جۇما, 29 ناۋرىز 2024
الەۋمەت 5939 2 پىكىر 6 مامىر, 2019 ساعات 11:14

تۇرعىن ءۇي الۋ ءۇشىن جەڭىلدىكپەن نەسيەلەندىرۋ: كريتەريلەرى جانە شارتتارى

جەڭىلدىكپەن نەسيەلەندىرۋ تۇرعىن ءۇي الۋ ءۇشىن كوپ بالالى وتباسىلارعا ۇسىنىلادى. بۇل تۋرالى قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ ايتتى.

جەڭىلدىكپەن نەسيەلەندىرۋ از قامتىلعان، كوپ بالالى، تولىق ەمەس جانە مۇمكىندىگى شەكتەۋلى بالالاردى تاربيەلەپ وتىرعان وتباسىلارعا ارنالعان.

م. جايىمبەتوۆ اتاپ وتكەندەي، تۇرعىن ءۇي قۇرىلىس جيناق بانكى ارقىلى ءۇش جىل بويى 50 ملرد تەڭگەدەن ءبولىنىپ وتىراتىن بولادى. بارلىعى 18 مىڭ زايم بولىنەدى.

«ءۇش اينالىم بولادى دەپ جوسپارلاپ وتىرمىز. سوندا 25 جىل ىشىندە 56 مىڭ زايم بولىنەدى. 56 مىڭ زايم – بۇل تيىسىنشە، 56 مىڭ پاتەر. پايىزدىق مولشەرلەمەسى – 2%. نەسيەلەندىرۋ مەرزىمى –20 جىل. باستاپقى جارناسى –10%. 18 مىڭ زايمعا 150 ملرد تەڭگە ءبولىندى»، —  دەدى كوميتەت توراعاسى.

ونىڭ ايتۋىنشا،  2019 جىلعى 1 قاڭتارداعى جاعداي بويىنشا تۇرعىن ءۇي الۋ كەزەگىندە 487 مىڭ ادام تۇردى. ونىڭ ىشىندە حالىقتىڭ الەۋمەتتىك ءالجۋاز توپتارىنان 220 مىڭعا جۋىق ادام بار. كوپ بالالى، از قامتىلعان وتباسىلار — 28 126 ادام. ءى توقساندا ولاردىڭ سانى 3 مىڭ ادامعا ارتتى. قازىر بۇل كەزەكتە 31 700 استام ادام تۇر.

«7 جىل بويى جىل سايىن اكىمدىكتە كەزەكتە تۇرعاندار ءۇشىن 40 مىڭنان استام جالعا بەرىلەتىن تۇرعىن ءۇي سالىنادى. جىل سايىن 6 مىڭ پاتەر پايدالانۋعا بەرىلەدى. كوپ بالالى انالار مەن “التىن القا”، “كۇمىس القا” يەگەرلەرى جانە “باتىر انا” اتاعىن العاندار ءۇشىن جەكە كەزەك بولادى. ولار جالعا بەرىلەتىن تۇرعىن ءۇيدى ءبىرىنشى كەزەكتە الۋ قۇقىعىنا يە», — دەدى م. جايىمبەتوۆ.

سونىمەن قاتار، كوپ بالالى وتباسىلارعا تۇرعىن ءۇي الۋ قۇقىعىن بەرەتىن تۇرعىن ءۇي سەرتيفيكاتىن ەنگىزۋ جوسپارلانعان.

«ءبىز قازىر تۇرعىن ءۇي سەرتيفيكاتى بويىنشا ەرەجەلەردى ازىرلەپ جاتىرمىز. جەرگىلىكتى اتقارۋشى ورگاندار ارقىلى 5 جىل ىشىندە 85 ملرد تگ بولىنەدى. ءاربىر اكىمدىك ءوز مۇمكىندىگىنشە قاراجات بولەدى. ەگەر بۇعان دەيىن وسىنداي قاراجاتتار دارىگەرلەر، مۇعالىمدەر، پوليتسەيلەر ءۇشىن “نۇرلى جەر”، “7-20-25” باعدارلامالارى بويىنشا بولىنسە، ەندى كوپ بالالى، تولىق ەمەس جانە مۇمكىندىكتەرى شەكتەۋلى بالالاردى تاربيەلەپ وتىرعان وتباسىلارعا بەرىلسىن دەگەن ۇسىنىس بار»، — دەپ تۇيىندەدى كوميتەت توراعاسى.

تۇپنۇسقا: primeminister.kz

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1564
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3538