جۇما, 29 ناۋرىز 2024
ساياسات 4278 1 پىكىر 15 مامىر, 2019 ساعات 10:41

مايك پومپەو مەن ۆلاديمير پۋتين سوچيدە كەزدەستى

سوچيدە سەيسەنبى كۇنى كەشكىسىن اقش مەملەكەتتىك حاتشىسى مايك پومپەو مەن رەسەي پرەزيدەنتى ۆلاديمير ءپۋتيننىڭ كەزدەسۋى ءوتتى.

ءپۋتيننىڭ كومەكشىسى يۋري ۋشاكوۆتىڭ سوزىنشە، كەزدەسۋ ءبىر جارىم ساعاتقا سوزىلعان. پۋتين مەن پومپەو سيريا، ليۆيا، ۆەنەسۋەلا، سولتۇستىك كورەياداعى جاعداي مەن رەسەي جانە اقش اراسىنداعى زىمىران جونىندەگى كەلىسىمدەردى تالقىلاعان.

كەزدەسۋ بارىسىندا ۋكراينا مەن ادام قۇقىقتارى ءسوز بولماعان. ۋشاكوۆتىڭ ايتۋىنشا، كەزدەسۋ ايتارلىقتاي ناتيجە بەرمەگەن، بىراق ۆاشينگتوننىڭ "ىسكە بەيىمدەلۋى" بايقالادى.

كەزدەسۋگە رەسەي سىرتقى ىستەر ءمينيسترى سەرگەي لاۆروۆ پەن سىرتقى بارلاۋ قىزمەتىنىڭ ديرەكتورى سەرگەي نارىشكين دە قاتىسقان.

كەزدەسۋ قورىتىندىسى بويىنشا امەريكالىق تاراپ ءالى تۇسىنىكتەمە بەرمەدى.

پۋتين مەملەكەتتىك حاتشىعا "رەسەي اقش-پەن قارىم-قاتىناستى قالپىنا كەلتىرگىسى كەلەدى" دەگەن. ءپۋتيننىڭ پىكىرىنشە، قازىر بۇعان قاجەتتى جاعداي جاسالىنىپ جاتىر. رەسەي پرەزيدەنتى سونىمەن بىرگە ارنايى پروكۋرور روبەرت ميۋللەردىڭ اقش-تاعى پرەزيدەنت سايلاۋىنا رەسەيدىڭ ارالاسۋى جونىندەگى تەرگەۋ قورىتىندىسىن "وبەكتيۆتى" دەپ اتاعان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616