دۇيسەنبى, 21 قىركۇيەك 2020
COVID-19 قازاقستاندا. جۇقتىرعاندار — 107262. جازىلعاندار — 101877. قايتىس بولعاندار — 1671
ءسۇيىنشى! 2123 11 پىكىر 29 مامىر, 2019 ساعات 19:16

سەمەيدە 45 كوپبالالى وتباسى باسپانالى بولدى

شىعىس قازاقستان وبلىسىنىڭ اكىمى دانيال احمەتوۆ سەمەيدەگى قاراعايلى شاعىن اۋدانىندا بولىپ، قىرىق بەس كوپبالالى وتباسىعا پاتەر كىلتتەرىن تابىس ەتتى، دەپ حابارلايدى قازاقپارات.

كوپبالالى وتباسىلاردى باسپانامەن قامتۋ  ماقساتىندا وبلىستىق تۇرعىن ءۇي قۇرىلىسى باعدارلاماسى اياسىندا قاراعايلىق شاعىن اۋدانىندا سالىنعان ۇيدەن 50 پاتەر ساتىپ الىندى.  ايماق باسشىسى پاتەرلەردى ارالاپ، تۇرعىن ۇيلەردىڭ ساپاسىنا ريزاشىلىعىن ءبىلدىردى، تۇرعىنداردى جاڭا قونىستارىمەن قۇتتىقتادى.

«بارلىق كوپبالالى انالارعا پاتەر بەرۋ كەرەك. بىراق بۇل ۇلكەن ماسەلە ءبىر جىلدىڭ ىشىندە شەشىلمەيدى. وسى جىلى سەمەيدە جىل سوڭىنا دەيىن تاعى 30 وتباسىعا پاتەر بەرىلەدى دەگەن جوسپار بار. وسى جىلدىڭ ەكىنشى جارتى جىلدىعىندا قالادا تاعى 179 مىڭ شارشى مەترگە ءۇي سالامىز. بۇل ءوز كەزەگىندە ماسەلەنى شەشۋگە مۇمكىندىك بەرەدى»،-دەدى د. احمەتوۆ.

بۇگىنگى كۇنى مەملەكەتتىك تۇرعىنۇي قورىنان باسپانا الۋ ءۇشىن 10,5 مىڭنان استام ازامات كەزەكتە تۇر. ونىڭ ىشىندە  371-ءى كوپ بالالى وتباسى.

بيىلعى جىلى وبلىستىڭ 290 كوپبالالى وتباسىنا باسپانا كىلتىن تابىستاۋ كوزدەلۋدە.

ايتا كەتۋ كەرەك، سوڭعى  ءۇش جىلدا وبلىستا تۇرعىنۇي قۇرىلىسى قارقىندى دامۋدا. وتكەن جىلى شقو-دا 410,5 مىڭ شارشى مەتر تۇرعىنۇي پايدالانۋعا بەرىلدى. ال اعىمداعى جىلى 639,9 مىڭ شارشى مەتر تۇرعىن ءۇيدىڭ قۇرىلىسى باستالدى.

Abai.kz

11 پىكىر