداكتورى، قر مادەنيەت قايراتكەرى;

نۇرگەلدى ابدىعانيۇلى, «Abai.kz» اقپاراتتىق پورتالى باس رەداكتورىنىڭ ورىنباسارى، اقپارات سالاسىنىڭ ۇزدىگى;

ءساليا ابدىكارىموۆا، جۋرناليست، «جۇراعات» جۋرنالى باس رەداكتورى، قر مادەنيەت قايراتكەرى.

زەينوللا  اباجان، جۋرناليست، قر اقپارات ءىسىنىڭ ۇزدىگى;

گۇلميرا  سادىق،  جۋرناليست، رەسپۋبليكالىق بايقاۋلاردىڭ جۇلدەگەرى;

باتىرحان سارسەنحان، اقىن، جۋرناليست، رەسپۋبليكالىق  «شابىت» فەستيۆالىنىڭ گران پري يەگەرى;

گەرويحان قىستاۋباي، تاۋەلسىز جۋرناليست، قوعام بەلسەندىسى;

اۋەلحان شونجان، بلوگەر، قوعام بەلسەندىسى;

التىنباي مۇسا، قر مادەنيەت قايراتكەرى;

مامبەت قۇرمانباەۆ، بلوگەر، قوعام بەلسەندىسى;

جاسۇلان يسا، زاڭگەر،  ءتىل كۇرەسكەرى;

مۇقاعالي بالقىباي, قوعام بەلسەندىسى، ءتىل كۇرەسكەرى;

ءتاشمان شەكەروۆ، ءانشى-تەرمەشى، يۋنەسكو «ۇلتتىق ونەر جاناشىرى» ماراپاتى يەگەرى;

ابدىعاپپار ايداروۆ، ءانشى-تەرمەشى، حالىقارالىق  تەرمەشىلەر كونكۋرسى  بايقاۋىنىڭ لاۋرەاتى، يۋنەسكو «ۇلتتىق ونەر جاناشىرى» ماراپاتى يەگەرى;

اكىم مۇساقۇلوۆ، ءانشى-سازگەر، قر مادەنيەت قايراتكەرى;

تۇرعانبەك قاناەۆ، اقىن، قر جۋرناليستەر وداعى مۇشەسى;

نۇرعالي يبرايىم, پەداگوگ، اقىن، رەسپۋبليكالىق ءمۇشايرالاردىڭ جۇلدەگەرى، قر جۋرناليستەر وداعى مۇشەسى;

ابدىمالىك اعىباي, جۋرناليست، قر جۋرناليستەر وداعى مۇشەسى;

نۇرماحان قارى، جۋرناليست-باسپاگەر، قر جۋرناليستەر وداعى مۇشەسى;

وراز مومىن، كاسىپكەر،  قوعام بەلسەندىسى;

ءسابيت لاحان، جۋرناليست، اقىن، رەسپۋبليكالىق ءمۇشايرالاردىڭ جۇلدەگەرى;

قۇربانبەك شامەت، اقىن، قر جۋرناليستەر وداعى مۇشەسى;

بەگايدار  سماديارۇلى، ەل اعاسى، اۋىل ءبيى;  

جۇماباي يسىم، ەل اعاسى، اۋىل ءبيى;  

ۇلمەكەن لەسبەك، جۋرناليست، اقىن، رەسپۋبليكالىق ءمۇشايرالاردىڭ جۇلدەگەرى.

 بارلىعى  131 ادام  قول قويعان. قول قويۋ جالعاسۋدا.

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. جوعارىداعى سپيكەردىڭ پىكىرى رەداكتسيا ۇستانىمىن بىلدىرمەيدى. الداعى ۋاقىتتا ماقالادا ەسىم-سويلارى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن بەرۋگە ءازىرمىز. 

Abai.kz

28 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616