بۇگىن ۇكىمەت وتىرىسىندا قىزىلوردا وبلىسىنىڭ اكىمى قىرىمبەك كوشەرباەۆ وبلىستىڭ 2022 جىلعا دەيىنگى كەشەندى دامۋ جوسپارىن تانىستىردى. اتالمىش جوسپار 12 باعىت، 119 ءىس-شارادان تۇرادى. 

كەشەندى جوسپاردا ونەركاسىپتى دامىتۋ ماسەلەلەرى دە بار.

بۇگىندە وڭىردە وندىرىلەتىن مۇنايدىڭ 80 پايىزىنا دەيىن ەلدىڭ ىشكى نارىعىندا نارىقتىق باعادان تومەن باعامەن ساتىلادى. وسىعان بايلانىستى ق.كوشەرباەۆ جەر قويناۋىن پايدالانۋشىلارعا مۇناي ءوندىرىسىن نەعۇرلىم ءتيىمدى شارتتاردا جۇزەگە اسىرۋدى ۇسىندى.

"بۇل وندىرىلگەن ءونىمدى ساتۋ كەزىندە وپەراتورلار تاپقان تابىستارىنىڭ ءبىر بولىگىن جاڭا كەن ورىندارىن بارلاۋ مەن بۇرعىلاۋعا، سونداي - اق جاڭا تەحنولوگيالاردى ەنگىزۋگە باعىتتاۋعا مۇمكىندىك بەرەدى", - دەدى ق.كوشەرباەۆ.

بۇدان باسقا، "وڭتۇستىك-تورعاي", "سىرداريا" جانە "شۋ-سارىسۋ" ويپاتتارىندا جاڭا كەن ورىندارىنا بارلاۋ جۇرگىزۋ ۇسىنىلدى.

ايماق باسشىسى بۇگىنگى تاڭدا قىزىلوردا وبلىسىندا قولدانىستاعى مۇناي كەن ورىندارىنىڭ سارقىلۋىنا بايلانىستى مۇناي بۇرعىلاۋ 1,5-2 مىڭ مەتر تەرەڭدىكتە جۇرگىزىلەتىنىن اتاپ ءوتتى. وسىعان بايلانىستى جوعارىدا كورسەتىلگەن كەن ورىندارىندا 5 مىڭ مەتردەن اسا تەرەڭدىكتە بۇرعىلاۋدى جۇزەگە اسىرۋدى ۇسىندى.

"ول ءۇشىن ءتيىستى گەولوگيالىق زەرتتەۋلەر جۇرگىزۋ قاجەت", - دەدى وبلىس اكىمى.

ەسكە سالايىق، اعىمداعى جىلدىڭ اقپان ايىندا قازاقستان رەسپۋبليكاسى قاۋىپسىزدىك كەڭەسىنىڭ وتىرىسىندا ءوڭىر تۇرعىندارىنىڭ الەۋمەتتىك-ەكونوميكالىق جاعدايىن جاقسارتۋ جانە دامۋ قارقىنىن ارتتىرۋ ماقساتىندا وبلىستىڭ وزەكتى ماسەلەلەرى قارالدى. قاۋىپسىزدىك كەڭەسىنىڭ وتىرىسىندا كەڭەس توراعاسى-ەلباسى ن.ءا.نازارباەۆ 2022 جىلعا دەيىن وبلىستى دامىتۋدىڭ كەشەندى جوسپارىن ازىرلەۋدى تاپسىرعان ەدى.

ءوڭىردى دامىتۋدىڭ كەشەندى جوسپارى قۇنى 219,7 ملرد.تەڭگە بولاتىن 119 ءىس-شارادان تۇرادى.  كەشەندى جوسپار 12 باعىتتى قامتيدى.ولار - ونەركاسىپ، اگروونەركاسىپتىك كەشەن، كاسىپكەرلىكتى دامىتۋ، كولىك ينفراقۇرىلىمى، تۇرعىن ءۇي كوممۋنالدىق شارۋاشىلىعى، ەكولوگيا جانە تابيعاتتى پايدالانۋ، حالىقتى الەۋمەتتىك قورعاۋ، دەنساۋلىق ساقتاۋ، سپورت، سۋ تاسقىنىنا قارسى ءىس-شارالار، تۇرعىن ءۇي قۇرىلىسى جانە ينجەنەرلىك-كوممۋنيكاتسيالىق ينفراقۇرىلىمدى دامىتۋ.

Abai.kz